HAKHOKHMA Post Post New Entry

Arab Hackers hovin Israel Visa card 400000 chuang internet ah an pho lang

Posted by hakhokhma on January 3, 2012 at 6:55 AM

    Ni 2/1/2012 zan khan Saudia Arabia Hackers hovin Israel Visa card number leh an pratim hrang hrangte ruk chhuah sakin internet ah an pholang a, hei hi misual hrang hrang ten lo hmang tangkaiin an lo ruk chhawn sak a, tichuan, Israel Visa card 400,000 chuang number an rukchhuah sak a ni.


   Heng misual hote hian heng visa number hmang hian thil leiin pawisa tam tak an ruchhuak a, chuvangin a rang lama in Visa card a him em tih enfiah a tha viau ang.


    Hetianga Company lian Visa / Ashrai / American Express / Marter Card te Hakers hovin an luhchhuah thei hi heng company hote tan hian thil zahthlak tawp a tling a, engvangin nge Security tha tawk Paypal te anga an lo siam loh? tih chu mipui te zawhna ani. Chuvangin englekhawle he thil avanga Visa card chingpen te chu Visa company hian zangnadawmna a pe dawn tih erawh an sawi tawh a ni.


*Hetah hian click ula, tichuan, Visa card number an rukchhuah te hming list chu in hmu thei ang, in hming a tel ve chuan in visa pawh a him lo tihna a ni a, tichuan, arang thei ang berin zawtfiah ang che u.

    Tin, internet atanga Bank Account enkawl thin in nih chuan, in Visa hmanga in thil lei ni miah si lo, lo hmanna a awm chuan a rang a rangin inhriattir nghal bawk rawh u.


Phone hmanga zawhfiahna-

Isra Card - 03-6364666

Leumi Card - 03-6178800

American Express - 03-9221088

Visa - 03-5723666


* A tuk ni 3/1/2012 lam khan Visa Company chuan he thil hi enfiahin mi 400,000 em em hi a lo ni lova, mi 14,000 vel zawk an ni tih thu an puang a, tin, heng Visa card id rukchhuah sak ho zawng zawng te hi Company lam miten phone hmangin an rawn hriattir dawn cheu a, tichuan, in Visa id ruk sak in nih chuan an khar sak nghal cheu anga, tichuan a thar an rawn thawn sak ang che u, tin, in Visa hmanga pawisa an lo lakchhauh te chu Visa Company hian a rul let leh vek dawn che u a ni. Tin, heng visa id ruk sak hote hi internet atanga thil lei leh order thin an nih hlawm avangin, thurawn mai mai atan, internet hmang thil i lei dawnin Company lian leh Hriatlar hnen atang chauhvin lei thin ang che, an ni hote hian an website Security atan pawisa tam tak tak sengin an mahni dawrtute id engmah hetianga rukchhuah sak anih theih lohna tur hian hma an la thin a ni.


    Heng Visa id an rukchhuah sak hote zingah hian mi lar tak tak te pawh tam tak an awm a, zaithiam Ayal Golan te, Moshe Perets te leh Khaverat Kneset Sheli Yekhimovits te leh mi dang dangte pawh an tel a ni.

הודעת מקבוצת ההאקרים שפרסמה פרטי ישראלים באינטרנט

Categories: News

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments