HAKHOKHMA Post Post New Entry

Benei Menashe mipui ten GAS MASK hman dan zir

Posted by hakhokhma on December 6, 2011 at 2:25 PM

    Indo kan sawi kan sawi ta a, Israel Sorkar chuan a rama pemthar te hi a ngaihsakin an chungah a tha hle thin a, pemthar te hi a group te, a hnam ang zawng te, a chhungkua ang zawng te hian tumah a hlamchhiahin a enkhum ngai hauh lova, an harsatna hrang hrang sutkian sak nan sum leh pai leh kawng dang dangin a pui zui reng thin.



    Tunhnaiah Israel ram chheh vela Arab ram hrang hrangte buai vang leh ram dang pawhin heng Arab ram te hi an tihbuai hlekin an tuan ngam tawkna Israel chungah an kut an chelek nghal zel thin avangin, kan hma lawkah hian engmaw tak indo emaw a awm hi a rinawm hle avangin, Zanin khan Afula khuaa Benei Menashe, Mizoram atanga pem chhungkua 52 awmna khuaah chuan Israel Sipai (IDF) chuan Sipai nula pathum rawn tirin, Afula khuaa Benei Menashe chhungkua te chu an khaw Council Hall ah ko khawmin Gas Mask hman dan zirtirna an nei a, hetah hian Benei Menashe mipuite an kal tha hle a, heng mipui kal khawm te zinga mi thenkhat te phei chu Israel Sipai a tang lai mek te leh, tang zo tawh te an ni hlawm a, heng te erawh hi chuan zirtir ngai lovin an sipai kalnaah an trained chhuak vek tawh a, amaherawhchu, mipui nu nau zirpuia lo tawiawm tu atan tal tiin kim takin an kal a, hetianga Sorkar leh Sipai, a ram khua leh tui pemtharte ngaihsaka chhawmdawl zel tu Israel ram hruaitute chu an va han fak awm teh lul em.

Categories: Kehila, Community, News

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments