HAKHOKHMA Post Post New Entry

Parashat Korakh

Posted by icolney2 on July 1, 2019 at 4:05 PM

Dawt sawi hrat chuan midang te pawn dawt an sawi thin a ring nghet tlat a, thil tih khawmna a tlai thin chuan, midang pawh an tlai ve tho an ti thin, tin mi chapo te pawn, tu pawh kan chapo vek tiin an in chhuang em em em thin bawk.


Kan Parasha a kan hmuh angin (Bamidbar 16:3) Korakh leh a hnungzui tu te pungkhawm chuan Moshe leh Ahrona chu an va hual a, nangni hian nihna pawimawh zawng zawng in chelh vek a, Israel fate hi kan thianghlim vek si a, Sinai tlangah khan Shkhina kan chungah a cheng vek tih in hriat kha, engvanga in la hrang  a, Puithiam nihna te nen lam in chelh  tak vek ni? tiin an chhuah chhal a ni. Moshe Rabeinu chu mi zawng zawng zinga inngaitlawm ber a ni tih kan hre vek a,(Bamidbar 12:3). Chutiang chuan kan Torah ngei hi thu hretu chu a ni bawk. Korakh leh a ho te chuan thiam loh chantir tum in Moshe chu mi chapo leh ropuina zawng mi ah chhuah an tum tlat a ni. Korakh leh a thruihruai te chuan ropuina leh nihna an duh avang chuan Moshe leh Ahron chu chhuahchhal in an inkarah in hriat thiam lohna lian tak an siam ta a ni. (על פי תלמוד בבלי מסכת בבא מציעא, דף נט, עמוד ב;)

           

Korakh leh a hoten Moshe leh Ahron an  hnialna ah hian, Am Israel te chu kan thianghlim vek a, kan dinhmun pawh a inang tlang vek, mahse nangni pahnih hian engkimah nihna inchelh in, in in dahsang leh zual a ni, chuvang chuan nihna semrual deuh hi a tha lo maw an va ti ta a. Mahse L-LPA P-thian chuan mihring rilru chhungril zawng zawng a hria tih kan hmu (Yeremiahu 43:17)


Kan Torah mithiam te chuan, nungchang tha leh mawi a nei phawt ang a, chumi zawhah Torah (מדרש רבה ויקרא פרשה ט פסקה ג, וכן פרשה לה פסקה ו ;)ti a sawi a ni bawk a. Rabi Eliazer chuan, Torah a awm loh chuan, Derekh Eretz pawh a awm lova, Derekh Eretz a awm loh chuan Torah pawh a awm lo. (משנה, מסכת אבות, פרק ג', משנה י"ז ;) Chuvang chuan mitin te mahni in enfiah a, Midot, Nungchang mawi leh tha zir hi a pawimawh hmasa a, chutiang mize nei thei tur chuan Mesilat Yesharim, HaRav Moshe Khaim Lutzato  lehkhabu ziah hi zir theih hram a va tha teh lul em.


Source : Shavei Bulletin Korakh 161/2019

Categories: Torah

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments