HAKHOKHMA Post Post New Entry

BRIT ITzKHAK

Posted by icolney2 on July 21, 2019 at 2:40 AM

BRIT ITzKHAK

Itzkhak Kawlni

Engvang in nge Serh tan hma zan hi Brit Itzkhak tia koh a nih?

Itzkhak Avinu kha a pian atanga niriat ni a serhtan hmasak ber a ni a. Chutih rualin zawhna dang a lo piang ta a, a hmasaber pawh chu lo ni tehreng se, khami ni khan mi dangte pawh in serh an tan ve tho a ni lo maw?

Tin, mi ropui dang tam tak te pawh niriatna nia serh tan a awm ve leh ta zel tho si a, Yakov Avinu te, Moshe Rabeinu leh a dang te pawh. A chhan ber zawk chu Itzkhak Avinu khan Serhtan a nih kha a pawm ngei a ni tih tifiah tu hmasa ber a nih vang a ni. Engtin nge a pa Avraham Avinu in Brit Mila a tihsak chu a pawm ngei a ni tih kan hriat theih?

Kan hriat theuh angin Har haMoria (Moria tlang) ah khan kan Pa Avraham khan halral thil hlan atan a fapa Itzkhak Avinu chu Hashem thupek ang in hlan a tum a nih kha, khami tum khan dodal lovin a pawm thlap a, chu chuan, chhia leh tha a hriat hma a, a pa’n Brit Mila a tihsak pawh kha a pawm a ni tih a ti chiang ta a ni.Heta tang hian Itzkhak Avinu chu Brit Mila Mitzvah pawm hmasaber tu ni a ngaih a lo ni ta ani. Kan tun khawvel hman mekah erawh chuan mi thenkhat te zingah an fate Brit Mila tih sak duh lo an awm a, an ngaihdanah chuan, a len hunah a duh lo palh ang! chhia leh tha a rawn hriat hunah a ma duh thu ngei in serhtan chu ti ve mai rawh se an ti thin.

Hetiang ngaihdan neih hi thil pawi tak a ni. Pa in a fapa Brit Mila a tihsak chiah hian, a pa in Brit Mila a lo tihsak a pawmna a tilang chhuak tihna a ni a, chu mi awmzia chu .. ‘chhia leh tha ka hriat loh lai a, ka pa in Brit Mila min tih sak kha, engkim ka hriat thiam hnuah a tha in, he thuthlung hi a dik in ka pawm e’ a tihna ni in, chu a pawmna na chu a takin a tihlan theih hun a rawn thleng ta a, a fapa chungah ngei pawh Serhtan thupek chu a hlen chhuak ve ta a ni. He Mitzvah ropui lutuk ur lawknan hian a hma zan in Torah zir tur bithliah bik te zir thin a ni a, chu chu Brit Itzkhak ti a koh a ni. Torah shiur te pawh neiin, Torah te pawh zir zan khua thin a ni.

Hetiang a Torah kan zira Seuda kan siam hian chhan pawimawh tam tak a nei a, Minhag mawi leh duhawm tak chhunzawm zel chi a ni tiin, kan Torah mithiam te chuan an sawi thin a ni.

Categories: Musagim, Awmzia, Torah, Halakhot, Juda dan

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments