HAKHOKHMA Post Post New Entry

Thawntu ni si chhanna tha tak nei. Parashat Bereshit

Posted by icolney2 on October 27, 2019 at 3:00 AM

פַּרָשַׁת בְּרֵאשִׁית

Thawntu ni si chhanna tha tak nei.


Dan bu reng reng hi fel fai thlap a ziah a ni thin a, bung leh chang fel tak nei in, dan leh dun te chu hriat thiam theih tur a rem fel a ni tlang pui thin. Dan bu thawnthu atanga in tan in hmu tawh ngai em? In chhiar tawh thin em? A tlangpui chuan dan bu reng reng kawhhmuh tum nei ang chi te chu Thawnthu a in tan kan hmu ngai lova, dan bu-ah chuan enge in ziak? chu dan chuan englam hawi nge min kawhhmuh a tum? Enge tihtur ni a, enge tih loh tur tih te a chuang thin.


Kan Torah pawh hi Dan bu (Sefer Khukim) tih hming chawi a ni ve thova, chu kan Torah bu thianghlimah chuan thupek (Mitzvot) kan zawm tur te ziah a ni a, chutiang a dan bu dang te ang tho, tih tur leh tih loh tur, engtianga tih tur nge ni tih chungchang ziah lan na ni ve tho si chu, engvanga thawnthu a in tan nge anih bik le? Anih leh Kan Torah bu thiang hlim chu engvang kher nge, Leilung siam chungchang thu ziak a, bul tan a nih le?


Kan Torah mithiam te chuan hetiang hian hrilh fiahna an rawn chhawp chhuak a: Leilung siam chungchang a bul tan a nih chhan chu Israel hnam te chuan he ram hi an ta a nih ngei thu, leh chumi rama chen a, khawsak chu an phu ngei a nih tih lan tir na tur in. Hun lo kal zel turah hnam dang ten, “He ram inluah lai hi in ta a ni lo, Kanaan mi hnam chi sarih ho ram in chhuhsak a, in ruk sak mai a ni.” ti in an rawn sawi ang a. Israel hnam te chu khawvel hriatah rukru ang mai a rawn pholan an tum dawn a. Hetiang hian Israel hnam te chuan kan lo chhang let dawn a ni.”He khawvel leh a chhunga thilsiam zawng zawng hi Engkim Siamtu, Lalpa P-thian ta vek a ni a, hun kal tawha khan Kanaan ho chu he Ramthianghlim a khawsa turin a pe hmasa ngei a, mahse an hnen atang chuan min laksak in kei ni Israel hnam te hnenah min pe ta a ni.” tiin. (על פי בראשית רבה פרשה א


An sawi lawk ang ngei chuan vawiin niah pawh Israel ram hi khawvel hnam hrang hrang ten, in ram dik tak a ni lo, Arab ho in chhuhsak a ni an ti thin a. Mahse, Lalpa P-thian hmangaihna leh zangaihna chuan a mi Israel hnam te chu a tir te atang khan an tan engkim ruahman vekin an kawng tur a lo duan sak vek tawh a, chuvangin keini a zar zo mek tute chuan, a thuthlung leh a thupek te zawm chu kan tih makmawh a ni reng dawn, tih hi I hre nawn leh theuh ang u.


Itzkhak Kawlni

Categories: Torah

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments