HAKHOKHMA Post Post New Entry

Kiriat Arba ah nupa inkap hlum

Posted by hakhokhma on December 15, 2011 at 9:30 PM

    Tukin zing (16/12/2011) khan Kharsina khuaa cheng Gabi Tuito (49) leh Mazal Tuito (44) te chu kum hnih an inthen hnuah a nupui zawk chenna in Kharsina ah an ruang chhar a ni. An fapa silai (M-16) hmangin an inkap hlum a ni.


    An fapa kum 20 mi sipai tanglai zan leng chu zing dar 4:00 velah hawngin an inah chuan a nu leh pa ruang chu an in chhunga thisen luang zuih zingah chuan hmuin a rang arangin Police leh Ambulance a ko nghal a, amaherawhchu, Ambulance te an lo then hian chhan hman an ni tawh lova, a hmunah hian Paramedic chuan an thih thu a puang ta a ni.


    Gabi-a te nupa hian fa 7 an nei a, an fate zinga mi 2 chu sipai tang lai an ni bawk a, tin, an inthen hnu hian an fate hi an chhungte inah an insem darh kual hlawm a, an nupa hi nupa intihbuaina chungchang thuah tunhma lam te pawh a Sosial Woker te hmelhriat tawh thin an ni a, a lan danah hian tun hnaiah Gabi-a hian inneih that leh hi a duh a, amaherawhchu, an nu hian rem a ti tawh lo an ti a ni.


    An ni nupa hi Benei Menashe mite hmelhriat an ni a, tin, pawn lama an landanah chuan mi biangbiak thiam leh fel tak an ni thin a, he an intihhlumna thu hian a khaw mipuite chu a barakhaih tak zet a ni.

Categories: News

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments