HAKHOKHMA Post Post New Entry

Parashat Nashim Korakh

Posted by Shavei Mizoram on June 18, 2020 at 8:45 AM

Parashat Nashim Korakh

- Harel Kingbol

Kan Parasha-ah chuan leiin a ka a ang a, Korakh leh a chhungkua, a thuihhruai hote chu a lem tak thu kan hmu a. He thil thlen na chhan ber chu Korakh, Moshe leh Ah'ron te cousin chuan mi 250 aia tam mah chu fuihpawrin Moshe thu neihna leh Aharon Cohen Gadol atana an awm chu an cho ta a ni a.

“Levia fapa Kehat, chu mi fapa Yitzhar, chu mi fapa Korakh chu Eliav fapa te, Datan leh Aviram leh On ben Pelet, Reuben thlahte nen chuan mite an hruai a” (Bamidbar16:1). On ben Pelet hming chu Korakh thlawp tute zingah chuan ziah tel ve a ni a, mahse a hnuah chuan a hming chu sawi nawn ani ve leh tawh reng reng lo.

“Tin, L-LPAN Moshe a bia a, Mipuite hnenah chuan, "Korakh te, Datan te, Aviram te buk ata hi kiansan vek rawh u….”(Bamidbar16:23-24) Korakh thlawp tute hremna pek annih hunah chuan On ben Pelet hming chu ziah lan tel ve a ni hauh lo mai a, a tirah Korakh chu a thlawp ve tho bawk si a. Engtin nge chu thil chu alo thlen theih dan?

Talmud (Sanhedrin109b) ah chuan ti hian tehkhinna tawite ziak a ni a: Rav chuan ti hian a sawi a, On ben Pelet chu a nupuiin a chhanhim a ni. A nupui chuan ti hian a zawt a, “Moshe emaw Korakh emaw tu zawk zawk pawh hotu nise la, I tan enge danglamna awm chuan? A tu ve ve pawh hotu lo ni ta sela, nang chu an zirlai i ni dawn tho a lawm.” Ani chuan ti hian a chhang a, “Anih chuan enge ka tih theih ni ta ang? An zingah awmin anmahni lamah tang turin thu ka intiam tawh si a”. A nupui chuan ti hian a chhang a, “Anni hote chu mipui thianghlim awmkhawm anni tih ka hria a ni,” Bamidbar bung 16:3 a kan hmuh angin: "mipuite chu an thianghlim theuh sia,��" A nupui chuan “Kalsan la, keiman ka lo tanpui ang che.” Ti chuan wine chu a intir in, alo ruih hnuah chuan alo muhil ta a. Chuti a pasal a muthilh lai chuan an in kawngka luhnaah chuan a sam chu khuh lovin (lukhum khum loin)alo thu a. Tichuan amah hmu tu a piangte chuan an kalsan ta zel a, (hmeichhe pasal nei lai lukhum khum lo a awm chu tumahin an hmuh duh si lo a) chutih hunlai tak chuan ani Korach leh a hote chu lei chuan a dawlh tak ni.

Helai Talmud kan hmuh ang hian, On ben Pelet nupui chuan a pasal a chhanhim theihna chhan chu Israel mipui zawng zawngte chu thianghlim vek anni a, chuvangin hmeichhia pasal nei lai lukhum pawh khum lo a awm inah chuan tumah chu an lut duh dawn lo ani tih a hriatchianna chu a ni.

Talmud chuan sawi chhunzawm zelin eng thilin nge Korakh chungah chuan chhiatna thlentir ve thung. Korakh, Levi hnam leh Talmid Khakham, chutiang mi chuan engtin nge P-thian thupekte dodal a, amah leh a hote tan he khawvel mai pawh nilo khawvel lo la awm tur thlenga an chanvo hloh tir thei thak tu chu eng thil nge ni ta ang?

Korakh nupui chuan ti hian a sawi a, “en ta che, Moshe hian enge a tih, lal ani a, a unaupa Kohen Gadol-ah a siam leh bawk a, a unaupa fapa te ho lah chu Kohen Gadol tha chhang dawltu ah a ruat leh zel a. Mipuite’n trumah an lo ken hunah chuan, Kohen hnenah pek tur tiin a sawi a. Mipuite’n Ma’aser an lo ken hunah chuan hmun sawm a thena hmun khat chu Kohen ho chanpual a ni ang, a la ti leh zel a. Chumai pawh la ni loin, a itsik lutuk avang chein leh hniam takah dah che a duh avangin a inmeh tir bawk che a.” Korakh chuan a chhang a, “amah pawh a in met ve tho alawm.” A nupui chuan ti hian alo chhang leh a, “nangmah a in meh tir che a nih chuan a ni pawh chu ama hamthatna tur atan a in met ve tho ang chu”. Amah chauh alawm a inngaihtuah, "Philistia-ho hi ka han thihchilh teh ang"(Shoftim16:30)

[helai thu awmzia chu nangmah pawh hmul met turin a ti che anih chuan mi dangte’n Korakh chu a hmul tea meh tira mahse a mah chu a inmet ve leh si lo ti a an sawi lohna turin a inmeh ve a ngai lawm. Chutiang chiah chuan Shimshon pawh engmah duhthlan tur dang a neih tawh loh hnuah pawh Pelishtim ho chu a theih ang tawka tam thih chilh a la tum/duh tho a lawm].

“Hmeichhe fing chuan in an sa a” (Mishlei 14:1) tih hi hemi a chunga kan sawi awmzia chu a ni. Chu hmeichhe fing chu On ben Pelet nupui chu a ni a. “……A a erawh chuan anmahni kut ngeiin an thiat thin.(Ibid)” Chu chu Korakh nupui sawina [Hmul meh chungchang a Korach nupuii Moshe a rinhlelhna-ah chuan chung dante chu amah (Moshe) in ama duhthu a a siam chawp ve reng ah angai a ni. (Bamidbar8:7) Chu hmul meh faina chu fiamthu thawhna tur leh nuihzat thlak atana a tih a ringhlel tlat a ni. (Sanhedrin110a)

A chunga Talmud kan sawi atang khian hmeichhe te’n mi hneh theihna an neih nasat zia kan hmu thei anga. Pakhat chuan Korach leh a hote zawng zawng tan he khawvel leh khawvel lo la awm tur thlengin thil a tichhia a. Pakhat ve thung erawh chuan chu sualna in ang chiah atang chuan a pasal chu a chhanhim ve thung a. Hemi te pahnih atang hian hmeichhia te’n an pasal te rilru leh ngaihtuahna P-thian thu zawng pawhin he khawvel thil/politics zawng pawhin nasa takin an thlak dang lam sak thei a ni tih kan hmu.

Shoshanna Lepon, The Greatest Treasure and Heartbeats tih ziaktu chan ti hian a sawifiah a:

Mipa te chuan na nupuite duh zawng chu tih hlawhtlin sak an duh thin. On ben pellet nupui chuan a pasal chawisan a duh a. Chuvangin a pasal bulah thu asawi pawhin thil thalo leh buaina-ah a pasal a luh lohnan ti hian a zawt reng bawk a, “engvangin nge Korakha’n helna/buaina a siam naah chuan I va tel ve kher ang?” tiin. Korach nupui ve thung erawh chu, a pasal chawisan a dawmkan aiin a pasal rilru natna tur zawng sawi chhuak in: in en ta che kha ti khan inmet fai vek turin a ti che a, ti chuan chumi hmang chuan fiamthu thawhnan leh nuihzat burah an hmang dawn che anih kha, chuvang chuan nang pawh I ropui ve tho a lawm anni tih ang chu enge I ti ve thei tho lo a mi, tho chhuak la bei let va ta che tiin.

Korakh nupui chu thil sawisel reng mai leh thil reng reng a negative zawng ringawt a thil thlir thin mi anih laiin, On ben Pelet upui ve thung erawh chuan a pasal rilru kawi leh buaina siam duhna rilru a put lai pawhin thil reng reng a tha lai leh dik lai chu a hmuh thin a ni thung… Korach te chuan Moshe'an challenge na tawngkam, “mipuite chu an thianghlim theuh si a,” (Bamidbar16:3) tih hmang chuan buaina siam a helna an siam laiin chu tawngkam vek hmang chuan On ben Pelet nupui chuan buaina laka atangin a apasal chu a chhanchhuak ta zawk a ni.

Chuvangin thil reng reng a positive zawnga thil thlir a en thiam in, chu chuan pasalte chu dinhmun sang taka a chawisang thei a ni tih hrereng ila… chu chu Talmud pawhin a sawi “hmeichhe fing chuan a in a sa” a tih chu a taka nunpui a.. hlim leh thlamuang taka ka pasal, ka chhungkua leh keimah ngei pawh ka awm theihna tur chuan hmeichhiate’n kan thil thlir leh ngaihdan ah reng reng On ben Pelet nupui pawhin Korakh leh a pawlte tlukna chhan “mipuite chu an thianghlim theuh si a ” tih tawngkam vek hmangin thiltha tak a pasal thihna la kata a chhanchhuak thei angina a keini pawhin kan nitin nuna thil thleng te hi midangte chunga thleng ve thin tho a ni tih hria ila.. chu tin kan nuna thil hrang hrang kan tawh thin te atang chuan a thalai chu zawn hmuh thiam a haichhuah thiam chu hmeichhe fing leh fel tihtur chu a ni.


Source: Bulletin Shavei Israel

 

Categories: Parshat Nashim, Shabat, Khumash

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments