HAKHOKHMA Post Post New Entry

.....a thil sual tih chu a inpuang ang a. (Vayikra 5:5)

Posted by icolney2 on March 30, 2020 at 7:10 AM

….a thil sual tih chu a inpuang ang a….” (Vayikra 5:5)

- Itzkhak Kawlni

 

Ni khat chu office pawimawh takah hian mi pakhat ava kal a, chu hmuna thawk pakhat bulah chuan khawngaihna dil in officer pawimawh ber hmuh a ngen ta chiam mai a, lungngai leh mangang tak hmel pu a nih vang chuan hnathawkte pawh chuan khawngaihin an pu bulah lut tur chuan an phal sak ta mai a, an pu pawh in luh phalna alo pek hnuah chuan chupa chuan inthlahrung leh tap zawih zawih chung chuan an pu ber office chu a va pan ta a.

 

Office a han luh chuan lungchhe takin a tap ta a, tuman an hnem zo lova. Officer chuan “engtizia nge maw ni le, I lungchhiat em em ni? Achhan min han hrilh teh” tiin a ngen a. Chupa chuan “chak takin motor ka khalh vang in tum thum ngawt dan ka bawhchhia a lawm mawle.” tiin a chhang a.

Officer chuan, chu chauh chu maw i bawhchhia," tiin a zawt let ta hlawl a.

 

Chupa chuan khur leh hlau tak chung chuan, “Aih, nilo thildang pawh ala awm, chung ka thil tih sual avangte chuan hremna ka tawk a, sum pawh ka chawi a, min khawngaih a, min hrethiam a, tlem deuh zawk pawh min chawi tir thin, chung ka thil tihsual te chu rulh let vek a, ngaihdam rawn dil ka duh a ni.” tiin a chhang a. Officer chuan adang a la awm em? tiin a zawt leh zel a.

 

Chupa chuan sawi belh zel in “tum khat dang pawh Light sen lai in ka tlan tlang a, kawngpuiah bawlhhlawh ka paih bawk chung te pawh chu pawi ka ti tak zet a ni.” tiin. Officer chuan chutiang inpuanna leh inchhirna thu te a ngaihthlak zawh hnu chuan a thil tihsual te chu an ziak chhuak a, mak ti tak mai chuan chupa chu a en a, “Nang chauh hi a ni helai hmuna lokal a, thil tihsual te rawn puang ni.. chuvangin ka hnen atangin lawmpuina ropui tak i dawng zawk dawn nia” a ti ta a.

 

Vawiin ni angah chuan tumah Police leh traffic ho hnenah kan thil tih dik loh va puang zut zut a ngaihdam va dil kan awm ngai lova, chutiang bawkin dan kengkawhtu te pawn tunge tisual tih an hrevek lovin an ngaihsak seng vek thei lo bawk. L-LPA P-thian erawh chuan engkim a hria in Midik a ni a, a hmaah ngaihdam kan dil a thin a, tin Yom Kippur-ah te pawh tih tak zet in ingaidam kan dil thin a ni.

 

Kha thil ti sual tu in, Officer hma a sual a va puan ang khan kan sual te Hashem hma an kan kan puang thin a ni.

 

Chu Simna hmang chuan kan thlarau te kan siam tha thin a ni. Siamtu P-thian chu hmangaih taka hnaih zel in kan sualte ngaidam turin kan dil a, min chhandam zawk turin kan pan zawk zel thin a ni.

Categories: Torah, Khagim, Kut ni te, Judaism

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments