HAKHOKHMA Post Post New Entry

Goliatha lu ruh

Posted by Moshe Ilan on August 28, 2019 at 8:30 AM

Archeoligiests ten Jerusalem bul ah Goliatha lu ruh an lai chhuak em ni?


Hemi chungchang hi zawhna a khat tawkin ka tawng reng thin a, a chhanna pek mai theih anih na turin tah hian ziak in ka han dah tha ang e.

Tun hnai ah Zoram lam unau ten Lu ruh ro chaldar pawp thlalak theh darh in Goliatha lu ruh lai chhuak ni awm takin thu an than chiam a, hei hi hemi chungchang thua thu chiang chu a ni.


Kum 1993 May ni 25 khan America chanchinbu pakhat "The Weekly World News" chuan he thu hi a tichhuak a, he chanchinbu Motto hi "Chanchinbu rinawm awm chhun" tih a ni.


He an thupui phena a taka thil an tihchhuah thin hi in awih zawng ani em? tih i han enchhin phawt teh ang.


He chanchinbu hian thu mak tak tak an tichhuak fo thin a, UFO chanchin te, Mi lian/Sang an hmuh chanchin te, Elvis-a thih hnu ah hmun hran hrana an hmuh chanchin te, tin, Thla a NASA ho Base Alien hovin an tihbuai thu te, Hillary Clinton in Alien note fa anga a khawi ruk thu te, Colorado hmuna Vanram an hmuhchhuah thu leh Chhia leh tha hriatna thei pawh ala awm thu te, a ni nuk mai a ni.


Tin, tuna kan thu khel lai Goliatha lu ruh pawh hi Emek Haala, Jerusalem khaw thlang lam Davida leh Goliatha an inbeihna hmun lai vel a an laihchhuah ni a an sawi ani a, he thu hi thu lawi lo leh tak thu awm miah lo a ni. tin, eng vangin nge Davida khan Goliatha lu kha Jerusalem ah la chho si in Emek Haala ah chuan a kir leh kher ang ni? Tin, a hmuchhuak tu Scientiest/Archeologiest te hming an sawi pawh hi khawvel a thil awm lo a ni.


Hetiang reng renga dawt thu than tir thin tu chanchinbu lawi lo tak chu ziktluak thei ni hek lo kum 2007 August thla khan tihtawp ani ta a ni. Amaherawhchu, tunlai internet hun ang ah hi chuan hetiang an thu lo tihchhuah te chu duh hun huna reilo te chhunga khawvel denchhuah tir zung zung a tura phawrhchhuah leh mai chu thil harsa lo te ani a, an chanchin lo hre ve lo tan phei chuan mak tih leh awih tum mai pawh thil awlai ani hranpa ve hrim hrim ang.


Israel Antiquities Authority ah kum ruk zet ka thawh hnua ka experience atang phei chuan a awihawm loh lehzual hle a ni. A chhanchu, Science lam atanga thlira Lal Davida sulhnu pakhat mah hmuh chhuah ala nih loh lai leh, Israel rama Archeologiest lian ber ber leh Archeologist Ramhuai ti hiala nick name kan pek Prof' Finkelstein phei chuan a chhui dan a dang teh a sin aw. Mahse, hun dang ah sawi zau kan la tum zawk dawn nia.


Eng le khaw le tun lai hian ngawrh takin Bible hmanga thlir chuan Lal Davida in awmna lai vel ni awm tak kha kan lai ngawrh hle a, Chhuan hrang hrang te tawk thla zelin, an chanchin te an sulhnu ngei hmangin kan zir zel a, eng tik ah emaw Lal Davida Lal in sulhnu ban pakhkat tal emaw hmuh chhuah ngei i han inbeisei phawt mai teh ang.


Categories: News, Archeology, History

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments