HAKHOKHMA Post Post New Entry

Zu bur a zu awm ka enliam thei lo

Posted by icolney2 on July 21, 2019 at 2:35 AM

Zu bur a zu awm ka enliam thei lo

Itzkhak Kawlni

Mi tam takin fiamthu tih tak deuh in an sawi thin. “Bnei Menashe te chuan, zu bur a zu awm kan enliam thei lo, kan inzawh hma loh chuan kan za cheng mai”  tiin. A dik ti emaw, dik lo ti emaw, a dik thei mai awm mang e, tiin ngaihdan a in thuhmun lo viau mai thei e.

Mizo te hi zu heh hnam kan ni ngai lova, Khawvel hnam dang te ang thovin Zu in hnam kan ni ve a, Kristian na a lo luh atang in zu do hnama inleh tumin hma kan la mup mup a, mahse hma kan sawn thei lo. Zu tih rem hi thil awlsam anih loh avangin, hmalakna na pawh a nasa hle a, hunkal tawh kan thlir chuan, theihtawp chhuah a hmalakna kan hmu. Zu a van deuh chuan, zu aiawh tu engmaw tal a lo awm thuai thin a, chu thil aiawh tu chu nge tha lo zawk? a aiawh Zu kha??

Khawvelah hian vei leh chak tam tak neiin kan khawsa , kan thil vei zawng  leh ngainat zawng te a zirin kan zia pawh a danglam zel thin bawk. Eng thil pawh ti i la, a ngawl a nih chinah chuan thil thalo lam a kawk tlangpui thin. Zu bur kan en liam thei lo kan tih pawh hi, nguntaka chhut chian angai a, zu bur te nge?bur lian?, tin a bur chhungah chuan engzat nge awm? tih te. Zu bur a zu awm enliam thei lo kan nih chhan pakhat niawm a lang chu, insum theih na kan tlakchham vang leh ngaihsamna vang pawh ani thei bawk a, a ngawl kan vei hrim hrim vang te pawh a ni thei leh zel bawk.

Mi inah (kan thenawm leh chhehvel a cheng helai a lo khawsa rei tawh ho) te chuan zu chi hrang hrang in hung tiar tuar kan hmu fo thin, chung mi te chuan zu chu an in a, mahse an inthunun tir ve lo ani tih min ngaihtuahtir fo thin. Rualpawl nan an lem ve zeuh a ni awm e! a tih theih. Kei ni erawh,kan inchhungah zu bur khat a awm hlei thei lo anih chuan, kan taksa hriselna ngaihtuah chung a, mahni in en fiah chi a ni ngei ang?

Zu kan in duh a, a tel lova kan awm thei lo a nih si chuan, in tur bi zat in tuk a tha a, in hun tur pawh felfai taka ruat a tha, chu tih rualin midang nen kan in dawn anih lek phei chuan in pui tur pawh thlan fimkhur a ngai, mahni inring tawk taka awm tum tlat a tha a ni.

Puipun na hmun a piangah hun tha bawhpelh hlauva, a thlawna in theih anih tak avanga  in nghek chin fo hian kan taksa lamah nghawng thalo tam tak neih phah in, mahni sum lova zu in thlakhlelh viau  pawh hi a hnua, in enkawlna na man leh natna hrehawm tawrh na tur nena, chhut chhuah leh vek dawn chuan, a hlawk chuang reng reng lo asin. Zu vanga harsatna nei ni a i in hriat chuan a tlai hma in in enkawl vat ang che.

 

Categories: Hitmakrut, Khinukh, Education

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments