HAKHOKHMA Post Post New Entry

Hmeichhe zai ri hi ngaihthlak thiang ani em?

Posted by hakhokhma on January 16, 2012 at 6:45 PM

Halakha (Juda dan) ah Hmeichhe zai ri ngaihthlak hi thiang a ni em?


     Harav Eliezer Melamed שליט"א : Hemi chungchang hi sawitur a tam mai a, chuvangin, hetiang hian a tawi zawngin i han khel teh ang. (Rav chhanna hi a sei hlawm deuhva, chuvangin, a kaihtawi theih dan anga kaihtawi kan tum ang... HK)


    A thianlohna chhan: Hemi thianlohna chungchang bul lo chhuahna chu Deut' 23;15 "Velo ire bekha ervat davar" (In zingah thil bawlhhlawh a hmu tur a ni lo) tih chang atanga zirchhuah a ni a, heimi awmzia hi mipa leh hmeichhe laka zahmawh (Erva) lam thua invawn fimkhurna tur atana thupek a ni. Kan Khakhamim (Rabbi mifing ho) chuan "Hmeichhe aw ri chu zahmawh rawngkai a ni, tin, "Tefakh beisha erva" (Hmeichhia ten an khuh bo loh chin, an hmai leh an kut bawr bak chu sum khat lek a lan pawhin chu chu zahmawh ani) an lo ti bawk a, hei hi 'Talmud bavli' ah 'Masekhet Brakhot כד, א ah a in ziak a ni. Chumi anih avangin, hmeichhe zai ri chu 'Tsniut' (P-thian laka nundan leh awmdan inchei dan mawi leh dik leh tenawm lo) lam thuah ngaihthlak thiang lo a lo nita a ni. He dan hi Harosh te, Samag te, Rid te, Samak te, Rea te, Riaz te, leh mi dang dang ten an lo ziak tawh bawk a ni.


   Amaherawhchu, hemi awmzia hi mipa ten thu thianghlim hmeichhe aw an hriat laiin an sawi thiang lo ti an awm bawk a, entirnan; hmeichhe aw ri hre chungin 'Kriat Shma' te kan sawi thei lo a ni. he dan sawitu te hi Rav Hai Gaon te, Rav Yehudai Gaon te, Raavia te an ni.


Tin, Akhronim thenkhat te chuan Geonim te leh Rishonim te lak atanga an hraitthiam danin engmah thianlohna a awm lo an ti a, chungte chu 'Beer Sheva te, Sridei Esh' te an ni. Tin, chutiangin, Akhronim te zingah tho an hma ami te hnen atanga an lo zir leh hriatthiam danah Hmeichhe zai ri ngaihthlak a thianloh thu chu an lo pawm ve bawk, chungte chu Hagara te, Yad Aharon te an ni.


   Chuti anih avangin a tam zawk te ngaihdanah Hmeichhe zai ri ngaihthak thiang lo an tih avangin, Juda te dan ziakkhawm tu pui ber 'Shulkhan Arukh' pawh chuan Hmeichhe zai ri ngaihthlak thiang lo tiin Halakha a lo nemnghet ta bawk a, tichuan, a hnua Akhronim hote chu chutianga kalpui tur chuan tih an lo nita bawk a ni. (שו"ע אה"ע כא, א: מ"ב עה,יז ).


   Tin, tum hrim hrim lem lova a awmna hmunin a zir loh avanga hmeichhe zai ri a lo hriat chuan thil sual ti leh dan bawhchhia anga ngaih ani lo tiin 'Meiri te, Hakhinukh te, Rabeinu Yona' te chuan an lo sawi bawk a, amaherawhchu, 'Eshkol' chuan dan a bawhchhiain thil sual ati a ni a lo ti ve bawk. Tin, chumi hmun atang chuan a kal sawn theih loh chuan 'Anus' (loh theih lohna dan) in a phuar tel tihna ani tiin 'יראים, מ"ב, יז ah chuan a inziak ve bawk.


   Chutiangin la zam deuh an awm bawk a, chungte chuan engemaw Ceremony na hmun angah te indona a sipai thi te chhungte an lo lungawi loh dawn chuan chhuahsan lova chu hmeichhe zai ri chu ngaihpawimawh lova a hmunah chuan awm tho tur ti an awm a, mahse, chungte pawh chuan heng mitthi chhungte chu an lungawi loh dawn lem loh chuan chhauhsan tur an ti a, mahse, chutiang thuhla avang mai mai chuan 'Khakhamim' te Halakha lo siam tawh hnawl ringawt chu a dik lova, chuti anih avangin, Sipai hmunah te hetiang Halakha dan kalh hmanga sipai te an tilui anih chuan chu chu Halakha dan kalha thupek ani a, hei hi Rambam pawhin a ziak a ni. (רמב"ם הל' מלכים ג, ט )


    A nih leh Dvora-i hla hi le.. Roreltute 5;1 ah Dvora chuan Sisra leh Yavin te chu indona a a hneh avangin P-thian fakin a zai thu kan hmu a, anih leh chuti anih si chuan engtin nge Khakhamim te chuan Hmeichhe zai ri ngaihthlak thiang ani lo an tih theih mai le? He thu chungchang hi 'Hakhida' chuan hetih hunlai hian Dvora hnenah hian 'Shkhina' (P-thian chenchilhna) a lo thlenga chuvangin 'Tsniut' lam thuah hlauhthawnna a awm lo a ni ati a, tin, 'Mate Efraim' chuan Dvora hi zai kan tih hi rimawi te nena thluk neia zai ani lova, Hlathu a au chhuahpui ani ati bawk.


    He thu chungchang hi han sawifiah lawk ila, Torah chuan Hmeichhe zai ri ngaihthlak thiang lo tiin thu a pe lem lova, mahse, Torah chuan Rabbi (A dan zirtu leh zirtirtu) te hnenah Torah thupek te chu bawhchhiat anih palh lohna turin huang/pal (Siag) siam turin thu a pe a, tichuan, 'Khakhamim' (Rabbi) hote chuan mipa te leh hmeichhia te ualau taka thil tihhona an neih hian thil thalo tak a thlen thei tih an hriat avangin, Torah dan chu 'Tsniut' chungchanga bawhchhiat anih lohna turin huang an lo siam belh ta a, hemi chungchanga entirna tha tak lo awm tawh chu, Temple (Beit Hamikdash Harishon) pakhatna pawh kha uire (Gilui Araiot) na avanga chheta anih kha. He dan (Hmeichhe zai ri ngaihthlak thiang lo) an lo zamna avang hian Israel te zingah khawlohna tam tak an lo venghim thei ta a ni.


   Anih leh 'Shirei Kodesh' (Hla thianghlim) ang chi hi le... Halakha siamtu (Poskim) tam tak te chuan mipa leh hmeichhia ten aruala hetiang fakna hla, hla thianghlim ang hi sak ho thiang an lo ti a, hmeichhia ten amala Solo anga sa lovin, tin, P-thian thu lama thil tiho an nih avangin 'Tsniut' lama rinhlelh kaina a awm lo an lo ti bawk a ni. Heti anih avang hian German ramah chuan hmanlaiin Rabbi ten Shabat chawhlui kil khawmna dawhkanah te chuan Shabat hla te chu a huhovin hmeichhia leh mipa te chuan zai ho thiang tiin dan an lo siam tawh a, chutiangin 'Sridei Esh' pawhin , tin, Rabbi lian tam zawk te chuan chutiang pawh chu thiang lo an lo ti bawk a, mahse, Beit Kneset (Synagogue) ah te chuan hmeichhe awmna hmun bik (Ezrat Nashim) atanga mipa zai an lo zawm ve te erawh chu thiang an ti a ni. (והחת"ס חו"מ קצ החמיר בזה )


    Anih leh Media atang te leh Electronics thil hmangin hmeichhe zai ri te hi ngaihthlak thiang a ni em? He thuah hian Akhronim te ngaihdan ainanglo thluah a, a then te chuan thiang chuang lo an aw chu ataka an aw nen a inan tho avangin an ti a,(חלקת יעקב או"ח קסג: אז נדברו ח"ו סט, ח: שבט הלוי ג, קפא: אבני ישפה ב, ה ) a then te chuan a thian dan a awm a zaitu nu chu an hmelhriat lohvin an ti a, (מערכי לב או"ח ה: אור לציון ח"ב, ו, יג: עשה לך רב א, כח: יבי"א ו, א ) Tin, a then te chuan la la zam leh deuhin a zaitu nu pawh chu an hmelhriat anih pawhin a thiang an ti a, chungte chuan a zai lai la la (a concert lai) chauin a thiang lo an ti a ni. (עפ"י ראבי"ה א, עו: וכ"כ ביבי"א ט, קח, מג בשם הרב אלישיב" בני בנים ח"ד, ד, ו ).


    Tin, au rinna hmanga hmeichhe zai chu electronic thil hmanga zai ni mahse, amah tak a zai lai anih avangin a thiang lo an ti bawk. (עיין פניני הלכה ברכות ה, 10: יב, 8. וכן בהליכות שלמה אוירבעאך תפילה כ, יב ) .


    He thu chungchanga khawikhawmna atan chuan thiang ti thenkhat awm bawk mahse, Poskim (Halakha siamtu) thiam zawk te leh tam zawk ten thiang lo an tih avangin, Concert na ang hmuna hmeichhe zai ri chu mipa tan ngaihthlak a thiang lova, amaherawhchu, thil dang tape leh mp3 ang atanga ngaithla duh tan chuan an ngaithla thei tho bawk. A chhanchu, Rabbi ropui zawk ten hetianga record hnu ngaihthlak chungchang hi an sawi lem loh avangin.


   MARA DEATRA (Khaw Rabbi): Anih leh Sipai Chief Rabbi hi Siapai tan an 'Mara deatra' ani lo em ni? Sipai Chief Rabbi chuan Sipai Ceremony neihna ah hmeichhe zai ri ngaihthlak thiang tiin thu lo tithlu ta se, chumi zul zui chuan kan kal tur ani mai lovem ni?


     'Mara Deatra' nihna tura thuneihna engkim leh ama thua thutlukna siam theihna thuneihna Sipai Rabbi chuan a neih loh avangin 'Mara Deatra' nihna a nei lo a, a hmasa berin 'Mara Deatra' tih awmzia chu 'an pu ber' tihna ani, chumi awmzia chu a thu ang zawng zawng chu a lal ber tur tihna a ni. Tunhma lam te kha chuan Rabanut te thu neihna hia sang em em a, Halakha lam thu ah te, Musar (Awm dan mawi) chungchang thuah te, hlawh siamna thuah te, kawng zawh leh nawrhna huaihawt thuhla ah te thuneihna engkim an nei thin a, mahse, khang an thuneihna te kha lak sak anih hnuah Halakha (Juda dan) chungchang thuah chauh thuneihna an nei ta a, chuvangin Rabanut thuneihna chu a lo nep ta em em a, chungte chu Rabbi te duhdan an ni na erawh a, achhanchu, an mahni community chungthu ah chuan ama thu ang chauhva Halakha dan hi kenkawh anih theih nan a ni a, mahse, Sipai Chief Rabbi chungthuah erawh chuan ama thiltih tur chu ama Commander a chunga mite thupek ang a zawm angaih avangin ama huam chhunga a sipai te chungah pawh Halakha (Juda dan) chu a pu te pawmpuina leh Army Spokesman thu lo chuan a sawi thiang lo va, hei hi hman ni lawka Sipai Officer zirlai ten an ceremony neihna a hmeichhia a zai avanga ahmun atanga an chhuah thuah khan Sipai Chief Rabbi in thu neihna sang a neih loh zia a lang chiang em em a ni. He Halakha dan hi mipui hmaa a puan chhuah vaih chuan an suspend dawn avang kha a ni. Chutiang dinhmun leka awm anih avang chuan Sipai Chief Rabbi chu 'Mara Deatra' nihna a nei zo lo hrim hrim a ni. A nihna zawng chu Chief of Army Staff hnena Sakhuana lam thurawn petu lek ani tihna a nih chu.


    Chutiang ni lovin, 'Mara Deatra' chu mipui ten Torah leh a thupek kan kenkawh theihna tura mawhphur tura kan thlan chhuah angai a, chuti lovin, Sipai ah chuan chutiang lam tumna nei hran lem lovin Sipai Officer ten an mahni interes lam thu zawk avangin Officer Sakhawmi lo te te ten an thlan chhuah kha a ni.


   Israel Sipai (Tsahal) din tirh anih khan Israel Chief Rabbi Harav Hertsig chuan Sipai te chu thu pein, Sipai Chief Rabbi turin Harav Shlomo Goren chu dah rawh u tia thu a pek na angin Sipai lam thu neitu te chuan Rav Shlomo Goren chu an dah ta a, khatiang ang kha anih dan tur dik chu a ni a, chutiangin, Harav Goren pawh chuan Sipai chhungah a chunga mi an awm lo tih a hria a, chuti anih avangin huai tak takin Halakha thu a sawi piap piap anih kha, (HK- Kan hriat theuh angin Harav Shlomo Goren kha Aluf= General anih kha, a hnu atang khan Sipai lam hotu ten Sipai Chief Rabbi ni tur hian General an thlang duh tawh lo a nih kha... Tat-Aluf chuah an thlang duh tawh, a chunga thu an neih theih nan) .


     Chuvangin, pawi hle mahse, Sipai Chief Rabbi chuan Halakha chungchangah Rabbi lian 'Poskim' te thutlukna chu a hnial thiang ta lo hrim hrim a ni.


    Chuti anih avangin, Sipai commander ten an sipai te hnenah Hmeichhe zai ri ngaithla lui tura thu an pek chuan an hnial tur a ni a, tichuan, Israel te nihna chu a lo nghet zual deuh deuh dawn a ni.. Deuteronomy 23;15 naa a inziah angin, "Lalpa in P-thian chu in riahhmun (Camp) ah nangmahni chhanhim tur leh in hmelmate hlan tur cheuin a lo tel zel si thin a, chuvangin, in riahhmun chu a thianghlim tur a ni, chuti lo chuan in zingah thil bawlhhlawh a hmu anga, a kal bo san dah ang che u." tiin.


Source: בשבע . Gilaion Mispar 476 page- 38

Categories: Judaism, Halakhot, Juda dan, Khinukh, Education

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments