HAKHOKHMA Post Post New Entry

SAM 82 na Thu hi

Posted by Moshe Ilan on October 27, 2019 at 4:35 PM

Mi ten heti hian min zawt a "Sam 82 na chang 6 na ah hian "Pathian te in ni a, in zain Chungnungbera fate in ni... nimahsela mihring te ang thoin in la thi ang.." tiin a inziak a, heti lai atang hian Pathian hi kan lo rin dan ang ni lo hian, Bible ah ngei hian mihring an nih zia hi chiang deuhin a inziak si a, Judaism hian in rin dan hi a dik lo ani mai lo maw? tiin.


Heti hian ka chhang a, A hmasa berah mizo tawng leh Ivrit (Hebrew) hi a inthlau hle mai a, Hebrew ah chuan Pthian hming kohna hi chi hrang hrang hmanga, a nihna leh a thil tihtheina Duty mila TITLE hmanga koh ani hlawm, a hming tak TITLE nilo thianghlim ropui pakhat chu Yom Kipur ni ah Kohen Gadol Puithiam lalin hmun thianghlimah lutin a lam chhuak thin a ni, chu chu Tunlaiah khawi hmunah mah lam thiang ani tawh lo a ni, a chhanchu Temple pawh a awm tawh rih lo a, tin, Thupek sawm (Ex 20;7) a kan hmuh angin a hmun leh a hun tur ah bak he hming hi lam thiang ani lo a ni.


Tichuan, Chutiang anga a narana a hming lam thiang anih loh avang chuan Bible ah pawh hian kan bawhchhiat palh loh nan a TITLE hming vek chuan a inziak lang ta a ni. Bible (Hebrew Tanakh) atang hian hetiang anga a TITLE hming ang hi chi hrang 20 vel lai a chuang a ni.


Chung zawng zawng te chu mizo tawnga Bible lo let tu te khan kan pi leh pu te lo hman thin KHUANU tih kha an hman hreh tawh avangin mizo tawnga kohna pakhat chiah PATHIAN tiin an lo let ta vek a ni.


Chuti anih avangin mizo Bible atanga Pthian kohna chungchang thua Judaism hnial na chuan kawngro a su zau teh chiam lo maithei.


Amaherawhchu, he chang (Sam 82) ami hi han thlur bing ta ila, hetah hian ELOKIM tih a hmang a ni. chu chu a TITLE zinga pakhat a ni.


Hei hi Khawvel mihring te chunga rorelna atana a TITLE hman a ni a, Rorelna ah chuan thu tlukna pahnih a awm a, chu chu a tha lama relsak leh, a chhe lama relsak niin, a tawi zawngin, an dik chuan thiam chantir, an dik loh chuan hrem tur tih a ni, hei hi mihring te chung bikah a pawimawh dawn em avangin, Mihring a siam dawn pawh khan lei mihring te hnen ah zirtirna a pek tel duh avangin Rorelna ah chuan thu dik lak anih theihna turin mi pakhat maia thu tlukna siam lo tur leh inrawn khawma thu lai dik ber hmanga thu tlukna siam anih theih nan, a rorelpui Vantirhkoh (Elokim tia koh ho te) chu a rawn a, (Gen 1;26) "Hawh u kan an puiin mihring i siam ang u" tiin a sawi kha.


Heti lai chang ah hian mi thenkhatin zawhna an neih leh thin chu Elokim tih hi PLURAL FORM ani a, hemi awmzia hi Pthian hi pakhat aia tam (Trinity) tihna ami? an ti thin, mahse hei hi a hming tak thianghlim ropui kha ni lo a, a TITLE ani kan tih tawh kha, he ELOKIM tih bik ah hian ahma lama kan sawi tawh ang khian a chhung ah thil pahnih a awm a, chu chu Thu tihtlukna ah khan chi hnih a awm vang pakhat a ni a, tin, Roreltu te chu mi pakhat aia tam an nih angai a, tin, Vantirhkoh ho an DUTY azira hming pek ho zinga ELOKIM tia koh te pawh pakhat aiin an tam a ni, chuti anih avangin he TITLE hming hi SINGULAR FORM nita ang se chuan, nakina kan la sawi tum te nen hian Roreltu (Sanhedrin) pakhat aia tam te nen khan a buai zovek thei zawk dawn a ni, tin, Hebrew ah hian a hawrawp tawpa IM telna zawng zawng hii PLURAL an ni vek kher lo bawk, hetiangin Tui pawh MAIM tih ani a, tin, nunna pawh KHAIM ani a, PLURAL an nihna lam a sawi lem chuang lo a ni.


Tichuan, engtin nge he TITLE hi roreltu hming kohna atan BIBLE hian a hman kan tih chuan, (Gen 18;25) "nang em chuan i ti awm em si lo, lei chung zawng zawng Roreltu chuan fel takin a ti dawn lawm ni?", tih ziak kan hmu a, hetah hian a TITLE hming hi hmang lo mahse, Leiah chuan roreltu an awm ani tih a hriatthiam theih a, Leia rorel tu hming chu (Ex 22;8) "Rukru chu an man si loh chuan, chu mi in neitupa chu P-thian (Elokim) kiangah va kal sela, a thenawmpa bungrua chu aman a lo lak anih leh nih loh va fiah rawh se." tiin, rukrukna thubuai relna chungchang ah Roreltu hmaah (Beit Din) athubuai avang chuan ava inlan tur ani, he bung leh chang ah erawh hi chuan Roreltu chu Elokim tiin a ziak ta thung a (K aiah hian H hman tur, mahse Pthian hming a narana sawi palh loh nan K angin ka ziak), chu chu lei mihring ngei ni mahse Elokim tiin a inziak ta a, chu chu mizo Bible chuan P-thian tiin a let ta mai a ni.


Tin, (Deut'1;17) "Rorelna ah thlei bik in nei tur a ni lo; mi te leh mi lian ang rengin in ngaihthlaksak tur a ni, tumah in hlau tur a ni lo; rorelna chu P-thian ta a ni si a.." tiin ziak kan hmu leh ta a, heta P-thian tia Bible letling tu tena an ziah hi ELOKIM tiin Hebrew ah chuan a inziak leh ta a, a chang thu khi kan chhiar chuan, Rorel tu (Shoftim/Sanhedrin) hote hnena thupek ani a, Roreltu te chu mihring ve tho an ni si a, mahse, an rorelna a an thutlukna siam chu Pthian thu ang ani tur ani a, chuvangin, Pthian chuan a thupek dan te thiam bel tak mi te chu mihring tho ni mahse, lei mihring te chunga an thubuai rem fel sak tu tur atan ahmang a, chuvangin hetiang anga Israel mipui te chungchang thu rel thei tura SHOFTIM nihna Roreltu te chu Pthian hian an thurel lai hian anihna TITLE Elokim chu hman tirin, an mahni Rorel tute chu ELOKIM tia Title leh Nick pek ve niin chutianga koh chu an ni bawk a ni.


Chuvangin he a zawhna a Sam 82 na pumpui pawh hi Zawlnei in Roreltute (mihring) a zilhauna thu ani a, hetah hian "Pathian te in ni a, in zain Chungnungbera fate in ni... nimahsela mihring te ang thoin in la thi ang.." tia inziak pawh hi an rorelna thu avanga ELOKIM tih Title pek mai chauh an ni a, hetah hian mizo tawnga an leh anga P-thian an nih loh zia tilang tu chu mihring te ang thoin in la thi ang, tia a sawi hian lei mihring te (Roreltu) an nih zia a tilang chiang hlein, Elokim tih hming an put avanga P-thian ang maia chungnung leh thi ve thei tawh lo emaw, an mahni ngei pawh Van chungsang rorelna ah chuan Lei rorelna Elokim hman tawh lohna hmun ah chuan lei mihring dang te ang thovin Lalpa Pthian chuan van chungsanga a rorelpui Vantirkohna nen chuan an ro ala rel ve tur zia an thih hnuah a vaukhanna thu chiang takin kan hmu tel thei a ni.


Chuvangin, hetiang Israel te Thuthlung bu ang hi chu P-thian dang be tu tan chuan a ril lu deuh a, kan hriatthiam theih nan Sam 115 ah heti hian tuna kan inzawhna ang hi a chhanna tawi a lo ziak diam bawk a ni.


(Sam 115)"Enga ti nge hnam tinin, khawiah nge an P-thian kha le? an tih ni? Kan P-thian chu vanah a awm si a, a duh apiang a ti a ni. An milem te chu tangka leh rangkachak an ni a, mihring kut chhuak an ni.


Ka te an nei a, an tawngthei si lo va,

Mit te an nei a, an hmu thei si lo va,

Beng te an nei a, an hre thei si lo va,

Hnar te an nei a, rim an hre thei si lo va,

Kut te an nei a, engmah an khawih thei si lo va,

Ke te an nei a, an kal thei si lo va,

An hrawkin an tawng thei hek lo.


Chung siam tute chu chungte ang chuan an awm ang.

Ani chung ringtu apiang te chu.. tiin.


He zawhna Lal Davida chhanna ang hian amah Lalpa P-thian dik ni lo mihring te leh thil siam chawp te pathian atana ringa pawm tlat tute tan chuan an mit in hmu ve kur thin mahse, an pathian te ang hian engmah a nihna leh a chhungril tak an hmu tel ve thei tlat lo a ni.


Chuvangin, he chhanna leh hrilhfiahna hian ka unau ka mizo puite bona rama la awm mek te hnenah P-thian thu dik leh amah ngei hi zawng chhuak a, amah hian min nghak reng tih hria a, ami hriat kan nih nan alam hawi a, a lam panna tur atan kailawm rahbi khat lek tal a kaitir theih hram ka beisei.

Categories: Judaism, Musagim, Awmzia, Emuna, Rinna lam

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments