HAKHOKHMA Post Post New Entry

Parashat Nashim: Khukat

Posted by Shavei Mizoram on June 24, 2020 at 1:05 PM

Parashat Nashim: Khukat

- Harel Kingbol

 

Kan Parasha ah chuan Miriami’n he khawvel a chhuahsan thu kan hmu a: “Tin, Israela tlah, pungkhawmho zawng zawngte chu thla khatnaah chuan Tzin thlalerah an lut a: tin, mipuite chuan Kades-ah awmhmun an khuar a; chutah chuan Miriami chu a thi a, chutah chuan an phum a. Tin, pungkhawmho chuan tui an nei ta lo va………” (Bamidbar20:1-2).

 

Miriami boralhnu lawk ah chuan engvangin nge Israel fate’n tui an tlak chham thu chu kan hmuh tak?

Miriami thatna a zarah Israel fate chuan thlalerah kum 40 an awm chhung zawng khan tui tlachham loin an awm a ni tiin.

 

Rashi chuan a sawi:

Hemi a sawina Talmud hi lo en chhunzawm ta ila: “Israel fate tan thiltha thlentu pathum an awm a: Moshe, Aharon leh Miriam. Anni pathum kal tlang chuan thiltha pathum pek a ni bawk a: Manna, P-thian zahngaihna chum (chhum ding)leh tuichhunchhuah. Tuichhunchhuah chu Miriami thatna zarah a ni a, Chhum ding chu Aharon, Manna chu Moshe. Miriami a boral chiah chuan tuichhunchhuah chu a bo ta a; ziak a kan hmuh angin: ‘Miriami thih hnuah chuan’ ….a chhunzawmna chu ‘mipuite chuan tui an tlachham ta a’”(Ta’anit 9a). Miriami thatna chuan engvangin nge tuichhunchhuah kher chu a hlawh chhuah theih. Chu bakah chuan hmeichhiate leh tuichhunchhuah chuan enge inkungkaihna a neih?

 

Ein Ya’acov ngaihdanin, thilthlawn pek tha tak pathum he khawvel innghahna ni bawk si a awm a: Torah, Avodah/hna(inthawina) leh gemilut khasadim (tlawmngaihna thiltih)(Pirkei Avot1:2). Manna chu Torah aiawh tu niin, chhum ding chu Avodah, gemilut khasadim chu tuichhunchhuah. Anaf Yosef chuan ti hian a hrilhfiah a, Miriami’n zahngaihna nen tlawmngai taka nausen hote enkawl a an ei leh in tur te a pe thin ang khan(Shemot1:17, Sotah IIb), tuichhunchhuah pawh chuan Israel fate mamawh tinreng chu a pe a. Chuvangin Miriami thatna avang chuan Israel fate thlalerah an awmlai pawhin chu tuichhunchhuah hmang chuan chawm anni. Tui chuan enge a entir chu nunna a ni a, tui tel lo chuan engmah hi a thang thei lo a ni.

 

Chu tui nihna ang chiah chuan Miriami thatna chuan chu nunna pe chhuak thei chu a hlawh chhuak ta a ni. Hmeichhiate chuan he khawvel hi an vawng nung reng thin a. Tuichhunchhuah li mawng atanga tui hna rawn put chhuakin mihring tan nunna a pe angin Hmeichhiate;n an rilru chhungril tak atanga zahngaihna an lantirna tel lo chuan he khawvel hi a awm reng thei lo a, chuvangin chu zahngaihna leh ngilneihna nasa tak anneih na chuan he khawvel hi a vawng nung reng a ni.

 

Thufingte 5:15-18 a kan hmuh angin hmeichhiate chu tuichhunchhuah nen tehkhin anni a. Chu tuichhunchhuah leh hmeichhiate lo din chhuahna chu a mawng/bulthut atangin a ni tiin Maharal chuan a sawifiah a. Tuichhunchhuah chuan a entir chu dinchhuahna(tui pawh a rawn chhuahna chu lei hnuai thuk tak atangin)a ni a. Hmeichhia pawhin a duhtak tan chuan a rilru chhungril ber atanga chhuak chu pawn lamah a lanchhuah tir thin. Chu chhungril atanga rawn kal chhuak chu Israel fate’n P-thian kan hmangaihna nen chuan alo inzul leh ta chiah bawk a(Gevurat Hashem page56, Netzach Israel page201).

 

Chu rilru chhungril atanga duhna lo piang chhuak chu englai pawhin a thang lian reng thin a. Chu chu kan tunlai khawvelah pawh chiang taka kan hmuh theih ah chuan ba’alei teshuvah zingah hian a tam zawk leh nupa ah pawh nise bul tan hmasa tu zawk chu hmeichhia an lo ni reng mai. Khawvel thiamna leh zirlai naupang tit ha ho pawh en leh ta ila, a hming langsar zawk chu hmeichhia an tam zawk tlangpui thin. Enge a chhan leh vang ni ang, hmeichhiate chuan thil an tih tawh chuan hlawhtlin ngei tumin serious takin an bei fan fan thin tlangpui a ni mipa te aiin.

 

Chu thil chu khawvel thil ah ringawt pawh ni loin hmeichhe fel leh fing tak tak chuan ch khawvel thiamna leh finna ringawt mai piah lamah an thlarau dinhmun sang takah chawisangin ch chuan tlanna famkim pawh chu a rawn thlentir hial thei a ni, “tuite hian tuifinriat a khuh reng angin, leilung hi L-LPA hriatnain a khat zo vek dawn a ni” (Isaia11:9).

Source: Bulletin Shavei Israel

Categories: Parshat Nashim, Shabat, Torah

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments