HAKHOKHMA Post Post New Entry

US Spy Jet Iran kah thlak kha

Posted by hakhokhma on December 8, 2011 at 1:35 PM

    Kar hmasaa US Spy Jet RQ-170 tha chungchuang Iran rama an kahthlak chu vawiin khan Iran Tv chuan a lem nen lam an rawn tichhuak ta a, he thlawhna hi a pum him piala kah thlak a ni a, he thlawhna hi Computer khawl vek anih mai bakah, amah hi computer atanga control ani a, tichuan, a thuruk thei ang bera kum tam tak America chuan a lo duan leh siam he Spy Jet hi silai hmanga kah thlak mai ani lo hrim hrim ang tih chu a hriatthiam theih mai a, chuti anih chuan Iran mithiam te chuan hetia an rama a thlawhluh hian an lo control khalh ta hmakin, an ramah chuan him pialin an tum tir tihna ani a , tin, he Spy Jet changkang tak hi Afghanistan atanga Iran ram enthla tura thlawhluh tir a ni a, America chuan Iran thiamna hmanga kah thlak / tum tir alo nita chu rin ngam leh pawm ngam har an ti hle a ni.



    Tin, he thlawhna hi Russia leh China chuan engtinmah an tih hmaa en thlithlai leh a chanchin zir chian chu Iran hnenah hian an dil diam bawk tawh a ni, an ni ram pahnih te hian Iran Nuclear weapon siam hi an dodal hran lova, chuvangin, Iran chu run anih hunah heng ram lian pahnih te hian hetiang thlawhna hi an lo siam chhuak ve hman emaw, engtin maw an lo khawihbuai phah vein indo a tih harsat phahin a tih chingpen phah theih palh a hlauhawm dawn em em a,  he thil thleng hi America chuan pawi an tiin, an thuruk an Secret Weapon hetia hmelma kuta ramdang miten a chanchin an hriat theih phah tura a awm hi zahthlak an tiin, pawi an ti tak zet a ni.



   Iran rama America chuan a sipai te chet tirna chungchangah hian a tluang lo thin em em a, kum 30 hma lam tawh pawh khan Iran rama US Embassy an luhchilh tumin US mi leh sa an mante chu America chuan Helicopter pahnih thawnin a commando tha thlanchhuahte va luh chhuah a, an mi tangte va chhanchhuak turin a lo tir tawh a, amaherawhchu, an kalkawngah chuan thlaler thli an tawk hlauh mai a, an helicopter engine ah chuan thlaler vaivut filter alo awm si lova, chuvangin, Iran sipai ten an rawn do dawn ani tih pawh an hriat hmain, an mahni hellicopter pahnih te chu buai tain an insut phah a, tichuan, a chhunga chuan commando rual zawng zawng te chu an thih phah vek tawh bawk a ni.

Categories: News

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments