HAKHOKHMA Post Post New Entry

Parashat Balak

Posted by Shavei Mizoram on July 3, 2020 at 11:00 AM

Parashat Balak

“ropui taka chawimawi che ka lo tum a, L-lpa chuan a phalsak lo che a nih hi …” (Bamidbar 24:11)

- Itzkhak Kawni

 

Tum khat chu Khafetz Khaim hi Russia khaw pui pakhat Moskova-ah a zin a. A zin chhuah hma chuan a hmelhriat pakhat hnenah Rail Station awmna hmuna Hotel zawn puiin tur in a hriattir lawk bawk a. Khafetz Khaim chuan chupa hnena a lehkha thawnah chuan khawngaih taka a thlen hun leh ni tur chu tlangzarh lo turin a ngen tel bawk a. Chu pa chuan Khafetz Khaim mi Tzadik tak mai ngenna chu zawm in, chu thuruk chu tumah a hrilh ta lova.

 

Khafetz Khaim’in Moskova a thlen chuan Khawpui a chengte chuan a thlen thu chu an hre pung nghal ta der mai a, chumi hmuna cheng mi hausa pakhat chuan Khafetz Khaim hmuahna tur a hun an lo siam lo chu hrehawm a ti hle mai a, Tzadik ropui tak kan khuaah, a rawn zin a, ropui taka kan lo dawng sawng lo hi thil tih awm a ni lo, a zahthlak in a mah zahna kan pe lo hi thil tha lo tak a ni, tiin.

 

A insum zolo chuan, Khafetz Khaim chu a va pan hnai a, “Engvanga Mitzva ropui tak Talmid Khakham chunga kan hlenchhuah theihna tur kawng min dal tak mai le! Ropui takin kan lo hmuak thei a sin.” tiin a va zawt ta hlawl mai a.

 

Khafetz Khaim chuan a zawhna chhang lo chuan, “In khuaah hian Shabbat-ah Kugel (eitur chikhat) in ei thin em?” tiin a zawt let ta daih thung a, Chupa chuan, “Aw ei thin tehreng mai, chu chu Israel Minhag a ni a,” tiin a chhang a. Khafetz Khaim chuan, ni pangngaiah In a I haw in I nupui hnenah Kugel eitur dil ta la, lo chhawp chhuah sak tur che a nei mai ang em? tiin a han zawt chhunzawm a. Chupa chuan, “Ai….. thildang eitur min rawn pe ang, Kugel te chu Shabbat a ei turin kan dah tha thin.” tiin a chhang a.

 

Khafetz Khaim chuan chu a zawhna hote ang a lang atang chuan hetiang hian hrilhfiahna a pe ta a. Ropuina chu Kugel Shabbat tan a kan vawn that ang kha ani a, Ropuina chu Olam Habba tan zawk a ni, Shabbat ni pum hlum chu Olam Habba nun hahdam na a ni. Mi he khawvel a Ropuina dawng thin chu kar laklawh a Kugel ei ang mai a ni a, chutiang a Kugel kar laklawh a, a ei chuan Shabbat eitur engemawzat a hloh then dawn a ni.

 

Chutiang a lo tem lawk chu thil tih chi a ni miah lo!!! Miin he khawvel a, ropuina te zahawmna te nen a nuam a chen thin mai chuan, Olam Habba lo awm turah chuan Ropuina dik tak zawk chu a hloh thung dawn si a ni. Chu hmun Olam Elion Shabbat ni thianghliim ang a kan tehkhin na hmunah chuan Ropuina te chu kan nei zawk ang a, chu hmun chu Ropuina diktak zawk neihna hmun a ni bawk ani si a.

Source : Bulletin Shavei israel

https://m.facebook.com/story.php?story_fbid=166650464863707&id=107476907447730&sfnsn=mo

Categories: Parshat Yeladim, Khinukh, Education, Shabat

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments