HAKHOKHMA Post Post New Entry

Tsom Kal

Posted by hakhokhma on January 4, 2012 at 12:25 PM

   Yom Khamishi (5/1/2012) hi Tsom Asara Betevet (Chaw nghei) a lo ni leh ta reng mai, Tlai lam a awm a, zing lam a awm tih anih angin, Teimanim ho chuan he chaw nghei dawn ni zan atang hian 'Shulkhan Arukh' dan angin 'Amida' (Shmone Erse) ah 'Aneinu' an sawi tel thin a, tin, 'Shulkhan Arukh' dan anga kal 'Sefardim' te chuan he thuah hian 'Baal Hamaor' dan angin zing Shakharit atang chauhin an sawi tan thin a ni.


    Tin, Ashkenazim te chuan 'Harama' dan angin he 'Aneinu' ah hian 'Beyom Tsom Taaniteinu' (vawiin kan chaw nghei ni ah hian) tih chu sawi tel anih avangin, kan tawngtaina chu dawt sawi kan nih loh nan a hma zan hi chuan sawi loh tur tih a ni a, tin, nilenga chaw kan nghei loh tak thut theihna avangin zing Shakharit ah pawh sawi loh tur tih a ni bawk a, amaherawhchu, Shakharit ah hian 'Khazan' (Hruaitu) chuan 'Khazara' (Amida repeat) naah Aneinu chu a saiw tur a ni, a chhanchu, mipui zingah chuan tu nge maw tal chaw nghei an awm dawn vang a ni. Tichuan, mipui te chuan Minkha ah chauh 'Aneinu' chu an sawi tel thin a ni.


    Tin, hemi ni hian engemaw avanga chaw ei chu Torah chhiar tura koh thiang a ni lova, tin, Khazan ah pawh a tang thiang lo a ni.


    Taanit Tsibur (Vantlang chawnghei) pathum te Tsom Gedalia, Tsom Tevet, Tsom Tamuz te ah hian chaw nghei ve kher ngai lo an awm a, chungte chu (1) Raipuar, (2) Naute hnute pe lai, (3) Damlo, (4) Naupang Bar/bat Mitsvah hnuai lam te an ni a, hetiang baka engemaw vanga chaw nghei thei lo tura inngai te chuan chaw nghei ni hma hian ama pual bik turin chaw a ei thei ang em? tih a zawt tur a ni. Tin, he ni hi Hnam pum Lusun ni leh Ezra Hasofer thih ni a nih avangin chaw ei thei te pawh hian an taksa nunna atana pawimawh chin chiah an ei tur a ni a, Chhangthawp leh tui an eiin an in thei ang, tin, an thil ei lai hian a hawihhawm (Betsina) thei ang bera eiin mi dang chaw nghei te hmuh laia ei loh hram an tum tur a ni , hemi ni hian engemaw taksa nawmsipbawlna thil music ngaihthlak te, Yam (Tuipui) a kal te, engemaw hlimna lampang tih reng reng laka insum tur a ni.


Tsom Asara Betevet - Click here

Categories: Taaniot, Chawnghei

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments