HAKHOKHMA Post Post New Entry

Jordan ramri hungna pal chep chat

Posted by hakhokhma on December 13, 2011 at 8:20 PM

    Yom Sheni (12/12/2011) khan Juda mi 'Mitnakhalim' (Settlers) tia hriat lar Right Wings ho mi sawm pasarih te chuan Jordan Valley a Israel leh Jordan in ramri na pal chu chep chatin a hmunah hian ram lak tumin an lut a, hei hi Israel sipai te chuan zankhuaa an beih hnuah an vaiin an man ta a, an zingah hian kum tling lo tleirawl mi 8 an tel bawk a, tichuan, a tukah Jerusalem Court a hruai niin hemi ni vek hian puitling ho zawng 7 te chu chhuah an ni a, amaherawhchu, hemi hmun Jordan ruam hi ni 30 chhung tlawh thei lo turin Court chuan thu a titlu a, tin, tleirawl 8 te pawh hi a rang lama Court chuan a chhuah ve bawk a rinawm.



     Hetia Right Wings (Yemanim) ho chet nachhan hi tunhnaiah Israel Sorkar chuan Settlement (Hitnakhalut) hrang hrang chu thiata a hmuna cheng chhungkaw hrang hrang te chu pawhchhuah a tum avang a ni a, hetia an chet avang hian Sorkar leh Sipai lam atang pawha thu thar sutna tur thu hla emaw ala rik chuan loh avangin, Right Wings dang hote pawhin, vawiin lam khan 'Khativat Efraim' Sipai base te chu luh chilhin a hmuna sipai commander te chu lungin an vawm bawk a, tin, a hmuna sipai bungraw hrang hrangte chu an tichhe nual bawk a ni.



    Sipai officer pakhat chuan "Kan duty na hmunah Juda te khaw lam chu hnung chhawnin Terrorist te lokal na lam tur nia kan rin Arab khaw lam chu thlirin kan mit kan len thin a, amaherawhchu, kan hnung kam atangin kan unau te ngeiin min bei a ni ," ati a, tin, chutiangin, PM leh Chief of Army Staff chuan "Kan unau Juda te ni mahse, hetianga Terrorist te chet anga an chet chuan an chungah na takin kut kan lek ang" an ti a, hetianga Sorkar lamin a ram chhung mipui nunau te an in leh lo ata pawhchhuah a tum avang hian khaw hrang hrang ah chuan Sipai ten chumi khua chu pawhchhuah tum anga an hriat apiangin SMS hmangin a khaw chheh vel mipui te ko khawmin, Sipai te lo kal tur dang tur hian an inko khawm chuah chuah bawk.


     Heng Mitnakhalim Sipai tibuai tute hi Israel Rabbi lian leh hrawl tak tak heng Mitnakhalim te nen pawha inhnaivai tak ho chuan man tir tur leh, dan an bawhchhiat avanga tute nge an ni tih hria te chuan an hming Police hnena hrilh turin mipui te an ko a ni.

Categories: News

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments