HAKHOKHMA Post Post New Entry

Arab Hackers hovin Israel Visa card 400000 chuang internet ah an pho lang

Posted by hakhokhma on January 3, 2012 at 6:55 AM Comments comments (0)

    Ni 2/1/2012 zan khan Saudia Arabia Hackers hovin Israel Visa card number leh an pratim hrang hrangte ruk chhuah sakin internet ah an pholang a, hei hi misual hrang hrang ten lo hmang tangkaiin an lo ruk chhawn sak a, tichuan, Israel Visa card 400,000 chuang number an rukchhuah sak a ni.


   Heng misual hote hian heng visa number hmang hian thil leiin pawisa tam tak an ruchhuak a, chuvangin a rang lama in Visa card a him em tih enfiah a tha ...

Read Full Post »

Hamas chuan 67' Border a pawm ta

Posted by hakhokhma on December 17, 2011 at 7:15 PM Comments comments (0)

    PLO Chairman Abu Mazen chuan 'Euro News' a a interview naah nimin chhun khan Hamas hotu pa ber Khaled Mashal nen an inhmuhnaah Hamas chuan Palestine in independece a hmuh theih nan anih chuan 67' Border chu an pawm ta tiin thu a sawi a, tin, PLO inthlan leh hmasak ber chu 5/May/2012 ah ani ang tih a sawi tel bawk.

Kiriat Arba ah nupa inkap hlum

Posted by hakhokhma on December 15, 2011 at 9:30 PM Comments comments (0)

    Tukin zing (16/12/2011) khan Kharsina khuaa cheng Gabi Tuito (49) leh Mazal Tuito (44) te chu kum hnih an inthen hnuah a nupui zawk chenna in Kharsina ah an ruang chhar a ni. An fapa silai (M-16) hmangin an inkap hlum a ni.


    An fapa kum 20 mi sipai tanglai zan leng chu zing dar 4:00 velah hawngin an inah chuan a nu leh pa ruang chu an in chhunga thisen luang zuih zingah chuan hmuin a rang arangin Police leh Ambulance a ko n...

Read Full Post »

Afula khuaah bomb a puak a mi 1 a thi

Posted by hakhokhma on December 14, 2011 at 1:00 PM Comments comments (0)

    Vawiin chhun dar 1:00 vel khan Israel hmar lama khaw pakhat Afula Givat Hamore khuaa Yanosh Kortsek kawtthler ah car pakhat a puak a, he bomb puak ah hian a chhunga chuang mi pahnih kum 30 mi leh kum 22 mi an hliam a, tichuan, a hmunah hian rang takin Ambulance te leh Police te leh Fire Deparment te an thleng thuai a, hliam te hi Mada (Ambulance) te hian a hmunah buaipui nghal a, an taksa pum mai chu a kang nasa em em a, rang takin a hmun hnai bera Hospital pakhat 'H...

Read Full Post »

Jordan ramri hungna pal chep chat

Posted by hakhokhma on December 13, 2011 at 8:20 PM Comments comments (0)

    Yom Sheni (12/12/2011) khan Juda mi 'Mitnakhalim' (Settlers) tia hriat lar Right Wings ho mi sawm pasarih te chuan Jordan Valley a Israel leh Jordan in ramri na pal chu chep chatin a hmunah hian ram lak tumin an lut a, hei hi Israel sipai te chuan zankhuaa an beih hnuah an vaiin an man ta a, an zingah hian kum tling lo tleirawl mi 8 an tel bawk a, tichuan, a tukah Jerusalem Court a hruai niin hemi ni vek hian puitling ho zawng 7 te chu chhuah an ni a, amaherawhchu, hemi...

Read Full Post »

Awk in Thla a lem

Posted by hakhokhma on December 8, 2011 at 5:00 PM Comments comments (0)

     Motsaei Shabat (10/12/2011) (Shabat zawh zan) khan kum 7 dana awm thin Thla Awklem chu a awm a, hemi tum hian Awk chuan thla hi a pumin a lem pil  a, hemi awmzia hi kan awmna lei chu Ni leh Thla chuan an laitat  tihna a ni a, tichuan kan lei chuan ni eng chu hliahin thla chu alo thim vek ta tihna a nih chu. Hetiang anga Awk in thla a lem pil vek ang hi kum 2018 ah a awm leh ang.


     He thla awklem hi Israel ...

Read Full Post »

US Spy Jet Iran kah thlak kha

Posted by hakhokhma on December 8, 2011 at 1:35 PM Comments comments (0)

    Kar hmasaa US Spy Jet RQ-170 tha chungchuang Iran rama an kahthlak chu vawiin khan Iran Tv chuan a lem nen lam an rawn tichhuak ta a, he thlawhna hi a pum him piala kah thlak a ni a, he thlawhna hi Computer khawl vek anih mai bakah, amah hi computer atanga control ani a, tichuan, a thuruk thei ang bera kum tam tak America chuan a lo duan leh siam he Spy Jet hi silai hmanga kah thlak mai ani lo hrim hrim ang tih chu a hriatthiam theih mai a, chuti anih chuan Iran mithiam t...

Read Full Post »

Benei Menashe mipui ten GAS MASK hman dan zir

Posted by hakhokhma on December 6, 2011 at 2:25 PM Comments comments (0)

    Indo kan sawi kan sawi ta a, Israel Sorkar chuan a rama pemthar te hi a ngaihsakin an chungah a tha hle thin a, pemthar te hi a group te, a hnam ang zawng te, a chhungkua ang zawng te hian tumah a hlamchhiahin a enkhum ngai hauh lova, an harsatna hrang hrang sutkian sak nan sum leh pai leh kawng dang dangin a pui zui reng thin.



    Tunhnaiah Israel ram chheh vela Arab ram hrang hrangte buai vang leh ram dang pawhin heng Arab ...

Read Full Post »

Jerusalem thlen hmaah Egged Bus a kang

Posted by hakhokhma on December 5, 2011 at 6:20 PM Comments comments (0)

    Yom Rishon (4/12/2011) khan Jerusalem leh Tel Aviv khaw inkarah Egged Bus kang avangin zinkawng a tikhaihlak hle a, dan narana Yom Rishon (Sunday) nia Sipai te leh Zirlai tam tak ten an thlen tum ram pana Bus a an chuan thin avanga Passenger Bus tawt leh khaihlak reng mai thin chu nep te niin, khami ni khan mahni tumram thleng turin Bus darkar 3 vel ngawt nghah angai a nih kha.



    He thil thleng avang hian Israel Sorkar chu...

Read Full Post »

US Spy Jet ngei a ni, Iran rama kah thlak kha

Posted by hakhokhma on December 5, 2011 at 6:00 PM Comments comments (0)

    Thu lawi lo mai mai ani lo tih thu vawiin khan nemngheh a ni. Nimin lam chanchinthara Iran ram chhak lam hmuna America ta enthatu thlawhna pilot tello Spy Jet RQ-170, tuna US Spy Jet changkang ber Radar man theih loh tura an siam chu Iran Sipai chuan an lo kap thla ngei tih thu nimin (5/12/2011) khan US Sipai thupuangtu chuan a sawi a, he thlawhna ang hi Afghanistan ah pawh vawi duai lo hman alo ni tawh a, tin, Bin Laden-a tawm rukna hmuchhuaktu leh amah man anih theihna ...

Read Full Post »

A ruk arala indopui tan tawh a ni

Posted by hakhokhma on December 5, 2011 at 8:55 AM Comments comments (0)

    Israel chanchinbu hrang hrangte chuan khawvel ram hrang hrang te ngaihdan ah nghawng nei thei khawp a Iran ramin Nuclear a neih ngat chuan khawvel tana la hnawksak hle tur anih a thehdarh uaih uiah chu, Iran chuan Nuclear chang ni lovin a Missile te chu thuam thain, hla tak tak Europe hial kap phak thei a siam tak vak na atang chuan khawvel ram dangte vei a hlawh ve tan ta a, chuvangin, tunhnaia Iran ram Scientist te leh ramdang mithiam an rawih te chu eng ti tih tih ema...

Read Full Post »

America Enthlatu van thengreng thlawhna

Posted by hakhokhma on December 4, 2011 at 5:50 PM Comments comments (0)

    Van thengreng thlawhna X-37B Boeing Company siam  American Air Force ta chu vawiin khan ni 274 lai van boruaka a ruk arala thlawhchhuah tir a nih hnuah khawvel mipui te hriatah puanzar a ni.



    He Mini space shuttle a sei zawng 9m chauhva lian hian enge van thengrengah a han tih tih hi khawvel mithiamte zawhna ani a, mahse a thawnchhuaktu US Air Force chuan thil chhuifiah tur chauhva thawnchhuah anih thu an sawi a, mas...

Read Full Post »

Rami Levi Tikshoret

Posted by hakhokhma on December 4, 2011 at 5:30 PM Comments comments (1)

    Cellular (Cellphone) company thar naktuk (5/12/2011) atang hian Israel ah hawnbelh a ni dawn a, Israel rama thil titlawm thei ber mai thin tu Rami Levi chuan a Super Market ah Cellular hi a zuar tel dawn a, ani hian a hmaa Cellular company lian tak tak pathum lo awm tawh te chu a rawn el pui dawn a ni.



    Rami lehvi Tikshoret tia a hming koh hian aman an chhiar dan tur chu hetiang hi a ni.

Read Full Post »

Iran ramah America Spy Jet kahthlak a ni

Posted by hakhokhma on December 4, 2011 at 5:00 PM Comments comments (0)

   Iran ram chanchinbu hrang hrangte chuan vawiin (4/12/2011) khan America Spy Jet thlawhna te Pilot tellova hmelma ram enthlatu America Spy Jet changkang ber chi RQ-170 chu Iran ram chhak lamah Iran Sipai ten an kap thla tiin thu an thantir a.

   Iran sipai thupuangtu pakhat a hming tihlan loh chuan an ram chanchinbu FARS ah leh an ram Tv 'El-Alehm' ah thu puangin, hetianga kan ram chhunga dan kalaha chetna hi Iran chuan a chhanglet ngei dawn ...

Read Full Post »

Israel ramah Lir a nghing

Posted by hakhokhma on December 4, 2011 at 4:50 PM Comments comments (0)

    Zanin Yom Rishon (4/12/2011) khan Israel ram hmar lamah Lir a nghing a, he lirnghing hi Neharia, Metula, Kiriat Shmona, Tiberia leh a khawchheh hnaia khaw hrang hrangah hriat a ni a, engzat chiah a na nge tih erawh hriat ala ni rih lova, tin, he lirnghilng hian thil khawihchhiat leh khawih pawi a neih report ala awm rih lo bawk.

Read Full Post »

Syria in a Scad Missile B enchhinna nei

Posted by hakhokhma on December 4, 2011 at 4:40 PM Comments comments (0)

    Tunhnaia Europe ram ten Syria chu an nawr nasat em avangin intihhlauhawmnan leh thil engpawh lo thleng se kan duai dawn lo a ni tih an entir nan, Shabat ni khan Syria ram sipai te chuan indolem lian tak zirna an nei a, hetah hian Syrian Air Forece te, Tank sipai te leh sipai Unit hrang hrangte an tel a, tin, he indolem an zirnaah hian Scad Missile B pawh enchhinna neiin an kap chhuak luah luah mai a ni. He an indolem zir hian an thil entir tum ber chu an Target hmelma t...

Read Full Post »

Erev Hitorerut VeTshuva

Posted by hakhokhma on October 1, 2011 at 3:45 PM Comments comments (0)

    'Erev Hitorerut' chu tluang taka neih ani a, mipui kan thahnem hle a, he inhmuhkhawmna neihna hmun hi Kiriat Arba Matnas Building a ni a, Hall pathum ah hun hi hman a ni a, a tir berah Hall pakhatah 'Haramat Kosit' neiin Wine in hona neih a ni a, tichuan , chumi zawhah he Hall ah hian Rav Gurion Sela hovin Mizo tawnga Shiur (P-thian thu zirna) neih a ni a, tichuan, Rav Yehuda Gin hovin Manipur tawnga Hall dangah Shiur neih a ni bawk a, darkar khat Shiur neih anih hnuah H...

Read Full Post »

Sana herh kir a ngai - Shaon Khoref

Posted by hakhokhma on October 1, 2011 at 1:15 PM Comments comments (0)

    Ni 1/10/2011 khan Israel ram chuan Misrad Hapnim (Ministry of Interior) thupekna angin Shaon Kaits (Nipui Sana) chu a titawp a, tichuan, Shaon Khoref (Thlasik Sana) hman tan ani lehta a, tichuan, Zing dar 02:00 ah khan dar 01:00 ah herh tlai a ni.

 

Read Full Post »

Hitakhdut Bnei Menashe Yotsei Mizoram

Posted by hakhokhma on September 16, 2011 at 5:20 PM Comments comments (4)

    Leil Khamishi (15/9/2011) zan khan Afula khua ah Benei Menashe pawl thar din a ni leh ta a. He pawl hian a tum nia an sawi chu Mizoram lam atanga Israel a pemte inpumkhatna tur zawnchhuah leh, Sakhuana lama hmasawnna ngaihtuah te, kan Benei Menashe Right zawnchhuah te, Mizo pi pu nundan tha tuaithar leh chawi nun te ani a, he pawl thar hi tunah rih chuan hming mumal la pek ani lo naa, tuna an Chairman ruat thar chuan "Hitakhdut Benei Menashe Yotsei Mizoram...

Read Full Post »

Shevet Menashe Organization

Posted by hakhokhma on September 3, 2011 at 6:25 PM Comments comments (3)

HRIATTIRNA LEH SAWMNA


'Shevet Menashe Organization' pawl din a ni a, he pawla member ni tur hian Shevet Menashe zawng zawng sawm in ni a.Tunah hian pawl hruaitu tur inthlanna ala awm lova, mahse he pawl convener tur hian mi pali ruat phawt an ni.


1. Makabi Chhakchhuak

2. Khaiim Zote

3. Daial Chawngthu

4. Ezra Chhakchhuak


Member niduh chuan heng mi pali te hnen...

Read Full Post »