HAKHOKHMA Post Post New Entry

Parashat Noakh

Posted by icolney2 on November 3, 2019 at 3:45 AM

In siam that a sual sim na hun:


Noakh khan engtiang a rei nge Lawng a tuk? Lawng tuk nan khan Kum 120 hun a hmang tiin Torah chuan a ziak a. Noakh a lawng tuk kha lian tak a nih avangin, a zawh fel nan pawh hun a duh rei reng a ni.


EngkimSiamtu Lalpa P-thian chuan, engvang in nge Noakh kha Lawng tuk tura hun rei tak a pek kher ni? Hashem chuan engkim a ti thei a, engkim siam tu leh Lalber a ni bawk si a. A ni chuan Noakh leh a chhung te chauh pawh chhanchhuak duh ni ta se, kawng dang tam tak, leh thil mak tak te tiin, an ni chhanchhuah nan khan a ti thei awm tho si a.


Kan Khazal (Torah mithiam hmasa te) te chuan he mi thu atang hian zirtur tha tak mai min rawn chhawp chhuak ta a. Lalpa P-thian chuan a thilsiam mihring te chu a hmangaih in a lainat em em a, an  sual te sim a, insiamthat an duh takin, an sual tih thin te chu chhunzawm tawh lova ama lam an rawn hawi leh beisei na in, Noakh  kha hun rei tak pe in, a lawng  tuk lai chu, mite chuan hmu in, a chhan an zawh hunah Noakh chuan a lo hrilhfiah ang a, Noakh ka atanga thu chhuak atang chuan  an inhmuhchhuah a beisei vang a ni, tiin.


Chutiang a, mipui ten an thilsual tih te an sim a, an kawng zawh dik loh te an tih chhunzawm loh bawk a, Siamtu rawng bawl a, a lam an hawi leh duh chuan  hremna chu a thleng dawn lo a ni. Mahse, mihring te chuan an sim lova, sual rawng an bawl chhunzawm a, a tawp ah tuilet (Mabul) chu Lalpa P-thian chuan a rawn thlen tir ta a ni. על פי מדרש תנחומא)


Vawiin ni ah pawh, hian Lalpa P-thian hian vawi leh khatah hremna min pe mai lova,  kawng dik lo kan zawh avang in harsat na pawh chawpchilh takin a thlen tir mai thin lo a ni maithei e. Nun kawng dik kan zawh a, a lam kan hawi theih nan fiahna  min pe thin zawk a ni. Ama lam kan kir leh theih na turin thil chi hrang hrang a hmang thin a, thil danglam  tak kan chung a thleng te chu kan hmuh thiam a, chuta tanga kan inzir chu a lo nghak thin a ni. Hashem rawngbawl a, a thupek te kan zawm a, kan nun a tan a kan hman phawt chuan, a malsawm na chu kan dawn chhunzawm reng zawk dawn a ni.


Source: Shavei Israel Bulletin, Parashat Noakh No 179:  5780/2019 


Categories: Torah

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments