HAKHOKHMA Post Post New Entry


view:  full / summary

Shmita kum dawn a thlai chin leh thing phun chungchang

Posted by hakhokhma on July 25, 2021 at 7:25 PM Comments comments (0)

-Moshe Ilan

Leveticus 25;3 "I lovah kum ruk chhung chu thil i ching ang a, I grep huan chu kum ruk chhung i sat no ang a, a hawngte i seng ang a, a kum sarih kum erawh chu ram chawlh derna, Lalpa hminga chawlhna a ni ang a, i lovah buhbal I ching tur a ni lo va, I grep huan I sat no tur a ni hek lo….."


 

Juda te chuan Torah a thupek angin kum sarih bi chhiarin a kum sarihna ram chawlh kum chu huan lo ram neihna laka chawlh derna kum atan an nei thin a, he kum chuankai hmaa lo inpuahchah lawkna tur atana hriat hmasak ngai zual deuh deuhte chungchang kan tarlang dawn a ni.


 

Orla chhiar dan chungchang ah hian kum 1 chhunga ni 30 chu kum 1 pumhlum anga ngaih ani a, hei hi Thing (Ilanot) chungchang bik ah hian ngaihtuah leh hriat chian a ngai hle a, achhan chu, Thingkung ah hian a thing kung kum chhiar dan leh a rah kum chhiar dan hi a in ang lo a, thingkung kum thar ni chu Tishri ni 1 a ni a, a rah kum thar ni chu Shvat ni 15 (Tu Bishvat) a ni.


 

Thing kung rah ei chi ah chuan Orla kum chhiar a ngai a, chu chu a rah te chu phun emaw chin emaw atanga kum 3 chhung rah te chu ei thiang ani lo va, a kum 4na rah chu 'Neta Revai' tih ani a, hei hi 'Pidion' ti a sum a tlan angai a, chumi hnu ah chauh chuan a ei theih a ni.


 

Khi tiang teh nuai anih avang khian thing rah ei chi ang te chu kan phun leh chin ni chu kan hriat chian angai hle a ni. Amaherawhchu, tun tumah chuan Shmita kum dawna phun leh chin chungchang thu kan zir bik dawn a ni.


 

A tira kan sawi ang khian kum 1 a ni 30 chu kum 1 pumhlum anga chhiar alo ni ta a, chumi awmzia chu, Tishri ni 1 (Rosh Hashana) thlen hma ni 30 chhung Elul thla pumhlum chu kum 1 anga chhiar ani tihna ani a, mahse, chumi kum 1 tawi pumhlum chhiar thei tur chuan kan thing phun chuan lei ah zung a kaih ngheh hun atang chauhin chhiar thiang a ni a, thing lam chi ah chuan leia zung a kaih ngheh hun chhung chu kar 2 chhung (ni 14) anga ngaih a ni a, chumi awmzia chu, kan thing phun chu Elul thla hma ni 15 (Av ni 15 – Tu Beav) ni chuan thing chu kan phun hman anih chuan Av thla chhung a kan phun atanga chhiar a ni 14 chhung leh Elul thla pumhlum ni 30 chhung nen chuan avaiin ni 45 thing kan phun tirh atang chuan kan lo nei ta tihna ani a, chu chu Orla kum chhiar nan kum 1 pumhlum kan nei ta tihna a ni, tichuan a kum 2 na chu Rosh Hashana (Tishri ni 1) atanga a kum leh Rosh Hashana thleng chuan kum 1 pangai pumhlum zelin kum 3 thleng kan chhiar tawh ang a, a kum thumna Rosh Hashana atang chuan a thing kha ni lovin a Rah kha kan bitum tawh tur anih avangin a rah kum thar ni (Tu Bishvat) kan nghak thleng leh ang a, tichuan kan Orla kum chhiar chu kan chhiar pumhlum tawh dawn chauh a ni (hemi hnu hian Pidion Neta Revai tih angaih kha).


(Sawi tel loh theih loh chu, thing phun nan hian Av thla ni 15 hnu lama phun leh chin te chu Rosh Hashana atanga Rosh Hashana leh thleng chuan kum 1 chhiar chauh ani ang a, chumi awmzia chu a kum 1na chu a sei deuh dawn tihna anih chu.)


 

Tichuan, Shmita dawn kum 6 na ah chuan Av ni 15 thleng chuan thing rah ei chi ang chu kan la phun thiang a, Rosh Hashana ni ah chiah kum 1 pumhlum ang (Orla chhiar kum 1na) kan chhiar thei a, Shmita kum chu Rosh Hashana (Tishri ni 1) ah lut dawn chauh mahse, a kum 6 na Av ni 16 atanga Tishri ni 1 thleng chuan thing kan phun anih chuan Orla kum khatna chu Shmita kum chu anih dawn miau avangin 'Marit Ain' avangin Shmita kuma thing leh thlai chin leh phun thiang lo an nih ang khan a huam fel tawh a ni. Chuvangin Tu beav (Av ni 15) atang khan thing phun thiang ani tawh lo a ni.


 

Amaherawhchu, Thing sen chu Pot mawng pawp a lo tiak sa, leia hun anih chuan, ni 30 chuang lo awm tawh anih chuan ama lei ah khan zung a kaih ngheh tawh avangin a lei chawp chuan Rosh Hashana dawn ni thleng pawhin leiah ama lei nen chuan phun thiang ani a, tichuan Shmita kum 6na chu a Orla kum 1 na anga chhiar theih ani a ni.


 

Thingkung mawi chi (a rah ei chi ni lo, Orla chhiar ngai lo) emaw, pangpar emaw, thlai lam chi emaw te chu, Shviit (Shmita kum 7na) dawn ni thleng (Erev Rosh Hashana) chuan leiah phun theih ani na a, chutiang chu a halakha ni mahse, a duh fir (Makhmirim) te ngaihdanin Shmita kum luh hma chuan leiah zung an kaih nghet hman tur tih ani a, chumi awmzia chu, Thing emaw, thlai emaw, pangpar emaw te chu an tiak tawh anih chuan leia phun nan Elul thla ni 15 thleng chuan ala phun theih a ni. (ni 14 chhung zung an kaih nan a duh a ni). A chi ang chi chu tuh to nan ni 3 chhung Rosh Hashana hmain hun a duh a ni. Tin, A to sa tawh ang chu pot emaw a a tona lei chawpa phun tur an nih chuan Rosh Hashana dawn ni thleng pawhin ala phun theih a ni. Tin, Gras (Deshe) kan phah duh anih chuan Shmita kum luh hma kum chanve a lo phah fel lawk sa diam tur a ni.


 

Shmita kum ah hian kan huan thlai leh pangpar te chu an than duanna tur ni lovin an thih lohna tur khawp chauhin tui kan pe thiang a, leitha ang chi erawh chu kan pe thiang lo a ni, chuvangin Shmita luh dawn hnai ah kan huan pal te emaw, kan huan te chu uluk takin sam fai leh zar thlak ngai ang zawng zawng chu lo tih lawk a, lo buatsaih lawk a tha hle a ni.



 

 

Tʜᴜ ʙᴇʟʜ﹕

 

Parshat Behar (Lev 25;1) "Tin, Lalpan Sinai tlangah Moshea a bia a…" tiin a in hawng a, Bekhukotai Chang tawpna (Lev 27;34) "Heng hi Sinai tlanga Israela thlahte tana Lalpan Moshea a pek, thupekte chu a ni." tiin a inkhar leh kher a ni, Pthian chuan Moshea hnenah Sinai tlangah Torah chu a pe a, hetah hian thupek zawng zawng te chu a pe vek a ni, mahse, bung leh chang danga a biakna ah chun a pekna hmun hming Sinai tlang hi a sawi tel ngai kher lo a, engvangin nge hemi Parshiot ah hian a sawi tel bik kher ni ta ang le.


 

Hemi Parshiot pahnih te ah hian khing a chunga kan sawi tak Shmita ram chawlh kum te, Yovel kum 50 naa ram a neitu hnenah kir leh vek tur chungchang te a sawi a ni.


Sinai tlang chu Pthian leh ami Israel te inkara thu thlung nemnghehna hmun a ni a, chu thuthlung chu kan pu Avrahama te Itskhaka te, Yakova te hnenah khan Pthian in a lo thlun sak tawh a, chu chu Genesis bung 15 na ah khan chiang takin kan hmu ang a, a tawp kharna ah khan "He ram hi, Aigupta lui atanga lui lian pui (Euphrates lui) thlengin I thlahte ka pe tawh;…. tiin, Avrama hnenah chuan thu a thlung ta a." tih kan hmu a ni.


 

Heta a thu thlunna ah hian a laimu ber chu ram a pek tur hmun hi a ni a, chu a pek tur mite chu hemi bung chang tir lamah hian Avrahama thlate (Israel te) ngei chu an ni tih kan hmu thei bawk a ni,.


 

Tichuan, hnam anga sawi tham leh a hnam thlan anga min lawmluhna hmun atan Sinai tlang chu thlangin hetah hian chutiang ang thuthlung chu min lo pe ta a, chuvangin Mitsvot (Thupek) dang ho te pawh he hmunah hian pek vek ni tho mahse, Sinai tlang hming hi thupek dang a sawi hunah chuan a sawi lang kher ngai lem lo va, mahse, he hmun Sinai tlang hian Thuthlung Symbol a ken tel tlat avang chuan thu thlung meuha a lo tiam ram kan neih ngheh theihna tur leh chu a thuthlung chu kan tihpuitlin nan chuan khing Shmita mitsvot te khi Israel ram chauh ah hian tih theih ani ta a, chuvangin Khing thuthlunna nena inkaihhnawih tlat thupek ho te khi Torah ah ziah lan anih dawn hunah Sinai tlang a a pek tih kherin a lo thai lang ta a ni.


 

Chuvangin Shmita kum (kum 7na ram chawlh kum) hi thupek naran ani lova, thuthlung nena inkaihhnawih tlat ani a, chu thuthlung (Brit) chu a pawimawhin he ram kan neih nghehna tur te, kan pu te hnena a thu lo thlunte ti puitlinga a tak ngeia chantir thei tu chu tu dang ni lovin keimahni theuh te hi kan lo ni ta a, he rama citizen neia kan chen ve mai hi ram tiama chanvo kan neihve na ani zo ta lova, a rau ang zawng te, a tisa ang zawng te, a thupek ang zawng te, a Torah ang zawng te a, kan pu te hnena thu thlung meuhva a lo tiam ram kan luah ve na tur chuan mitin te hi Pthian thuthlung chahbi kawltu theuh kan ni tihna ani a, chu chahbi chuan a thuthlung fate kan nihna kawngkhar kan hawn a kan luh ve theihna kawng chu dik taka Shmita dan kan zawm famkim hi alo nita tihna anih chu.

Khayei Sarah (Paashat Nashim)

Posted by Shavei Mizoram on November 10, 2020 at 10:55 AM Comments comments (0)

Khayei Sarah (Paashat Nashim)

- Harel Kingbol

 

Tunkar kan Parashaah hian hmeichhe tana thil pawimawh em em mai, inchhungkhura malsawmna thlen/alo awm theih dan chungchang Sarahi’n Rivka hnena a hlan chhawn dan hmuh turin a awm a, Sarah leh Rivka te pahnih chu Israelte tan kan lungphum leh innghahna tak meuh anni bawk. Kan Parasha chuan engtin nge Sarahi’n Juda hmeichhia nih dan tur Rivka hnena a hlan chhawn dan chiang takin a tarlang a. Chu thil Sarah’in Rivka hnena a hlan chhawn chu vawiin ni thlengin Juda hmeichhia/nufa te inkarah chuan inhlan chhawnin ala awm zel bawk a ni.

 

“Tin, Sarah dam chhûng chu kum za leh sawmhnih leh pasarih a ni a.” (Bereshit23:1). Malbim chuan ti hian a sawi a, “mihringte hi kan boral hnuah hian enge/tunge a(ka) nih chu a hriat chian thin. Mi chu a dam chhung zawng chuan eng sualah nge a tluk luh palh dawn tih hriat a ni lo a, mifel tak leh thlarau dinhmun sang taka awm pawh nise, mihring, mi nun ngila nih avang chuan chu a thlarau dinhmun sang tak atang chuan sualah a la tlu lut thei tlat a ni.

 

Sarah chu a boral chiah chuan chung a damchhung kum, kum za leh sawmhnih leh pasarih zawng zawngte chu tha takin a hmang liam thei a ni”. Sarah chu englai pawhin rilru fim tak leh dik takin a awm reng thin a ni tiin Midrash chuan a sawi bawk a (Bereshit Rabbah 58:1 ), “L-LPA chuan mi tha famkim nite chu a hria a” (Tehillim37:18).

 

Sarah-i fel leh thatna nasa tak avang chuan a pasal Avraham chuan ti hian a fakin a chawimawi a, “hmeichhe huaisen leh paukhauh, Eshet Khayil (Midrash Tanchuma, Chayei Sarah 4). A fel leh that em na avang chuan ti hian nasa takin nupui/hmeichhe fel tiin Mishlei-ah chuan a chungchang ziah a ni bawk. (Mishlei 31:10-31)

Sarah chu mifel leh tha a ni tak meuh a ni tih chiang taka hriat theihna chu he amah (Sarah) fakna chungchangah hian Hebrew hawrrawp alef atanga intanin a tawpna ber Tav thleng chuan a indawt chho vek a ni, chu chuan a famkim zia chu chiang takin a ti lang a ni.

 

A chunga Midrash Rabbah thu hman hote khi Sefat Emet chuan ti hian a sawifiah leh bawk a; Kan nu Sarah ang khian kan dam chhung nite chu fel famkimin hmang kan tum ve tur a ni. Sarah pawh a hun hmasa lamah chuan harsatna chi hrang hrang, tam (famine), fa nei thei lo leh Pharaoh leh Avimelekh te’n an man (nupui atan an la) in hrehawm leh harsatna tamtak a paltlang a. Ahun tawp lamah chauh chuan thiltha leh malsawmna chu a dawng ve a ni.

 

Mahse chung a hringnun a hman tantir laia harsatna leh hrehawmna avang te chuan beidawng a indawm kun mai loin chung a hringnun kawng chhuk chho takte chu a hneh vek zawk a ni. Chuvangin Sarah chungchang chu ti hian ziah a ni bawk a, “A dam chhûngin, Chhe lam ni lovin tha lam hlirin thil a tihsak thin.” (Mishlei31:12) A felna leh thatna te chu a vela thil awm leh a mit hmuh tilte avang chuan thlak danglam lo vin a rilru chu kawng dangah a sawhsawn ngai lo, chuvang chuan chung harsatna leh fiahna zawng zawngte chu a paltlang thei a ni.

 

A nuna hrehawmna leh thlemna zawng zawngte a hneh theih avang chuan Khava avanga sualna awm pawh chu amah kaltlang chuan siam thatin alo awm phah reng bawk a ni.“Kum za leh sawmhnih leh pasarih”, enga ti nge a dam chhung kum zat chu a mal te tein Torah hian a rawn sawi diat diat kher?

 

Rashi chuan ti hian a chhang a, eng hun/kumah pawh nise Sarah chu a dinna ngaiah chuan a ding reng thin a ni. Sarah chu kum za anih chuan kum sawmhnih mi angin sual lakah a thianghlim a. Kum sawmhnih mi anih chuan kum sarih mi angina a mawi a. Kum sawmhnih bawr vel hi mihringte kan mawi leh hmelthat ber hunlai a ni, chuvangin Adam leh Khava pawh kha an lo pian chhuah khan kum sawmhnih mi ang anni. (אמר רבי יוחנן: אדם וחוה כבני עשרים שנה נבראו Midrash Rabbah 14:7)

 

Rabbeinu Bakhaya chuan a(sarah) mawina englai pawh chuan a rawn thang lian in a mawi tulh tulh a ni tiin a sawi ve bawk a. Maharal chuan helai a Torah in a mawina a rawn sawi hi a tisa mawina chauh ni lo vin a chhungril mawina sawina a ni bawk tiin a hrilhfiah ve bawk. Maharal hrilhfiahna ang hian kan Pu Moshe Rabbeinu a boral ni thleng chuan thalai/rawlthar tisa ang puin ala mawiin a la chak a ni, “Moshe chu a thih chuan kum za leh kum sawmhnih mi a ni; a mit a thim lo va, a tha pawh a thum chuang lo.” (Devarim34:7) Chutiang ang chuan Sarah chhungril mawina leh thianghlimna chuan a damchhung zawng zawng chuan a tisa ah pawh chuan mawina leh thatna a pe chhuak thei a ni. Sarah a boral hnuah chuan, a awm tak loh avang chuan thil engkim mai chuan tlakchham a nei ta a Rivka lo lan hma loh chuan: “Itzkhak chuan Rivka chu a nu Sarah puan inah chuan a hruai lût a, tiin.

 

Rivka chu a nei a, a nupui a lo ni ta a; tin, amah chu a hmangaih hle a: tichuan Itzkhak chu a nu thih thuah pawh chuan a lo thlamuang thei ta a.” (Bereshit24:67) Rashi chuan ti hian a sawi a: Rivka chu anu (sarah) puanin ah a hruai luh chiah chuan anu damlai ang chiahin puanin chu alo awm nghal a. Sarah damlai chuan englai pawhin eng (bati eng/ Shabbat dawn a a chhit chu a kar leh Shabbat dawn thlengin alh reng thin) chu a awm reng thin a.

 

Englai pawhin chhang (ei tur malsawmna entirna) chu a awm reng thin bawk a, chu bakah chuan ropuina chhum (P-thian awmpuina entirna) chuan puanin chu a tuam reng thin bawk. Chung thil te chu Sarah a boral tak hnuah chuan bo nghal vekin, tunah Rivka a luh ve chiah chuan chung thilte chu a rawn let leh nghal vek a ni.

 

Maharal hrilhfiahna dungzuiin heng thil pathumte atang hian hmeichhiate chuan anmahni pual liau liau in mitzvah ropui tak tak: Khallah lak, Niddah leh Shabbat bati chhitte hi an tih a ngaih phah a ni.

 

“Ni pawh chu a lo chhuak a, tin, a tla leh a.” (Kohelet1:5) Mi Tzadikte enna chu a tlak/thim hmain enna dang chu P-thian chuan alo chhuah tir leh phawt thin. Hei vang tak hian Parashat Khayei Sarah pawh hi Rivka pian chungchang (Midrash lam kan en chuan Akeidat Itzkhak lai khan Rivka hi a piang) sawi anih hnuah dah a ni. Rivka enna alo chhuah tawh chuan Sarah enna chu a tlak angaih tawha avangin. (Bereshit Rabbah58:2)

 

Hei vang tak hian Itzkhak pawh Minkha (chawhnu/ ni tlak dawna tawngtai) a tawngtai phah a ni, chu chu Rivka a tawnna hmasa ber a ni ta bawk a. Chu a tawngtainaah chuan ama milpui tur dila, a tawngtai zo chiah a han hawi chhuah chuan a hmaah chuan Rivka chu alo lang ta a ni. Hei vang hian thenkhatte chuan Minkha-ah hian nupui/pasal tur dila tawngtai hi a tha e tite an awm bawk.

 

Tichuan Rivka chu lo lang tain ani chuan sarh-I sulhnu zawng zwng chu rawn chhui chho ve lehin mawhphurhna zawng zawng chu ala ta a, puanin ah te chuan malsawmna zawng zawngte chu lo kir leh vekin Sarah hnen atang chuan engkim chu a la chhawng vek a, chutiang chiah chuan Juda nu/ hmeichhia zawng zawngte chuan min thlahtu kan nu Sarah leh Rivka te’n kawng min lo sial tawh leh kan chhunzawm tur atana min hnutchhiah zawng zawngte zawma tih puitlin chu kan mawhphurhna leh kan ko a innghat niin enna chu kan pek chhuah ve a ngai a ni.

 

Shavei Israel Torah Outreach Programe

Olam haTorah – Torah Khawvel Bnei Menashe Facebook Page

https://www.facebook.com/TorahKhawvel

 

Torah Khawvel WhatsApp Group a awm duh tan a hnuaia Link ah hian Click tur:

https://chat.whatsapp.com/Ey9DxNE3bpk...

 

Parashat Khayei Sarah

Posted by Shavei Mizoram on November 10, 2020 at 10:40 AM Comments comments (0)

Parashat Khayei Sarah

Itzkhak Kawlni

“….tangka sekel zali bûk man lek a ni a, chu chu nang leh kei, kan inkârah sawi tham a ni hlei nêm..” (Bershit 23:15)

Tum khat chu zirtir tu pahnih Rabi Yohonatan Ibsitz nen an inhnial a. Anni pahnih chuan, “Zawhte te hi mihring ang chiah a khawsa in zirtirna pek theih a ni,” an ti a. Rabi Yohonatan chuan “a theih loh” tiin a chhang let a. “A theih zia fiahna kan en tir ang che” tiin an hnial let ve leh a.

Zawhte chu mihring ang a khawsa turin zirtirna tha tak an pe a, Chutianga an hlawhtling viau tawh hnu chuan ruai ropui tak an buatsaih a, an thil buatsaihah chuan Zawhte mihring ang chiah a, a khawsak dan pholan an tum a ni. Chutia mipui an thut khawm hnu chuan Zawhte chu Meltzar (Waiter) ang maiin an rawn chei a, Dawhkan te chu a rawn rem tha a, a phah te pawh, chumi hnuah dawhkanah te chuan eitur leh wine te pawh a rawn sem ta thlap bawk a. Mipui zawng zawng te chuan kut an beng a, chu zawhte khawsak dan mak danglam tak mai an hmuh chuan chung Khawvel lehkhathiam te chu dik zawkah an ngai ta bawk a. Chutih lai tak chuan, Rabi Yohonatan chuan bawm te reuh te a ken chu a rawn hawng ta a,. Chu bawm te reuh te atang chuan sazu a rawn zuang chhuak zauh mai a, chuveleh Zawhte chuan a thil tih kal san chuan Sazu chu a um ta thut mai a, dawhkan a thil chhawp wine leh eitur te chu a baw ta rum rum mai a. A landanah chuan chu zawhte chu Mihring zirtirna pek ngailoh ang mai hian a khawsa ta a ni.

Chumi hnuah chuan mipui te chuan Rabi Yohonatan lam melh chuan Torah Mithiam te an dik zawk a ni tih an pawm ta a ni. Ransa te chu thil tam tak zirtir an ni a, mahse an nihphung (Khawvel pianken) erawh a danglam tir theihloh.

Chutiang din hmun a lo awm tawh chungchang kan Parashaah hmuh tur awm chu, Rabi Simkha Zisel chuan Efron haKhiti in Avraham hnena a sawi chungchang kha a rawn sawifiah a. Efron khan atirah chuan mi pawimawh leh khawngaihna nei tak angin arawn inlan a, Maarat ha’Makpelaa pawh Avraham a hnena a thlawn a pek a intiam a ni. Mahse Shekel 400 in lei mai ta che, a sum hlutna pawh engmah ani hleinem a ti ta tho tho a ni. Chung pawisa Avraham an a pek a chu kan Khazal te chuan pawisa pangngai chumi hunlai a an hman thin aiin a hlu zawk daih a ni an ti a ni. Efron-a chuan Avraham lakah mitha leh feltak ang a inlan duh mahse Avraham’an pawisa chungchang an sawi chhuah chuan, a sum duhna leh a duham na te avang chuan a insum zo ta lova, pawisa pawh a um ta zawk a ni.

Chutiang nungchang in min entir chu mize thenkhat a lang a that tum mi, chhungril tak a tha lo, chung nungchang thatlohna an neih te thlak thei lo mi an ni. An lan danah chuan Tzadik feltak an ang em em a, Derekh Eretz nei mi ang in an khawsa bawk. Mahse an duh lutuk thil avang tein an insum zo lova, tin a hmingthatna rawn ti chhe tur mi an rawn tawng chhuah hun te an thinrim na avang chuan zah pawh an dawn ngai lo a ni.

Mi inthlak thei, Nungchang dik chu, Torah zir leh Mitzvot hlenchhuah na atang chauh vin a neih theih a ni. Nungchang diklo te chu a siamtha in, chutatang chuan a puitlin a zir tur ani a, a thil tih a piang Leshem Shamaim (P-thian hmingin) a tih tur a ni a, L-LPA P-thian hming ti thianghlim a, Ama mimal hmingthan na tur nilovin a ti tur a ni.

Shavei Israel Torah Outreach Programe

Olam haTorah – Torah Khawvel Bnei Menashe Facebook Page

https://www.facebook.com/TorahKhawvel

Torah Khawvel WhatsApp Group a awm duh tan a hnuaia Link ah hian Click tur:

https://chat.whatsapp.com/Ey9DxNE3bpk...

 

Parashat Vayeira

Posted by Shavei Mizoram on November 10, 2020 at 10:40 AM Comments comments (0)

Parashat Vayeira

- Itzkhak Kawlni

“Avraham hi hnam lian, hnam ropui tak a la ni ngei dâwn a…” (Bershit 18:18)

Shmaya leh Itzkhak te chu sumdawng hlawhtling tak an ni a. Shmaya chu a upa zawk a, a fate pawh an hlawhtling a, a fapa naupang ber chauh a chawm tawh a ni. Itzkhak ve thung chu naupang zawk deuh mahse fanau enkawl tur paruk lai a nei thung a ni.

Tum khat chu an pahnih chuan khaw lian takah hian sumdawng turin an kal a, kawt thler an kal lai chuan, dawr pakhatah hian Thawmhnaw chi hrang hrang zawrhna hmun an thleng a.

“Heng thawmhnaw te hi an mawi hle mai” tiin Shmaya chuan a thlir vung vung a, “Ka fapa tan hian kawrchung engemaw zat ka lei duh a ni.” tiin a thian pa Itzkhak chu a hrilh a. “A tih chi ngawt ang chu, heng thawmhnaw te hi an tha bik a nih hi,” tiin Itzkhak chuan a chhang let a. Shmaya chuan buaina pakhat a nei tlat mai, a thianpa hnenah chuan “ka fapa hian lo tawk lo ta se, ka lei thlawn dawn tlat mai a,” a ti a, Itzkhak chuan “a pawi hleinem, a lo tawk lo anih chuan fa paruk ka nei a, pakhat tal chuan an tawk tho vang, chubakah Hashem malsawm na in fa dang pawh kan neih belh zel dawn a lawm, chutianga an tawk lo vek anih pawhin, piang leh zel tur tan thawmhnaw tha tak chu a vawn that theih tho ang chu maw le” tiin a chhang a.

Kan pa Avraham kha S’dom khaw tan a tawngtai a. A tawngtaina chu S’dom khua a chengte tan chuan a inhmeh lo/an phu lo a ni, achhan chu Hremna tawk tlak an nih avangin, amaherawhchu, chung Tawngtaina te chu hunlo kal tur a tan a vawnthat a ni thung. Chu Tawngtaina avang chuan L-LPA P-thian chuan kan pa Avraham a hnenah S’dom khua chu thlak thleng a tum thu a hrilh a ni. Hashem chuan Avraham-a tawngtai a, a tawngtaina chu chhan nghal mai rih loh a duh a, a chhan chu Avrhaham-a tawngtaina te chu nghak a, chhuanthar te vawn him zawk nan a ti a ni.

Chung thil te chu kan hriatreng a ngai a ni. Achang chuan thil engemaw dil in kan tawngtai a, kan tawngtaina te chu chhan nilo vin kan ngai thin a. Damlo te dam theihnan a dil in urhsun tak ten kan tawngtai thin bawk a, awmzia a nei lo ang mai in an dam phah kher thin lo. Thil engemaw kan mamawh em em te pawh kan dil a, kan dilna te chu a hlawtling nghal mai thin loh chang pawh a awm bawk a ni.

Kan hriatreng ngai ta a chu, L-LPA P-thian chuan urhsun taka kan tawngtaina te chu a vawng reng thin a, kan tawngtaina rah chhuah chu kawng dang daihin a rawn chhang thin. Chung kan tawngtaina te chu van sang hmun thatakah vawn that tlat niin, L-LPA P-thian chuan kan dilna reng reng te chu kan tan a, a that theih dan tur hlirin a chhang thin a ni.

Source : Shavei Israel Bulletin

https://www.facebook.com/TorahKhawvel

https://shavei.org/

 

Parashat Nashim - Vayeira

Posted by Shavei Mizoram on November 10, 2020 at 10:35 AM Comments comments (0)

Parashat Nashim - Vayeira

- Harel Kingbol

“Tin, anni chuan a hnenah, ‘I nupui Sari khawiah nge a awm?’ an ti a. Tin, ani chuan, "Saw puan inah sawn," a ti a. Sforno chuan ti hian a sawi a: P-thian'in Avraham hnena a hriattir sa tawh, Sarah naupai tur chungchang chu hrilh an duh avangin Sarah awmna chu an zawt a ni.

Chuvangin an Mission tih hlawhtlinna tur chuan thu lawmawm tak mai chu Sarah hnenah chuan an hrilh a ngai a, achhan chu chu hlimna chuan a fa neihna turah chuan a tha zawngin nghawng tamtak a neih theih tlat avangin. Chu chuan min zirtir chu nu in nau a pai laia a rilru leh a awmdan chuan a naupaiah chuan nasa takin awmzia leh nghawng a nei a ni (tunlai scientist te’n an sawi hma daih hian kan Torah chuan alo sawi daih tawh a ni).

Be’er Mayim Khayim dungzuiin, engvangin nge vantirhkoh hote chuan Sarah awmna chu an zawh kher? Achhan chu mikhual lo lawm luh (Hachnasat orchim)ah chuan hmeichhiate mawhphurhna a san zia hrilhhriatna turin. Mikhual te an lo luh laia hmeichhia/nu berin mikhualte tha taka a lo chiau au na chuan mikhualte chu thlamuanna nasa tak a neih tir a ni.

Chu mikhual lo lawm luh chuan fanau malsawmna a keng tel bawk ti hial a sawi te pawh an awm. Kan inah mikhual lo lut te tha taka kan lo lawm a, kan lo dawnsawnna chu a chhul chhunga mikhual (naupai) pawh chu tha tak leh duat takin a dawng sawng thei dawn a ni. Vantirhkohte chuan Sarah chu hmeichhe fel tak ani tih an hriat avang chuan an inah an va lawi luh pawh chuan anmahni lo lawm turin a hmel chu hmuh ve an in beisei em em a, mahse an beisei ang a, a hmel an hmuh tak si loah chuan mak an ti letling hial zawk a ni.

Mikhual lo lawm luh chu thil tha tak a ni tih hrereng mahse ti hian vantirhkoh hote chu a chhang a, “Lal in chhunga lal fanu chu a ropui vel vek a” [Tehillim45:14 (mizo bible ah 13)]. Chuvang chuan Sarah pawh chu a nungchang mawi em avang chuan puan in chhungah chuan a awm reng zawk a ni.

Rashi hrilhfiahna ah chuan vantirhkoh hote chuan Sarah awmna chu an hresa vek tho si a, a chhan chu P-thian mi tirhte anni miau si a. Hresa reng chunga an zawhna chhan zawk chu ti hian Rashi chuan ti hian a sawi a. Sarah nunchang mawi leh tha tak chu anmahni ngei chuan a pasal Avraham hnenah chuan sawi a, a nungchang mawina avang chuan a pasal chan a duh ngawih ngawih theihna turin. A pahnihna-ah chuan an ei leh in a yain brakha sawinaah chuan Sarah chu lo awm ve tura an duh vang/sawmna a ni bawk, achhan chu chu brakha chuan chunglam malsawmna chu hnuk thlain inchhungkhurah chuan malsawmna a thlen theih avangin. Hemi behchhan hian vawiin ni thlengin Kiddush naah chuan pa berin yain a inzawh hnuah chuan a nupui chu a pe nghal thin a ni.

Kli Yakar chuan ti hian zawhna a zawt a: Avraham chuan Sarah nungchang mawi zia chu a hre tawhsa tho si a, anih chuan vantirhkohte chuan Sarah mawina leh a nungchang that zia te chu an hrilhhriat kher angai em ni? tiin.

Vantirhkhohte chuan a tisa mawina leh thatna avangin khawnge I nupui sarah a awm ti a zawt anni lo a; khawnge a awm ti a an zawhna awmzia zawk chu a tisa thil ni lovin a thlarau dinhmun an zawhna zawk a ni. Avraham chuan ka nupui hi a fel loh vangin a ni fa kan neih theih reng reng loh ti a, Sarah chu a mawhpuh lohna turin vantirhkohte chuan Sarah thlarau dinhmun sanna chu sawi lang an tum vang zawk a ni, achhan chu hmeichhe nungchang mawi chuan lal/mi ropui tak fa an hring thei a ni tih Tamar atanga kan hriat ang in. (Megillah 10b)

Chuvangin, khawnge Sarah a awm? tih chuan a kawh tum zawk chu fa tha leh fel ta nei thei turin eng dinhmunah nge a awm tih chu an zawhna a ni a. Achhanna-ah chuan “puan inchhungah” – chu a nungchang mawi tak leh thlarau dinhmun sang tak avang chuan amah atang chuan mi thianghlim tak takte an lo chhuak thei dawn a ni.

Tichuan Sarah chuan, "Tar ka nih tawh hnu hian lawmna ka nei ang maw, ka lalpa lah a upa tawh bawk si?" tiin a rilruin a nui a. Tin, L-LPA chuan Avraham hnenah, "Engati nge Sarahi’n, 'Kei tar hian fa ka hring em ang maw?" tiin a nuih? (Bereshit18:12 -13).

Rashi chuan he lai thu ah hian P-thian chuan Sarah tawngkam chu a thlak danglam a ni tiin a sawi a, a chhan chu an nupa inkarah chuan inremna a awm theihna turin. Helai atang hian kan zir theih chu mite inkarah remna a awm theihna tur anih chuan tawngkam thlak danglam chu a pawi lo a ni, chu kan tawngkam thlak danglam chuan mi dang tumah a tihnat dawn loh chuan, tiin. (Rashi, Bereshit 18:13)

“Chuti chuan Avraham chu a bawk khup a, a nui a, a rilruin, "Kum za mi hian fa a nei dawn em ni ang? Sarah, kum sawmkaw mi chuan fa a hring dawn em ni ang?" a ti a.” (Bereshit17:17) Or HaKhayim chuan P-thian'in Avraham hnenah Sarahi’n nau a neih tur thu a hrilh lai khan ani pawh chu a nui ve tho a lawm, Sarah leh Avraham te nuih chu enge a in an lohna tiin zawhna a zawt a. Onkelos kan en chuan Avraham-a nui tih chu khedi (Bereshit 17:17) hlim/lawm tiin a letling a – Sarah ve thungah chuan nui tih chu khayekhet (Bereshit 18:12)– nuih sawh tiin a letling thung. Onkelos chuan thumal inang reng nui /יִּצְחָק/צָחֲקָה thu inang lo lutuk chuan a lehlin daih?

Rabbi Mattis Weinberg chuan ti hian a sawi a, Avraham chu tawngkam tluangtlam pangngaiin a tawng mai a “…. Kum 100 mi hian fa a nei dawn em ni ang?” Sarah erawh chuan amah chu a lai takah indah in, "Tar ka nih tawh hnu hian lawmna ka nei ang maw?” Avraham chuan a tawngkamah chuan future tense hmangin, tun hunk al tawhte chu hun lo la awm tur chuan a ti danglam thei a sin tiin. Sarah erawh chuan Past tense hmangin heng zawng zawng ka tawh vek tawh hnuah hian hun lo la awm tur chuan engmah danglamna a thlen tir chuang lo ang, fa a neih theih chu a ring lo a ni.

A enga pawh chu lo nise, Kli Yakar ve thung erawh chuan ti hian a sawi ve thung a, Sarah chu a nui chhuak miah lo a (a rilru in a nui a). Hemi atanga kan zir theih zawk chu Sarah chu dinhmun sang taka awm a nih avangin thilte thalo te reuhte a tih chu a langsar em em a ni, chu mi atanga kan hriat theih chu Sarh dinhmun san zia chu a ni tiin.

“Chutichuan Sarah chuan, "Ka nui lo" tiin a pha a; a hlau si a. Tin ani chuan, "Awih loh loh tur; i nuih ngei kha le," a ti a. (Bereshit18:15) Or Ha'Khayim chuan “a hlau si a” tih atang hian ka zir theih chu “P-thian tih mi chuan tihpalh avang liau liau a thilsual a tihpalh pawhin P-thian hlauhna nasa tak a nei nghal thin” tih hi a ni.

Sefat Emet hrilhfiahna dungzuiin, Sarah chuan a nuih avanga a thilsual tih chu rang takin a a siam tha leh nghal a. Chu sual tih avanga inchhirna chu P-thian hremna hlauhna avang ni lo va, P-thian hmangaihna avang zawk a inchhirna neia an piangthar anih chuan chu chu piantharna famkim kan tih chu a ni. Sarah pawh a tirah chuan P-thian hlauhna avang ringawtin sual a sim a, ziak a kan hmuh angin a hlau si a. Avraham vethung erawh chuan P-thian hlauhna avang ni lo, hmangaihna avang zawka sual sim chu a hlu a ni tih a hria a, chu vangin ti hian a hrilh a “i nuih ngei kha le” – sual simna hi kawng dangin I neih a la ngai a ni a, ti chuan chu I nuihna chuan lawman tha tak a pe zawk ngei ang che. Tichuan hlauhna avang ringawt ni lo, hmangaihna avang chuan a sual tih chu siam tha in piantharna chu alo nei ta a, ti chuan fa lo neiin an fapa hmingah chuan “Itzkhak ala nui ang” tih chu put tir alo ni a, chu velah chuan Sarah chuan hlim takin P-thian chu a faka, “Tin, Sarah chuan, "P-thianin mi tinui ta” (Bereshit21:6).

Hmangaihna famkim a hmangaihna nen P-thian hnenah chuan let lehin chumi avang chuan malsawmna zawng zawng chu alo luang chhuak thei ta a ni. (Sefat Emet, Parashat Vayeira 5652)

Shavei Israel Torah Outreach Programe

Olam haTorah – Torah Khawvel Bnei Menashe Facebook Page

https://www.facebook.com/TorahKhawvel

Torah Khawvel WhatsApp Group a awm duh tan a hnuaia Link ah hian Click tur:

https://chat.whatsapp.com/Ey9DxNE3bpk...

 

Parashat Noakh

Posted by Shavei Mizoram on October 23, 2020 at 2:20 AM Comments comments (0)

Parashat Noakh

Harel Kingbawl

Khava chu hmeichhia zawng zawngte tan hmahruaitu/hmasa ber anih angin Sara chu Yehudi hmeichhia zawng zawngte tan hmahruaitu ani ve bawk a. Sarah chuan nupui tha tak leh mahni a ding ve thei tur khawpa hmeichhe tha anih theihna chu a tarlang a. “Tin, Avram leh Nakhor chuan nupui an nei a: Avram nupui hming chu Sarai a ni a; Nakhor nupui hming chu Kharan fanu Milka a ni a, Kharan chu Milka pa leh Iska pa chu a ni” (Bereshit 11:29).

Achunga kan hmuh atang khian Avram leh Sarai te inneihna chu a chiang ta lo riau mai tiin zawhna a awm thei ngei ang?

Achhan chu tunge ni Iska chu? Engvangin nge a hming chu tarlan anih ve ringawt. Rashi chuan Iska chu Sarah ani tiin a sawi a: Iska tih awmzia chu hmu/thlir tihna a ni a, Sarahi’n chu hming a putna chhan chu a zawlneihna hmang chuan hmalam hun a thil lo thleng tur chu a hmuh/hriat lawk theih avangin leh a mawina leh hmelthatna avang a mi zawng zawngte en/thlir rawn anih avang chuan. Chubakah chuan Iska tih chu Nesikha (princess) tih nen a hawrawp root chu a inang leh chiah bawk a. Chutiang bawkin Sarah tih chu Serarah tih nen a root inang leh in chumi awmzia chu rorelna/thuneihna neitu tihna a ni.

Be’er b’sadeh chuan Milka chauh chu Kharan fa ang chuan engatinge Torah chuan a sawi a, engatinge Sarah pawh chu Kharan-a fanu ani tiin chiang takin a sawi ve mai loh tiin zawhna a siam a. Tihian chhanna a pe nghal bawk a ni. Milka chu Kharan fanu tiin Torah chuan chiang taka a sawina chhan chu apa (Kharan) leh amah (Milka) chuan rilru a milem pathian biaknaah chuan ngaihdan inang chiah an neih avangin. Amaherawh chu Sarah erawh chuan apa (Kharan) anna reng reng a nei ve miah lo thung a ni, tiin. Chuvang chuan a hmingah pawh Iska – princess leh Serarah – thuneitu tih a koh pawh ani reng a ni. Abul vela thil thalo awmte chuan a hneh lohna turin amah leh amah chu tha takin a inrel fel thei a. Torah a inziak kan hmuh angin Sarai, Karan fanu ti lovin Iska, Kharan fanu ti a ziah zawk a ni. Tichuan hemi hrilhfiahna atanga kan hmuh theih chu Iska (Sarah) chu Kharan ai chuan a dinhmun a sang zawk a; chu a dinhmun sanna avang chauh zawk chuan Kharan hming chu ziah lanin a awm ve phah ta zawk a ni.

“Avram nupui hming chu Sarai a ni a.” Avram/Avraham nupui chu Sarai/Sarah a ni tih hlirin ziah thin a ni a. A hming pakhat Iska tih erawh chu a pasal Avram/Avraham hming nen ziah dun anih dawn hunah chuan Iska (A thlarau/zawlneihna hming) tiin sawi a ni ngailo. Hei hi achhan chu zawlneihna chungchangah chuan tu emaw felna leh thatna avang emaw, a pasal Avraham fel leh thatna avanga zawlneihna chu chang a ni lova, Avraham nen an inneih hma daih tawhin chu zawlneihna chu Sarah chuan a nei tawh sa reng a ni. (Rashi, Bereshit 21:12) Chutatanga kan zir leh theih chu eng ang a zawlneihna sang nei pawh ni mahse a pasal (Avraham) bulah chuan chung a ropuina leh zawlneihna hial chang thei khawpa thlarau dinhmun sang a nihna/neihte chu theihnghilh/dah tha in a pasal rawng bawl tur chuan a inpumpek tawp mai a, chuvang chuan a hming pakhatah chuan Sarah tih ani a, zawlneih a nihna ang a, a zawlneihna hmanga thil lo thleng turte a hmuh lawk theihna chungchangah chuan Iska tih ani leh bawk.

Tichuan Sarah chu Avraham nupui tih leh mahni ke a ding thei hmeichhia (independent woman) Iska tiin hming pahnih a koh a ni ta a. Chu hming pahnih atang chuan Sarah nihna pahnih chu zir tur lo awm lehin, chu chu Juda hmeichhia zawng zawng te’n an neih ve ngei tur atana pawimawh a ni bawk.

Chu chu kan pasalte dinhmun sang zawka an awm zel theihna tur atana theihna zawng zawnga enkawl chu a ni a, chumi kan ti anih chuan kan pasalte chauh pawh ni lovin chu thil kan tihna avang chuan kan pasal te chuan zahna min pe let ve bawkin kan nupa thlarau dinhmun chu kan chawisang zel tihna a ni.

Chutiang thil chiang taka kan hmuh theihna chu P-thian ngei pawhin Avraham hnenah chuan I nupui, Sarah thusawi chu ngaithla rawh a tih ang khan, achhan chu Sarah chuan a pasal tan theihtawp chhuaha rawng a bawlsakna avang a ni. Chuvangin kan pasalte’n kan thurawn leh kan thusawi te zawm a ngaihtla tura kan duh anih chuan an tan theihtawp chhuah chu kan tih makmawh a ni.

Sarah boral hnuah chuan, “Avraham nupui” tiin sawi ani lo a, a hming pangngaiin “Tin, Sarah chu Kiriat Arba khuaah chuan a thi a” (Bereshit 23:2).

He khawvelah a mawhphurhna leh a tihtur te a tih zawh tawh hnu, he khawvel a kalsan takah chuan a pasal hlimthlaah chuan a awm a ngailo a. Ama felna leh thatna, mahni a ding thei hmeichhia a nihna, Juda lalnu (lal fanu) dik tak anih ngei mai Iska zawk chu tarlan in a lo awm leh ta a ni. Heng zawng zawng atanga kan zir theih chu Juda hmeichhiate chu an pasalte tan chuan an dinglamah englai pawh a chakna pe tura lo awm reng thin an nih rualin anmahni thlarau dinhmun chawisanna chu an kalpui pah reng bawk tih hi a ni.

Chung zawng zawng chu hmeichhia in a hlen chhuah hunah chuan “Hmeichhe khawsak tha chu a pasal tan lallukhum a ni ” (Mishlei12:4) in a sawi kha a hlen chhuak tihna a ni.

© Source: Bulletin Shavei Israel

https://www.facebook.com/TorahKhawvel

 

Parashat Bereshit Nashim

Posted by Shavei Mizoram on October 23, 2020 at 2:20 AM Comments comments (0)

Parashat Bereshit\

Harel Kingbol

וַיִּבְרָ֨א אֱלֹהִ֤ים | אֶת־הָֽאָדָם֙ בְּצַלְמ֔וֹ בְּצֶ֥לֶם אֱלֹהִ֖ים בָּרָ֣א אֹת֑וֹ זָכָ֥ר וּנְקֵבָ֖ה בָּרָ֥א אֹתָֽם.

Bereshit1:27).

Torah in min zirtir angin, a tirah chuan P-thian chuan mipa leh hmechhia chu pakhatin a siam a, “Tichuan P-thianin ama anpuiin mihring a siam a, P-thian anpui ngeiin a ni a siam ni; mipa ah leh hmeichhiaah a siam a ni.

Engati nge Torah hian a tawngkam hi singular ama anpuiin a siam a tih hi anmahni a siam a tiin plural ah alo thlak tak daih? He tawngkam thlak danglam hian a kawh tum chu thlarau thil/thlarau nuna inthlak thlengna lo awm a ni – mipa leh hmeichhia chu an lo inthen/awmhran chiah chuan tisa/taksa hran ve ve an lo nei ta a, tichuan chu pakhat atanga pahnih lo chhuak atang chuan nihna (tisa leh thlarau in) hrang chu alo piang chhuak ta a ni. (Tisa leh thlarau thil-ah pawh an nihna nihna ve ve ah chuan ropuina an nei ve ve a). Mipa leh hmeichhia(nihna/ropuina) chu intluk tlang reng anni tih chu chiang takin kan hria a, an pahnih chuan P-thian hlim thla anga siam ve ve anni. P-thian chu pakhat ani a, chuvangin a hlimthla a a siam mihring ah hcuan sang zawk, hniam zawk a awm thei lo.

Hmeichhia chu mipa nen a inkungkaihnaah a mawhphurhna tur chungchang kan hmu a, “Tin, L-LPA Pathian chuan, "Mihring amah chauhva awm hi a tha lo ve: a mah tanpuitu tûr a kawppui âwm mi ka siamsak teh ang.” (Bereshit 2:18).

Hmeichhe tello chuan mipa chu a famkim thei lo. Chu thil chu tawngka a kan inhlan chhawn zel thuro chhiahah pawh a lungphum ber te zinga mi a ni. “Nupui neilo chuan engkim a tlachham a ni. Hlimna tak tak a nei lo a, malsawmna a nei lo a, thil tha a neilo a, hriatna a nei lo a, hahdamna leh thlamuanna a neilo”(Yevamot 62b). Hmeichhia, mipa famkimna thlentu chu Hebrew chuan ezer kenegdo (עזר כנגדו) tih a ni a, he thu hi a nhna leh kawh tum tak hi tawngdang a lehlin mai hi thil awlsam ta a ni lo. Ezer tih chu tanpui (tu) tihna a ni laiin kenegdo tih chuan awmze hrang hrang a nei a- ep, tum pui, dodal, hmachhawn, kalh, in rem, thuhmun, tlukpui. Chess kan khel ta a, ka tumpui pa thiamna ang ka nei ve anih loh chuan kei chu ka hmachhawn tan chuan tumpui ka tling pha lo a nii. Chu thil inrem tak thil thuhmun te chuan he hringnun thawnthu chu an tuia hriam in chu hringnun a game chu an thlifim a ni.

Engvangin nge hmeichhia chu mipa tana famkimna thlentu anih?

Achhan chu mipa tan a tumpui/a tlukpui anih avangin. Kawng tin rengah hmeichhia chuan amipa chu famkimna a pe a ni. Chutianga hmechhia mahni hre chiang a, mipa tana famkimna siam theitu hmeichhia chu Lal Shlomo in alo sawi hmeichhia chu anni, “Hmeichhe khawsak tha chu a pasal tan lallukhum a ni a.”(Mishlei 12:4).

“L-LPA P-thian chuan Adam laka a lâk nâkruh chuan hmeichhia a siam a” (Bereshit 2:22). Hriat thiam theih dan tlanglawnah chuan P-thian chuan Khava chu Adam nakruh pakhat hmangin/atanga siam a ni. Mahse anihna tak tak zawkah chuan Khava chu Adam peng/pang lehlamah chuan siam a ni.

Rashi chuan Tzela th awmzia chu “a sir lehlam” tiin a sawi a, chumi dungzui chuan, “biak bûk sîr lehlam” (Shemot 26:20). Khazalte’n chu chu an sawfiah a, “hmai pahnih neiin siam anni.” (Eruvin 18a).

Anih chuan Khava chu Adam atanga lakh ran/siam anih tak si ah chuan a chanve dang chu mipaah chuan ala cham bang tihna a ni a. Tichuan mipa nen chuan a chanve a chanve ang lo niin mipa leh hmeichhia chu intluk tlang chiahin an lo leng dun thei ta a ni.

“P-thian chuan mihring a siam a,” (וַיִּ֩בֶן֩ יְהֹוָ֨ה אֱלֹהִ֧ים) tiin a ziak a, anih chuan atir berah mihring chu hmai/nihna pahnih (tisa/taksa pakhatah) nei a siam anih si chuan P-thian chuan anmahni chu a then hrang ta a… tiin tawngkam pangngaiin sawi anih mai loh? Engvangin nge Torah chuan a siam a/thil siamna tawngkam chu a zah belh kher?

Wheat/buhfai etc.. storehouse-ah kan dah dawn a, achung lama awmte a chim maih lohna turin a bul thut lam chu pharh zau deuhin kan rem hmasa thin a, (a chim mai loh nan leh bang a nek nasat lutuk loh nan a zuih deuh a thil kan rem/chher chhuan thin ang hian) Hmeichhia chu ama nihna hlenchhuak thei tur ang berin P-thian chuan a siam a ni, tiin Rashi chuan a hrilhfiah. (Berakhot 61a). Kli Yakar chuan helai a “siam” tih tawngkam hi ti hian a hrilhfiah ve thung a, “nupa an awmdun a fa an lo nei a, tichuan khawvel siam hna/inthlah punna chu an lo thawk/siam a ni”. Chuvangin Sarah pawhin a bawihnu Avraham hnenah a pek khan ti hian a sawi a, “…kei pawhin ama lakah chuan fate ka nei mahn” (אוּלַ֥י אִבָּנֶ֖ה מִמֶּ֑נָּה)

Hebrew word a Binah kan tih hi siam/sa/din tihna leh pianpui finna atanga thil hriatthiam theihna tihna a ni a. Rabbi Eliezer chuan Rabbi Yossi ben Zimra hmingin a sawi a, “mipa (Adam) aiin thil hriatthiam theihna (Binah) a (Khava hnenah) pe nasa zawk a.” (Bereshit 18:1). Rabbi Adin Steinsaltz ngaihdanah chuan, hmeichhiate chuan chu thil thleng hriatthiam theihna sang bik an neih chu a aia nasa leh zual neih belh zel an duh a. Chu chu thei ei thiang lo Khava’n a ei atang pawh khan kan hmu thei ang. Chu thil hriat chian leh zual duhna kan neih chu thil pangngai ve reng ni tho mahse, a lutuk a kan ti/a ramri kan pel anih ve leh thung chuan thil thalo tak a lo thleng thei bawk tih kan hrethiam nghal bawk ang. (Khava’n enge anih tih hriat chian a duh lutuk avangin sual ah a tluk luh phah). Chu hriatthiam/hriat chian leh zual duhna thinlung/rilru kan neih chu engtin nge kawng dik leh tha zawngin ka hman theih ang tih chu kan ngaihtuah zawk tur a ni. Entirnan:- kan thenawm khawvengah kan hriat miah loh hian tanpui ngai, harsa em em te an lo reng em? Chung thil chu hmeichhiate chuan P-thian hnen atanga finna/mit hmuh atanga thil awmzia hriatthim mai theihna an neih chu hmang tangkaiin tanpui ngaite tanpui a, chutiang tanpui ngaite an awm em tih hriat/hriatthiamna neih chu hmeichhe fing chuan hrethiam thei turin a thilthlawn pek dawn chu a hmang tangkai tur a ni.

“Tin, L-LPA P-thianin chhak lamah Eden-ah chuan huan a siam a; a mihring siam chu chutah chuan a awmtîr ta a.”(Bereshit 2:8). Rabbeinu Bakhaya chuan mipa(Adam) chu Gan Eden pawnah siam a ni a, hmeichhia erawh chu Gan eden chhungah siam a ni, chu Gan Eden chhung chu engkim then hran/thliar hranna awmna hmun chu. Chuvang pawh chu a ni mai thei, hmeichhiate chu mipa aiin an sensitive bikin, inchhirna/piantharna te pawh an neih hma bik na chhan pawh, achhan chu hmeichhiate chu Gan Eden nen inkungkaihna an neih thuk bik avangin. Hmeichhiate chuan he kawng/thil “an feite chu thei kûng ahchhumna chem kawmahte an chher ang.”(Mika 4:3) alo thlen thuai theihnan kawng an sial reng a ni, zawi muangin Gan Eden chu an siam tha mek zel a ni.

© Source: Bulletin Shavei Israel

https://www.facebook.com/TorahKhawvel

 

Parashat Noakh

Posted by Shavei Mizoram on October 23, 2020 at 1:50 AM Comments comments (0)

Parashat Noakh

"…….lei chu a chhe let dêr a, inpâwngnêknain a khat a ni." (Bereshit 6:11)

- Itzhak Kawlni

 

Shaul-a chu tap tuau chunga a chhungte nen an inthen hnu chuan Lawnglianah lutin kawng thui tak zawh chuan a zin ta a. Kar engemaw zat a thang hnu chuan khaw hlatak pakhat ava thleng ta a. Chu hmunah an chhungkaw tana sum tamtak hlawh chhuak turin rim takin hna a thawk ta a.

 

Kum engemaw zat a vei hnu chuan a duh tawk a tam pawisa thawkchhuakin a khawl thei ta a, ti chuan In lama haw zai a rel ta a. A haw hma chuan a chhungte lekha a thawn a, “tun atanga thla sarih hnu velah ka rawn haw dawn e,” tiin. Haw tura a inpuah chah mek lai chuan, chu khua a cheng mi pakhat chuan, “I haw hma in leiba te I nei em? tih enfiah hmasa phawt rawh, ba nei ahaw hi a thalo ania, a hnuah buaina lian tak a tawh theih a ni.” tiin a hrilh a.

Chu thurawn chu ngaipawimawh lo takin Shaul-a chu a nui a, mi pawisa pukin tur em ni ka nih ang, lo puk pawh ni ila a tlem tham awm em mai, tiin. Leiba te tham ani emaw ngaihven lovin leh chingfelin lovin Shaul-a chuan haw na tur lam Lawng chu a pan ta a.

 

A chhungte pawh amah hmuak turin an lo kal a, khaw Gate-ah chuan mi pakhat “min kal tir hram teh u, ka chhungte kum rei tak ka hmu tawh lo a ni." ti a au thawm chu an hre ta a. Sotrim (police) te chuan “I khaw kalsan taka I leiba I rulh loh avang in I kal tlang thei lovang, I kalsan tak khua a I leiba I rulh hnuah chauh kan kal tir ang che,” an ti ta bur mai si a, a tum dan ang ngawt chuan an khua chu a kal tlang thei ta lova.

 

Shaul-a chuan tap chung tak meuhvin a ngen ta chiam a, “ka fate leh ka chhungkua te kum 10 chuang ka hmuh tawh lo a ni.” tiin. “Min kal tir phawt ula ka leibat chu ka kal leh hunah ka rul mai ang e,” a ti a. Mahse an remti chuang lova, “a hma pawhin hriattir lawk I ni tawh a, ngai pawimawh lovin I kal a, engatinge I sum puk te chingfel lova kalsan I tum” tiin an phal ta chuang lova.

 

Shaul'an ngen chiam na chuan awmzia a nei ta si lova, ral atang chuan a chhungte an hmuh tir a, ti chuan a chuan na lawng chu hna ava thawhna khaw lamah chuan , pawisa tlem te a puk va pe tur chuan a let leh ta a ni.

 

Mi pawisa kan puk kan pet let leh hi thil hahdam thlak tak leh tih makmawh ani si a. Khawvel dikna ramah chuan Sum tlem te pawh nise an ngai pawimawh em em a ni. Peklet angai a ni tih hi hriatreng a ngai a ni. Nakinah kan Neshema in Chunglam khawvel a pan dawn hunah eng leiba mah palzam mai chi a ni dawn si lo.

 

Chutiang dinhmunah chuan lei khawvel a let leh angai ang a, piang nawn leh in Lei khawvel hna a thar a thawh leh a ngai dawn a ni. Sum tlem te eng tham mah a kan ngaih loh pawh nise kan pek let vek angai a ni. Kan Parasha-ah pawh hian Gezel (ruk rukna/ in suam na) avangin he khawvelah hian MABUL/tui let hrem na chu a lo thleng a ni. Leiba pe duh lova awm lovin, kan leiba te chu a rang thei ang bera pek let vat zel tur a ni.

 

© Source: Bulletin Shavei Israel

https://www.facebook.com/TorahKhawvel

 

Parashat BERESHIT Yeladim

Posted by Shavei Mizoram on October 16, 2020 at 10:15 AM Comments comments (0)

Parashat BERESHIT

“...Atir in P-thian in lei leh van a siam a.” (Bershit 1:1)

Khazkel chuan a ko ki a thil phur chung chuan chau tak maiin a zin kawng a pan mek a. Ni a sa bawka a thlan te pawh a tla zawih zawih bawk a ni.

A chauh tawh em avang chuan, hmun remchang laiah chuan a chawl hahdam ta a, a rilru chuan, tu emaw rawn kal se, sabengtung emaw ka phur min chhawk thei tur hi awm thei se aw" tiin. Chutia a ngaihtuah lai mek chuan, sakawr tawlailir nei, mihring leh bungraw phur kawp thei hi a rawn lang hlawh mai a.

Khazkel chuan, chuan chuan ve chak taka melh chung leh beisei tak chung chuang sakawr tawlailir khalh tu pa hnenah chuan, min phur ve thei ang em? tiin a dil chawt mai a. Chupa chuan tehreng mai, I phurrit nen khan rawn chuang ve ta che tiin, hmanhmawh tak mai chuan Khazkel chu sakawr tawlailirah chuan a a lawn ve ta a. An zin kawng chu a pan ta zel a.

An zin lai mek chuan, Sakawr tawlailir khalh tu pa chuan Khazkel an a bungraw phur a koki a la nghat renga la phur tang tang a hmuh chuan mak a ti hle a. Khazekel hnenah chuan, "Engatinge I bungrua kha I la phur reng ni le? tiin a zawt ta a.

Khazkel chuan, "Kei pawh min phur tawh a, ka bungrua te nen lam, amaherawh chu ka bungrua tal hi ka phur ve angai a lawm, ka tih hah luhtuk loh nan che." tiin a chhang let.

Khazkel chu a nuihzat thlak hle a ni mahna. He khawvel ah pawh hian mi tam tak nuihzatthlak tak tak an tam tho amah Khazkel ang deuh chi chu. L-LPA P-thian chuan he khawvel hi a siam a. Kan zavai in min siam a. Nitin hian a thilsiam te a thatna a tih tharin a awm. Nitin kan mawhmawh min pe thin. A changchang chuan thil hrehawm deuh lungngaihna rawn thlen tu pawh a rawn thleng thin. Enge ni ta ang le? tiin kan ngaihtuah fo thin.

P-thian siam kan ni tih kan hriat chhuah reng a ngai in kan ring tlat tur a ni a. Kan theih tawp chauh kan chhuah thin tur a ni, adang zawng chu Siamtu kutah kan dah mai thin tur a ni. Mi thenkhat engtiklai pawh a thil engemaw thleng tur te, mangang leh hlauhthawng reng thin chu Khazkel ang kha an ni. A bungrua chu phur tal a, buaina leh harsatna zawng zawng a, P-thian puih tum ang deuhvin. P-thian chu tanpui a ngai lova. A man a ti a, a ti mek a, a rawn ti zel anga, avai hian ava kut chhuak vek an ni.

Kei ni mihring te chu Sakawr tawlailir nei a chuang a, L-LPA P-thian thianghlim in min hruai/phur ang kha kan niin, eng thil pawh a ngaihtuah kim vek a ni. P-thian hnenah rinna nghat tlat ila, A ni chuan kan tlak chham te chu min hnawhkhah/pe sak ang. Shabbat Shalom

Source: Shavei Israel Bulletin

https://www.facebook.com/TorahKhawvel



 

Parashat Nitzavim

Posted by Shavei Mizoram on September 6, 2020 at 4:30 PM Comments comments (0)

Nitzavim 

Harel Kingbol

“Tunah hian in zain hnam puipa te, in upa te, in hotute Israel mi zawng zawng, in fanau tete te, in nupui te, in awmpui ram dang mi, in thing kittu leh in tui chawitute chenin L-LPA hmaah in ding a/טַפְּכֶ֣ם נְשֵׁיכֶ֔ם וְגֵ֣רְךָ֔/your young children, your women, and your convert” (Devarim 29:10-11).

Rabbi S.R. Hirsch chuan “leh/and/וְ” tih thumal khi “in nupuite” tih nen khian dah zawm ani lo tih lai khi la chhuak in, chumi chuan a tum chu nupuite chu an fate zawhah dahlo mahse fate leh nupuite chu pakhat ang a ngaih ani tiin a sawi a. P-thian chuan fate/ naupangte chu an nute-ah innghat turin a duan hrim hrim avangin. Naupang thlarau leh kawngtha zirtirna chu nu in a fate a enkawl danah a innghat tak meuh a ni.

Malbim chuan ti hian a sawi ve thung a, “in nupuite” tih a hranga ziah anihna chhan chu hmeichhiate chu an pasal/midangte tel lo vin an awm/ding chhuak thei ani tih lantirna turin. Hun pawimawh/thianghlim takah Israel fate chu P-thian hmaah an ding ani a, mitin te chuan anmahni (mipa leh hmeichhia) nihna ang theuhin hmun (own particular place) an chang hlawm a. Chu hun chu chhungkua nuamchena kal chhuahna hun leh hmun ani lo a, mipa leh hmeichhiate chua hrang theuhin an awm a ni.

Chu dahhranna/inthliarhranna chuan Judaismah chuan engvangin nge hmun pawimawh/laili tak a chan na chhan ni ta ang? Inkhawmnaah chuan engvangin nge hmeichhia chu a pasal bulah chuan a thut theih loh?

He khawvel nitin mamawh tihna kawngah lem mipa leh hmeichhiate chu awm ho in hnate kan thawk ho a, anih chuanin engvangin nge chu hun/hmun thianghlim takah chuan kan awmdun theih tak loh na chhan?

Torah dawn anih hmain Israel fate hnenah chuan nupatna hmang reng reng lo tur leh an nupuite la kata inti thianghlim tura thupek anni a. (Shemot 19:15) Tunah P-thian hmaah Torah thuthlung awm tura intiam dawnah inthliar/awm hranna chu a ngai leh a. Mipa leh hmeichhia inpumkhatna chu nupatna hman hunlai chu a ni a. Chu pumkhatna chu thianghlim leh anih dan tur ang taka hman/hlen anih chuan chumi hmang/kal tlang chuan P-thian thlarau thianghlim chu lo awmin chumi zarah chuan nupa chuan thlarau thianghlim chu an dawng thei a ni.

Chutih rualin mipa leh hmeichhia pumkhat naah chuan P-thian thlarau awmpuina tello a pumkhata awm dunna a awm thei bawk a. Chutiang ang thil chu a thleng anih chuan mipa leh hmeichhia chu P-thian lak atang chuan thil dang daih ani thung. Mipa leh hmeichhiate chu kan aw pawh a in ang lo a, kan thil duhzawng leh ngaihtuahna pawh a inanglo bawk. Mipa chak leh hrisel tak chuan hmeichhia/a nupui chu tisa nawmchenna tur atan ringawt hmang tase chumi avang chuan hmeichhia chuan a nihna leh a hlutna zawng zawng theihnghilh in P-thian leh ama inkar thil zawng zawng chu a theihnghilh phah vek thei a. Chutiang bawkin hmeichhia pawhin a kawppui/mipa hmaah chuan pawisak nei lemlo in a tisa chakna hrikthlak duhna angina mipa chu thlemin mutpui fo tase chumi avang chuan mipa chuan P-thian a theihnghilh tir thei bawk. Mahse chutiang ni lo vin hmeichhia chu amaha a awm a, a sir lehlam lehlam a hmeichia dangte’n an lo dinpui chuan, chu chuan amah leh P-thian inkara inzawmna awm chu nasa taka tipungin P-thian duhzawng ti turin chakna nasa tak a nei thei dawn a ni.

P-thian chuan a thilsiam zawng zawngte mipa leh hmeichhe chungah chuan intluk tlang vekin zahngaihna/khawngaihna nasa tak a lantir a. “P-thian chuan kan tan hotute, upate leh hruaitute min ruatsak tho mahse amah/P-thian hmaah chuan intluk tlang vek kan ni, kan hmuh angin, Israel mi zawng zawngte nen” (Midrash Tanchuma, Nitzavim2).

Hmeichhiate chuan Beit K’nesetah tihtur/mawhphurhna an neih tlem bik avang chuan an pasalte kal tlangin thlarau thianghlim chu an dawng tihna ani kher lo. P-thian hmaah din anih lai a Hmeichhia/in nupui chung thu a hranga ziah anihna hian min zirtir chu P-thian tawk tur leh be tur chuan hmeichhia te chuan anmahni in theihna an nei ve tih zawk hi a ni. Khana (Han-i) pawh amahin P-thian hmaah dingin nasa takin a thinlung zawng zawng bun chhuakin a tawngtai a. Mipate’n tawngtaina atana an mamawh: Minyan, Tefillin leh Tallit tel lo pawh a, an tawngtai theihna chuan mipa leh hmeichhiate chu kan tawngtaina chu a intluktlang reng ani tih min zirtir leh bawk. Kan tawngtaina a hmun laili ber changtu Amidah pawh a thinlung zawng zawnga Khana tawngtaina atanga siam/remkhawm/zirchhuah a ni.(Berachot31a)

P-thian nena inzawmna tha neih hi a taka ngei hmuh leh tih theih thil ani a. P-thian hmaa kan din chiah hian kan chhungril nihna (keimahni nihna tak tak) chu pholang in, kan thinlung chhungril a awm chu kan bun chhuak thin a ni. Hmeichhia chu P-thian hmaah a din chiah chuan amahin a awma, tuma mitmei veng lova a thinlung chhungril zawng zawng a bun chhuah vek theih chu thiltha tak a ni.

Chutiang taka hmeichhiain a ti thei anih chuan eng ang a lungpui chhah leh lian pawh nise engmah in P-thian a biakna chu a dang thei lo a ni. Keimahni thlarau nena inmil tak tur kan chhungril a awm chu chu rilru tak meuha P-thian kan kohna nen chauh chuan kal dun leh awm dun thei a ni. Chutiang anih hunah chuan kan chhungrilah P-thian chu lo chengin chu rilru tak meuh a kan tawngtaina avanga P-thian nena kan inkara inzawmna lo piang chhuak chuan tunge ka nih enge ka chakna leh enge ka tih theih tih chu min lo hriat chhuah tir dawn a ni.

Source: Bulletin Shavei Israel

https://www.facebook.com/TorahKhawvel


 

Parashat Ki tavo

Posted by Shavei Mizoram on August 30, 2020 at 2:00 PM Comments comments (0)

Parashat ki Tavo

- Itzkhak Kawlni

“Mipui zawng zawng chuan, ‘Amen’ tiin an lo chhâng ang.” (Devarim 27:16-26)

Kar engemaw zat chuang inpuahchahna hrang hrang an neih hnuah chuan Lal ropui takin chu Khawpui a rawn tlawh hun tur ni chu an hnai zel a. Khawpui tihfai leh cheimawi te pawh an zo thawkhat tawh viau bawk in khawpui pawh chu mawi tak duhthusam a lo ni ta a. Lal ropui tak rawn tlawh ni tur chu alo herchhuak ta a. Mipui te pawh chuan Lal hmuak tur chuan an thawmhnaw tha ber ber te chu an ha chhuak hlawm bawk a.

Kopale a nu pawh chu Lal hmuahna tura, a inpuahchahna lamah chuan a buai em em a, naupang harh tak Kopale a chu, a nu chuan lo harh chawng chawng lova, a nungchang fimkhur hle turin in a hrilh mawlh mawlh bawk a. Ani chuan Poster hrang hrang Lal ropui tak loh lawm nan te a buatsaih ve bawk a. Amaherawh chu a nu chuan a fapa harh tak mai vang chuan a ngaih a tha thei thlawt lo. A fapa hnenah chuan In a lo awm zawk mai turin a ngen ta zawk hial a ni.

Mahse Kopale chuan a duh awzawng lo mai a, a nu ngaithla lo chuan, a nu hnenah “Naupang ho te pawh Lal lo hmuah dan tur leh au dan tur te ka zirtir ve a, Lal a lo thlen hunah chuan “Lalber dam reng rawh se” tiin kan au rual dual dual dawn a ni.” tiin a chhang let ta a.

Lal chuan khawpui a lo thleng ta a, mipui in hlim tak leh zahawm taka an lo hmuak, a hmuh chuan a hlim em em mai a. Mahse Kopale a sir a lo ding, harh lo tur leh au a, tlan kawi zawk zawk lo tura in sum hram hram chuan phuar beh ang maia a inngaih rilruk tlat avang chuan, “khawnge Lal chuan na sakawr tawlailir tukver zarna a thil filawr khu lung in kan vawm teh ang.” a ti rilru a, lung chu a la a, a han vawm ta chawt mai a.

Mipui te chu an ngawi ta thup mai a, mak an ti em em mai a. Tu nge zak thei lotak a lal lunga vawm ngam chu le an ti a. Lal chuan na sakawr tawlailir chuan hmalam a pan zel a. A hnunga sipai chuan Kopale naupang chaltlai tak mai chu an man ta a. Lal tan in lam chu an pan pui ta nghal bawk a ni.

Mi zawng zawng chuan a thil tih chu an hmu vek hlawm a, zah lo taka lal chuan na lunga, a vawm avang chuan Rorelna hma a din hunah thi tura a chungthu an rel ngei pawh an ring a ni. Mahse thuthlukna siam anih hma in, a chungthu chu rel a ngai ta a. Beit Ha”mishpat (Court) chuan a chungthu an han rel tan dawn ta a.

Kategor (prosecutor/khingtu) chuan he naupang thil tih hi sual lian tak a ni a. mi zawng zawng in lal, lung a vawm an hmu a, thiam a chang thei dawn lo a ni an ti a.

Sanegor (Advocate/dil saktu) vethung chuan, “He naupang hi naupang fel tak a ni a, Lal hi a tih tak zet in a ngaina a ni.” “Hei hi a fiahna chu a ni, he naupang hian ni engemaw zat khan, Lal hmuhna tur hian a inpuahchah a, naupang dang te pawh “Lalber dam reng rawh se” ti a au turin a zir tir a ni. Lung in lal chuanna sakawr a vawm tih erawh ka pha lo. Amaherawh chu Lal hi tihnat a tum reng reng lo a ni tih kan chiang a, a chhan ber chu a thinlung a harh em em na chuan he thil hi a tih tir mai zawk a ni.” a ti ta thung a.

Edim (hriatpui tu te) te chuan, uluk taka thu kal lam leh hawlam an ngaihtuah hnu chuan, Kopale chuan lal tihnat a tum lova, “Lalber dam reng rawh se” ti a au vak vak te leh a thian te pawh a zirtir a ni tih chu an hriatpui bawk a. Anih chuan Kopale a chuan a thil tih chu Lal chawimawi dan tur a ni bawk si lo, an lo ti ve mek bawk.

Shoftim (roreltu) te chuan thuthlukna siam harsa an ti hle a, thuthlukna an siam hma chuan Lalber ngaihdan an ngaichang ta a.

Lal chuan, “Sanegor thu sawi hi ka pawm a ni.” “Kopale a hian vawi tam tak ‘Lalber dam reng rawh se’ a tih chuan chaltlai tak a ka chung a thil atih a tum lo a ni tih a chhinchhiah na a ni.” a ti ta a. Chutiang chuan Kopela chuan rorelna hmaah chuan thiam chang in tan in atang chuan chhuah zalen a ni ta a ni.

Hetiang bawk hian Yehudi chuan thil sual atih hunah L-LPA P-thian chu duh lova, lunga vawm khum ang mai kha a ni thei ang em?

Engtiang in nge Chunglam chuan he Yehudi hian Torah leh Mitzvot te chu chaltlai tak a, a han duh loh mai le! Tum vang reng a he thuthlung hi a hnawl a ni, tiin thuthlukna an siam thei ang em?

Chunglam Beit Din-ah chuan, Mal'akhim (vantirhkoh) te chuan he Yehudi hian vawi tam tak “Amen, Yehe sheme raba,,,,,” tih thinlung takin a sawi thin a, P-thian hming chu he khawvelah hian a chawimawi a ni, tiin a an rawn sawi dawn a ni tih a ni. “Lalber dam reng rawh se” ti a Kopale in a sawi a, lal in alo hriat ang khan. Mal'akhim te chu thu hretu an lo ni ang a, kan chung thu rel anih hunah thiam channa tur thil kan neih chuan kan thiam thu sawi turin an rawn ding dawn a ni. Chuvang chuan, Ring tak leh tih tak zet a rilu pe in “Amen Yehe sheme raba….” te hi kan sawi thin tur a ni. tiin kan Torah Mithiam te chuan zirtirna min pe a ni.

Source: Bulletin Shavei Israel

https://www.facebook.com/TorahKhawvel

 

Parashat Ki Tetze

Posted by Shavei Mizoram on August 28, 2020 at 6:40 AM Comments comments (0)

Parashat Ki Tetze

- Itzkhak Kawlni

“….P-thian tihna reng reng nei lo vin, in kal hah lai leh in chauh lai khan hnung lam atang an rawn bei chu u a ni.” (Devarim 25:18)

Sokher (Sumdawng)pakhat hi lawngliana takah sumdawng in a zin a. A sumdawnna tur hmun chu ava thleng ta a. Lawng atang a chhuah chiah chuan Sabal (Mutria) pakhat chu au vin, a bungrua te chu phurh sak turin a ngen a. “A hmun kan thlen hunah I phurh man chu ka pe ang che.” a ti a. Chu Sokher chu Malon (Hotel) lam panin kal a, a hnungah Sabal chuan bungraw rit tak phur chung chuan a zui ve bawk a.

An kal zel a, kawng thui ve tak an kal hnu chuan, Malon chu an thleng ta a, Sabal, bungaw rit tak phur a Malon Madregot (Hotel step) a han kal chhuah meuh chuan a hah hle tawh a. Malon pindan luhna bulah chuan a bungraw phur rit tak chu a nghat ta hnawk a. Sabal chuan, ”Eng bungrua nge ni ngai le! a va han rit em em ve?” ti in chau tak leh thaw hlawp hlawp a thu ta hnawk a.

Sokher chuan, mak ti tak mai a en chung chuan, “He thil hi ka bungrua ani reng reng hleinem, ka bungrua chu zang te anih kha!” a han ti a. “Ka bungrua ka kawhmuh che kha I hmu miah lo a ni maw! Kawngkhar bulah a awm kha.” a la ti ta deuh deuh leh ta nghal a. Sokher pa vek chuan, “Ka bungrua chu ka hre chiang a, hei hi chu ka ta a ni lo, ka bungrua te chu zang te an ni a, he bungrua dang rit tak zawk avang hian hah tak leh thlan tla hluam hluam in I awm phah bawk si.. a va han pawi tak em..” ti a.

Hetiang chiah hian, Mi a chu chau hle ang a, a in rin a, Hashem rawngbawlna hlen chhuak tur a chakna nei lova, a in ngaih chuan P-thian tihna a tla chham hle tih na a ni thin.

Chumi awmzia chu, bungrua phurh loh tur zawk a phurh vanga hah a ni. Bungraw dik zawk chu phur se chuan a hah miah lo tur. P-thian in tih tur Mitzot min pek te chu nuam tak zawm thei an ni hlawm si a.

Magid Miduvna chuan, ”Yakov nang chuan min au lova, aw Israel min ning ta a.” (Ishayahu 43:22) tih ziak ang kha hetiang hian hrilhfiana a pe. “Min ningta” tih chuan Mitzvot zawm tur te chu harsa I ti ta a ni. Ti chuan min ko ta lova. Mitzvot te chu hlim tak a zawm lo vin, lunghnur leh thin rim, peih lo chung chung leh chakna tel miah lovin I zawm ta zawk a ni. tiin.

Torah zir leh Mtzvot zawm te chu thil hlim awm leh nuam tak a ni a. A hlutna leh nawmna hriat chuan chauh leh hah na tur a awm lo. P-thian rawngbawlna kawng dik tak chu hlim tak, phur tak leh tuina nen a zawm a ni si.

Chu chu nun danglam BIK na niin, Mitzvot duh taka zawm a, midang te tanpui bawk hi a ni si. Torah zirna kawngah pawh hmasawn zelin, tawngtai na leh mitzvot zawmna zawng zawng te ngaihven bawk in, a tuina tak tak pawh zel hi a ni.

Chutiang chuan ani kan tawngtainaah pawh Hashem hnenah "Veha’rev na" ti a kan sawi thin, I thinlung zawm tur a tuina tak tak chu min hmuh tur in min kuangkuah la, duh tak leh hlim tak a kan zawm zel theihna turin.

Source : Bulletin Shavei Israel

https://www.facebook.com/TorahKhawvel

 

Parashat Ki Tetze

Posted by Shavei Mizoram on August 28, 2020 at 6:25 AM Comments comments (0)

 

Ki Tetze

- Harel Kingbol

Sava tui emaw sava no emaw lak hmaa a pui thlawh chhuahtir hmasak phawt Mitzvah hian Nu nihna dinhmun ropui tak min zirtir a. lbn Ezra chuan nu (sava pui) chu a hnuk/pawimawh hmasaber anih avangin chung ramvak hote pawh chuan zahna pein an thlawh chhuah tir hmasa phawt tur ani tiin a hrilhfiah. “Kal kawnga thingah emaw, leiah emaw, sava bu a puiin a no emaw, a tui emaw awm, a awp lai in inhmuh chuan a no chu a pui chawpin in la tur ani lo va, a pui chu chhuah ngei ngei tur ani a, a no erawh chu in la thei ang: chutichuan in tan a tha ang a, in dam rei dawn nia.” (Devarim22:6-7).

Sava pui thlawh chhuah tir hian awmze thuk tak leh ril tak aneih avangin he Mitzvah hian lawman ropui leh hlu em em mai a nei ani tiin Ramban chuan a sawi a. Kli Yakar chuan he Mitzvah lawmman leh nu leh pa chawimawi Thupek hlen avanga lawmman dawn tur chu a intluk tlang reng ani tiin a sawi bawk.

He Mitzvot pahnih hian min zirtir chu nu chuan nau hring talo se he khawvelah hian nunna a awm chhunzawm zel thei lo ani tih min zirtir a ni. Chu nu ber atanga nau lopiang chhuak a inthlahchhawnna kal zel chuan P-thian- engkim lo chhuahna bulpui chu min chui thlentir a, Amah (P-thian) chu khawvel tan nunna pe tu a ni. Siamtu (P-thian) chu awmlo tase, he khawvel hi a awm reng thei ang em?

Chutiang chu lo ni tase nu leh pa chawimawi pawh chu thiltih ngailo ani mai dawn a ni. Chu nunna pe chhuak hmasa ber tu chuan a zahawmna leh anihna ang chu nu ho zawng zawng hnenah chuan a hlan chhawng a. Chuvangin kan nu leh pa chu zah a chawimawiin sava pui pawh chu kan thlawh chhuah tir thin a ni. Chung Mitzvot pahnih chuan he khawvel hi P-thian siam ngei ani tih min hriat chian tir leh zualin, chumi avanga lawman chu he khawvelah damrei ani reng bawk a ni. Chu chu rinna innghahna pawh chu ani, ziak a kan hmuh angin: “..Mifel erawh chu a rinna in a nung ang.” (Habakuk 2:4). Chu kan rinna avang chuan engkim nunna pe tuah chuan beiin, inzawmna min siamsak a, chuvangin a lawmanah chuan damreina chu ani ta a ni.

Sava pui thlawh chhuahtir chungchang kan chhiar zawh velah chuan inthar sak chungchang sawina thuin a chhunzawm leh nghal a. Kan Torah Mithiamte chuan ti hian an sawifiah a: Miin savapui thlawh chhuah tir Mitzvah hi a hlen anih phawt chuan inthar sak theihna lawman a dawng ang, achhan chu he Mitzvah hian P-thian chu engkim Siamtu leh he khawvel Siamtu a nihzia rinna min pek avangin. (Rashi Devarim22:8)

Rabbi Eliyahu Kitov chuan, engvangin nge Torah hian savapui chu a tui emaw a note te rual chuan lak ve mai a phal loh, mihring mamawhna a zirin savate chu tihhlum thiang ani tho bawk si a. Chumai bakah Torah chuan engvangin nge savapui lakah chauh chuan zahngaihna a neih a, chung a tui emaw a note te emaw chu lak a phal leh tho si tiin zawhna a zawt a? Ti hian a hrilhfiah a, chung sava note emaw a tui emaw te chu mihring ta anni a, achhan chu thilsiam dang zawng zawngte chungah mihring chu roreltu tur a siam kan nih avangin. Amaherawh chu engtin nge sava tui awp lai emaw sava no chawm lai chungah chuan thilsiam dangte chunga rorelna kan neihna chu kan hman chhuah tak ang? Chu savapui no chawm lai emaw a tui awp lai emaw chu a nihdan phung hrim hrimah chuan chung a thil awp emaw a chawm laite emaw chu thlawh bosan lo a enkawl chu a tih tur ani a. Chung a enkawl hote tan chuan amah zawk pawh chu tihhlum emaw lakbo zawk pawh nise pawi chu a ti bik hauh lo vang.

Chuvangin nunrawng taka chutiang thil va tih ringawt pawh chu thil awm tak ani reng em ni? Chuvangin chu savapui pawh chuan a fate enkawl puitling tur chuan theihtawp chu a chhuah a, chu theihtawp chhuah a enkawl puitlin a tumna chu he khawvel siam thatna tura thil pawimawh tak pawh ani, chuvangin sava chu a pui chauh chu thlawh chhuah tir ang, chutia ava thlawh bonaah chuan a chenna tur buk (nest) dangte ava siam leh ang a, ti chuan Siamtu (P-thian) duhdan he khawvel siam thatna tur hna chu a vat i leh thei dawn a ni.

Mihringte chu thilsiam dangte chungah chuan roreltu chu ni tho mah ila, P-thian'in a thilsiam dangte-ah chuan anmahni nihna/pianken zia a dah ve theuh chu zah lo takin kan tih bawrh bang thei chuang lo va. Nu in a fanaute enkawl puitlin ngei a tumna chu P-thianin a thlarau thianghlima he khawvel a awp reng nen chuan tehkhin theih pawh ani bawk ang.

Ramban chuan Rabbi Rechmai lehkhabu Sefer HaBahir bu tan chhanin ti hian Torah hian pa dinhmun aiin nu dinhmun a sawi uar/fak zawk ani tiin a sawi ve bawk a. Achhan chu hmeichhiate chu thil hriatthiam mai theihna (Bina) nen tehkhin annih avangin, chu chu ziak a kan hmuh angin: “Hmeichhia/nu chu finna ti a koh ani a/כִּי אִם לַבִּינָה תִקְרָא”(Mishlei 2:3). [He lai thu hi a tawng tluang pangngai a kan hmuh ang khi chuan אִם tih ani mai a, a lehlinna kan en phei chuan nu tih hming reng reng a lang hauh lo.. mahse a en peih tan heng ho hi en ta ila, Berachot 67a, Bamidbar Raba, Parashat Naso 4, Midrash Mishlei 23 ah chuan אִם (Im)tih khi אמ (Em/Mother) sawina ani tihin hrilhfiahna hmuh tur a awm]. Nu in fanau hring thei turin chakna an nei angin P-thian finna chuan he khawvel hi ni sarihniah chuan a siam pumhlum ta. Chu ni, ni sarihna ni chuan P-thian leh a thlarau thianghlimin min awmpui reng thin ani tih min zirtir a. Chutia savapui kan thlawh chhuah tir chiah chuan chu sava pawh chu Amah Siamtu nen chuan inzawmna nei thar ve lehin a thlahte/a fate chu min hnutchhiah ta a; chu rinna leh thiltha tihna chuan he khawvel hi kan fate (thlarau) tan ani tih leh tha taka kan enkawl chu nu leh pa mawhphurhna a nihzia hriatthiamna chu min pe a ni.

Source:

Bulletin Shavei Israel

https://www.facebook.com/TorahKhawvel

 

 

Parashat shoftim (Yeladim)

Posted by Shavei Mizoram on August 20, 2020 at 5:05 PM Comments comments (0)

Parashat shoftim (Yeladim)

- Itzkhak Kawlni

"L-lpa, in P-thian hmaah chuan hêng thil tenawm lakah hian in fihlîm vek tûr a ni. (Devarim 18:13)

Tum khat chu Minister hian an khaw then awm a va tlawh hian an Mi zahawm zing a mi pakhat chu a kawm a. Mi zahawm zinga mi pakhat chuan Minister hnenah chuan, "I zang a kul ti raw! Ai ti suh. Mi zawng zawng in hnung pawng deuh I nei tih an hre vek a ni." a ti a. Chu minister chu a lunghnur ta hle chung chuan "Teuh lo mai… Ka zang a kul reng reng lo." tiin a chhang let a. "Awle inchawi ila, I dik a, I zang a kulh loh chuan rangkachak buk sangkhat ka pe ang che" tiin mi zahawm tak pakhat chuan in chawiah a cho ta a.

Minister chu a in ngaihtuah a: Lal chuan engvang mah a midang nen Inchawi suh tiin thu a lo chah diam tawh bawk si a. Amaherawh chu a hnuah chu nasa takin ngaihtuahna a seng a. Lal chuan midang nen a inchawi chu phallo mahse ka dik ngei a, ka zang a kul lova, Lal chuan hetiang in chawina mai mai hi chu engah mah angai lovang, a ti ril ru a, "Ka dik zawk chuan Lal tan pawh Sum tam tak ka hlawh chhuak bawk dawn a ni." tiin thu thlukna a siam a, ti chuan inchawi chu a remti ta a ni.

Mi zahawm pa nen chuan an in chawi ta a ni. Ti chuan Minister chuan a kawrchung chu a phelh thla ta a, a zang a kulh tak si lovah chuan chu mi zahawm tak pa chuan rangkachak buk sangkhat chu a pe ta a ni.

Lal hnen a va let hunah chuan, lal chu a lo thinrim hle mai a, "Engvang a inchawi pui nge inih? A hma in kha mi zahawm pa hnen khan kan inchawi tawh a, I kawrfual a phelh tir theih che chuan Rangkachak bung sang nga ka pe ang a, a thei loh chuan a nin min pe ve dawn a ni, tiin. Mahse nang chuan I kawrfual I phelh ta si a, a ni chuan rangkachak bung sangkhat chan mahse buk sang li te chu a dawng ta tho si a, ka inchawi puina leh ka ropuina venhimna kawngah zak takin mi siam a ni." a ti a, a lungawi lo hle a ni.

Chu Minister chuan mifing emaw a in ti a, engtik hunah nge lal thu ngaihthlak tur nih a, engtik hunah nge ngaihthlak loh tur tiin a mah mai in thuthlukna a siam zawk a ni. Lalin engvang mah a inchawi lo tur a tih chu amah chuan hetiang kher kher hi chu a ni lovang ti a, a inchawipui mai ta a, Lal chuan rosum tam tak a chan tir ta bawk a ni.

Yehudim Hashem tih mi te chuan Hasehm in a Mitzvot min pek te chu lungawi takin an hlen mai thin a, hetiang hi Hashem sawi dan a ni a, hetiang hian Torah-ah a inziak a ni, tiin. Engtiklai mah in thil thenkhat te hi chu a paih mai theih ang a, tiin an ngaihtuah ngai lova, hetiang te hi chu Strict vak a ngai lovang an ti ngai hek lo. Hashem aw ka chhuak chu kan ngaihthlak a, Torah ina sawi ang chiah chuan kan zawm zel angai a ni. In tih fing a, fin vervek chhuah loh tur a ni.

"L-lpa, in P-thian hmaah chuan hêng thil tenawm lakah hian in fihlîm vek tûr a ni." ti a ziak ang khan Torah dan te chu kan zawm zawk zel thei dawn a ni.

Source : https://www.facebook.com/TorahKhawvel

 

Shoftim (Parashat Nashim)

Posted by Shavei Mizoram on August 20, 2020 at 4:50 PM Comments comments (0)

Shoftim (Parashat Nashim)

Harel Kingbol

Rabbeinu Bachaya chuan Parashat Shoftim chungchang thu kam keuna atan a, a hmanah chuan “Shalom” chuan Parashat Shoftim zawng zawng a khaikhawm a ni, tiin. He khawvelah Shalom a awm theihna tur atan roreltu ruat turin Torah chuan thu min pe a.

“L-LPA in P-thian'in a pek che u in kulh kawngka zawng zawngah in hnam ang zelin roreltute leh hotute in insiam theuh vang a, mipute ro fel takin an rel sak tur a ni.”(Devarim16:18) Rorelna fel tak awm lo tase mite thil inruksakna leh tualthahna nasa tak awmin chumi avang chuan khawvel hi a awm reng thei dawn lo a ni. P-thian thupek ang taka roreltu tur ruatna avang chuan he khawvel buai a awm mai tur chu tihbo a awmin khawvel chu tha takin a awm reng theih phah a ni. Chu chu tlanna kan beisei thlen tir thuai thei tu a ni bawk. Zawlnei te sawi angin; “Tin, ani chuan hnam tin karah ro a rel ang a, chi tam tak pawh a zilhhau vang: tin, a khandaihte chu leilehna hmawr zumahte an chher ang a, an feite chu theikungah chhumna chem kawmah te an chher ang: hnam dangin hnam dang chungah khandaih an lek tawh lo vang a, indo dan pawh an zir tawh hek lo vang.” (Ishayahu 2:4).

Kan Parasha in thil ropui tak min zirtir chu kan hmelmate nen kan inkarah remna a awm theihna tur atan indona a thlen hmain an in surrender theihna tur atana chance pek Mitzvah niin: “Bei tura khua in va hnaih hun chuan remna thu han sawi phawt ula.” (Devarim20:10).

Rabbeinu Bachaya chuan ti hian a sawifiah a, hmelmate nena inbeih dawn hunah inbeihna a thlen hmaa remna thu sawi phawt tur tih chungchangah chuan eng khua leh ram pawh nise, P-thian thupek anga indona (Milkhemet Miztvah) pawh nise remna thu chu sawi hmasak phawt tur a ni a, mahse Ammon leh Moav hnamte lak ah erawh chuan remna thu sawi loh tur a ni thung, “Anni ho nen chuan remna in zawng tur a ni lo.”(ibid 23:7).

Amaherawh chu anmahni rilru puakchhuak liau liau a inremna thu min lo sawi pui an duh anih chuan (Ammon leh Moav) chu chu kan lo ngaihthlak sak tur a ni. Chuta tanga kan hmuh theih chu chu inremna thiltihtheihna ropui zia chu a ni, P-thian haw em em tute pawh ni mahse anmahni in inremna min lo sawipui duh anih chuan kan lo ngaithla tur a ni. (Midrash Tanchuma, Shoftim 18) Heti lai chang, “Gibeon khuaa awm Hiv-hote tih chauh lo chu Israel-hote nena remna siam khua reng reng an awm lo.” (Yehoshua11:19) atang pawh hian Yehoshua khan inremna siamna turin chance chu a pe vek ani tih kan hre thei a, mahse chu chu an lo hnar mai zawk a ni.

Shalom a awm theihna tur atan Israel mipui zawng zawngte roreltute thuneihna hnuaiah inpumkhat taka an awm chu thil pawimawh em em mai a ni a. “Torah in a zirtir ang che u in, roreltute’n ro an rel chu inpawm anga. Torah dan angaan zirtirna che u chu dinglamah emaw veilamah emaw inpen san tur a ni lo. ” (Devarim 17:11) Rashi chuan ti hian a hrilhfiah a, roreltute thu ang chuan in kal tur a ni a, dinglam chu veilam pawh tise, veilam chu dinglam pawh tise chu chu inzawm tur a ni, tiin. Chu chuan min zirtir chu inremna a awm theihna tur anih chuan ingneih takin kan awm ho mai tur a ni. Hetiang deuh hian kan Torah mithiamte/roreltute chuan thil an lo tisual palh anih pawhin an rorelna/thulukna chu kan pawm mai tur ani tiin.

Sefer HaKhinukh pawhin a sawi bawk. Miin thilsual engemaw alo ti palh a, chumi sawi zui a rel zui vak ai chuan a finna leh a remhriatna te chu zah a hmuh sak tum zawk ila, chute ni lo a mahni ngaihdan ang theuh leh dik ni a kan hriat ang theuh a mimal tinte kan kal chu thil thalo tak a ni. Chuvangin he thu, “thudik/dikna aiin inremna chu a hluin a ropui zawk” tih hi vawng reng ila chu chuan Shalom bayit siamin nupa inkarah pawh inngeihna a thlen zawk a ni. Kan hriat angin P-thian ngei pawhin remna a awm theihna atan Sarah tawngkam chu a tihdang lam kha. (Parashat Vayera)

Maharal chuan thil zawng zawng hlawm khata siamtu chu Shalom ani tiin a sawi. (Netivot Olam, Netiv HaShalom 1) Mi chu midang nen inngeih taka a awm anih chuan engkim chu pumhlum/famkim ani a. Shalom chuan engkim a ti famkim angin kan tawngtaina siddur bu ah pawh nise malsawmna kan sawi ho reng reng chu Shalom chuan a tawp khar vek a ni bawk. He khawvel siamna chu Shabbat ni-ah tih zawh ani a, chu chu Shalom nen chuan a inkungkaih leh a. Chuvangin Shalom bayit awmna turin Shabbat luh hmain bati chhit thin a ni. (Mishna berurah 263:30)

Shalom tih chu tawng dang a kan lehlin dawn chuan Peace tih ani deuh mai a, chu chuan a awmzia/nihna tak tak a phawk chhuak zo lo thin a. Miin “Leave me in peace/thlamuang takin min awm tir teh” ti a a sawi chuan, a awmzia-ah chuan “min tibuai lo la min kalsan teh, keimah a awma thlamuang taka awm ka duh.” tihna lam a kawk a. Chu thlamuanna/shalom miin a duhna avang chuan shalom /peace /inpumkhatna siam lo in thil chu a then hrang zawk tihna a ni. Mahse lehlamah vethung chuan shalom chu famkimna siamtu ani kan ti bawk si, chu famkimna thlentu chuan thil chu engti kawng mahin a then darh thei lo bawk si, chuvangin Shalom kan tih chu tawngdang a kan lehlin dawn chuan a awmzia tak tak a pholang zo lo tihna a ni. Thil engkim siam anihna hian a tum ber chu Shalom a ni a. Chuvangin van/shamayim pawh chu thil inmil lo tak tur mei leh tui hmanga siam ani a. Chu thil pahnih in ep thawk awmdun tir theitu chu Shalom chauh chu a ni. Chumi awmzia chu ziaka kan hmuh angin.. “A hmun sangahte chuan remna a siam a.” (Iyov 25:2)

Torah thupek leh a dan anga kan kal chuan mitinte kawng zawh chu Torah kawng dik nen chuan engkim chu a inzul vek a. Mitinte’n chu Torah kawhhmuhna anga an kal anih chuan keimah leh midangte inkarah chuan inhriatthiam tawnna chu lo awmin, mipa leh hmeichhia inkarah pawh chuan mizia leh rilru in anglo tak pawh ni ma hila inremna chu lo piang chhuakin chu chuan kan thlarau chu dinhmun sang takah vawrh chho vin chumi avang chuan Sh'khina chuan min lo chenchilhin chunglam leh hnuailam inthlunzawmna chu alo piang chhuak thei a ni. Chu chu Rabbi Akiva zirtirna angin, “Mipa leh hmeichhiate thianghlim taka an inneihna avang chuan an inkarah chuan Sh'khina chuan a chenchilh reng thin.”(Sotah 17a)

Source : https://www.facebook.com/TorahKhawvel

 

Parashat Re'e

Posted by Shavei Mizoram on August 10, 2020 at 7:05 AM Comments comments (0)

Parashat Re'e

“…...ah chuan I hlim hle tur a ni.” (Devarim 16:15)

"Moti, vawiin chu Gan Khayot (sahuan) ah kan kal dawn nia aw!" tiin, Moti a pa chuan Moti chu a hrilh a. Moti chu a hlim em em mai a, Sahuan kal chak em em mai chuan a insiam nghal ta sawk sawk nghal a. Naupang Moti a chu Gan Khayot ala kal ngai loh a vang chuan a phur hle bawk a ni. Gan Khayaot chu an va thleng ta a, Ramsa hrang hrang te an va hmu a, a then chu thingkungah, a then chu tuiah, a then chu bawma khung te a va hmuh chuan hmuhnawm a ti em em mai a. "Hei savawm ka hmu…." tiin a pa chu a hrilh a, a bulah Sakeibaknei chu a hmu leh a, entur chuan a tlan phei leh ta nghal a.

A pa chuan, “Moti lo ding la min lo nghak teh, hei helai a, ramsa te hi en phawt teh ang,” a tih pawh chuan, Moti chu a tlan zung zung mai si a, ramsa a hmuh hnuhnung a piang te chu en chak chuan a tlan kual zel a, a hnungah chuan a pa chuan tlan ti tih chuan a um ve zel bawk a. Moti chuan a thil hmuh te chu a hmuh ngai loh thil te an nih avang chuan hmuhnawm a ti em em mai a ni. A hmuh thar a piang mai chu enchak zel in, chiang tak a han en chian chhun pawh chu a nei hman lo a ni.

Chutia ransa dang dang hmuh chak a, a tlan kual lai mek chuan, “Sahuan khar a hun ta e, mi zawng zawng te tun tanga minit 5 hnuahah chhuah vek turin” tiin an rawn tlangau ta mai a. Moti chuan a pa hnenah chuan, "kan la awm rei loh nen aw, hun a va ral chak ve, engmah pawh ka la en chiang hman hleinem" tiin a lung hnur hle mai a. An haw kawngah chuan, Moti pa chuan, "Sakeibaknei hlauhawm zia kha I hmu em? Zawng ho nuihzat thlak zia te kha I thlir ve em? Zebra rawng nalh deuh te pawh kha mawi in mak I ti ve em?” tiin a zawt a. Moti chuan lunghnur tak in, "Engmah ka hmu chiang hman lo, thil dang dang kha a tam si a, ka en chak zel si a, enchiang tak tak hman engmah ka nei lo" tiin a chhang ta a ni.

Mi thenkhat chu Moti ang deuh khan he khawvel an hmachhawn chhoh na-ah hian, duhtawk leh chintawk nei lovin, engtiklai pawh in thil dang neih chak in an awm reng thin a, thil thar dang duh belh leh neih chak reng rengin an hun an hmang thin a ni. Kan tun hun hman mek leh kan thil neihchhun te hi belchiangin hmang thiam ila, kan tun dinhmunah hian lawm dan tawk kan thiam hi a tul em em a, ka chhungkua, ka nupui leh fanau-ah te leh ka thil neih tawkah hian lawma ka lungawi a tul takzet a ni.

Chu chu ka tan a thaber anih vang in. Chuvang chuan Hashem in malsawmna min pek zozai te hi amah faka chawimawi nan hman thiam kan zirin kan hlim pui zel zawk thin tur a ni.

- Itzkhak Kawlni

Source: Shavei Israel Bulletin 

https://www.facebook.com/TorahKhawvel

 

Parashat Nashim Re'e

Posted by Shavei Mizoram on August 9, 2020 at 3:40 PM Comments comments (0)

Parashat Nashim Re'e

- Harel Kingbol

In kutah chuan nangni nen, in fapa te, in fanu te, in bawihpa te, in bawihnu te, in awmna a, awm Levi-ho te, ram dang mi te, pa nei lo te, hmeithaite nen hlim takin in awm tur a ni. (Devarim16:14) Kan Torah mithiam te chuan remna inthawi hlanna hlimnaah chuan hmeichhia te pawh an tel ve ngei tur a ni, tiin an sawi a. (Mishnah Berurah 529:15)

Sefer HaKhinukh (Mitzvah 488) a kan hmuh angin, chu hlimna tih chuan yain in te, thawmhnaw thar a inchei/inbel te, naupang hnenah thei leh an ei duh zawng te pek a hlim taka zai leh lam chu a ni. Chu Mitzva hlen anih lai chuan mi chuan hlim takin; ei leh in, taksa hahdamna leh thlamuang takin a hlen chu chu Mitzvah in a tum bulpui chu a ni. Chung kan Mitzvah kan tih avanga kan hlimna zawng zawngte ama hminga kan tih chu P-thian duhdan niin, chu ama hminga hlimna kan neih avanga lawmman leh a mit hmuhah lawm tlak kan nih theihna turin. Chuvang tak chuan P-thian chuan thilmak min tihsak te leh kan tana a that zia kan hriat chhuah theihna tur atan chung kut hlimawm tak chu min pe a. Chu hlimna hun/kut alo thlen chuan chung mitzvah te chu kan tisa puar leh tlai tak chungin, kan thil neih that that te hmang chuan P-thian fakin a hmaah chuan hlim taka awmin, amah chauh chu engkim min pe tu a ni, tih chu kan puang chhuak thin a ni.

Chu hlimna kan neih hunlai chuan kan hlimna chu kan tisa nawm chenna ringawt ni lo, P-thian hming fak leh chawimawi nana chu hlimna chu kan hmang anih chuanmi chuan enge tihtur ni a, enge tih atana mawi lo tih chu uluk taka ngaihtuah chungin chu hlimna avang chuan engmah bawhchhiat na nei miahlo in hlim takin a awm thei bawk ang.

Rambam chuan mitinte chuan anmahni nihna ang zelin chu hlimna chu an chen tur a ni tiin a sawi a. Naupangte chuan ei leh in (nepnawi) ah hlimna an nei a, mipa (puitling) te chuan hlimna chu sa leh yain hmangin an nei bawk a; hmeichhia te erawh chuan thawmhnaw leh tle reuh hmangin hlimna chu an nei ve thung bawk. (Mishneh Torah, The law’s of holiday 6:18)

Engvangin nge mipa te chu yain leh sa hmanga hlimna an chan laia hmeichhia te erawh chuan thawmhnaw leh tlereuh anihna chhan han en chhin dawn ila. He tisa/taksa hi kan thlarau/chhungril nihna pho chhuaktu ani tiin sawi ta ila. Chu chu kan hriat tlan angin mipa leh hmeichhiate inkarah chuan danglam tamtak a awm a, chu chu hmeichhia chu mipa chhungril atanga siam chhuah niin, (Bereshit 2:23) Hmeichhia te chu chhunglam nihna lam chu awn tam zawkin, mipa ve thung erawh chu pawnlam nihna. Hlimna tak tak nei tur chuan engkim chu a in balance tawk chiah angai a, chuvangin a tira kan sawi pawn lam/tisa/taksa nihna awn tam zawk, mipa chuan chhungril lam thil atang chuan hlimna chu nei theiin; chhungril nihna neitu hmeichhia te chuan pawn lam thil atang chuan hlimna an lo nei ve leh thei chiah bawk a ni.

“Yain chu a luh ril poh leh, finna a chhuak.”(Eruvin 65b) Mi chu yain a in avanga alo ruih deuh chuan a rilru chhungril tak tak chu a sawi chhuak thin. Mipate chuan an mood fuh vak loh lai chuan engkim chu hnar zel tumin engmah an sawi tha duh loh thin.

John Gray chuan “mipate chu Mars atanga lo kal niin hmeichhiate chu Venus atanga lo kal” tiin a ziak a. Mipate chu an rilru hah lai chuan an rilru leh ngaihtuahnate chu puk chhungah awmin an ngaihtuahna ringawt hmang chuan buaina chinfel an tum thin a, chumi anih avang chuan haihawtna leh an nupa inkar thilte chu a theihnghilh awlsam bik thin. Mahse chutiang ni loin yain tlem an in ruih deuh chuan chu a awmna puk atang chuan lo kal chhuakin a rilru leh ngaihtuahna zawng zawng te chu sawi chhuakin a buaina leh a lungngaihnate pawh chu a theihnghilh phah vek thung thin. Chumi hnuah chuan a nupui nen pawh hlim taka inkawm leh theiin hlina chu alo nei let leh thin a ni.

Hmeichhiate erawh chuan mipate angin an lungawi lohna leh thinrimnate chu ngawih bopui ringawt loin tawngkam leh chezia chuan an rilru leh a ngaihtuahnate chu sawi chhuak thei thung. Hmeichhia tana pawimawh ber chu a pasal lak atanga ngaihsakna leh fakna awka chu a ni, John Gray ziah angin, “hmeichhia chuan a pasal atanga fakna awka a dawn tam poh leh mahni inrintawkna leh a pasal tana a hlutna a hriat tam phah zel thin.” Chuvangin nupui tha leh nupui special tak neih duh chuan mahni nupuite fak fo chu thiltha taka lo ni ta a ni. Chu chu a inchei danah te an lawmna tur tawka han fakte, chu chuan amah/hmeichhia-ah ringawt hlimna a thlen lova, chu a pasal fakna awka a hriat avanga a hlimna chuan a pasal tan tha taka rawngbawl duh zelna leh a pasal tih hlim zel duhna a thlen bawk thin.

Hmeichhiate chuan inchei mawi chu an inhmeh bik a. Mipate’n yain hmangin an rilru leh ngaihtuahna an phawrh chhuak ang bawkin, hmeichhiate chuan thawmhnaw mawi an ngaina in chumi hmang chuan an chhungril mawina/nihna chu an tarlang ve bawk a. Halakha a kan hmuh angin mipa chu a tawngtai lai chuan chunglam leh hnuailam thlai hranna atan kawnghren a hreng tur ani tih a ni. (Shulchan Aruch, Orach Chayim 91:2)

Hmeichhia te rawh chuan an thawmhnaw mawi/zahawm tak an inbel reng thin a, Chu an incheina (zahawm taka an cheina/Tzanua) zahawm tak avang chuan chung lam leh hnuai lam thliar hranna pawh chu an tan chuan angai ve lo a ni. Thawmhnaw mawi tak an inbel avang chuan an hlim em em a, chu an hlim em em na avang chuan an chhungril hlimna chu a lan chhuah reng thin avangin.

Talmud (Pesakhim 109a)ah chuan hmeichhiate chuan eng thawmhnaw chuan in nge an hlimna thlen thin tih chungchang a ziak a, Rabbi Yosef chuan Babulon a awm hmeichhiate chuan thawmhnaw rawng hrang hrang inpawlh an ngaihnat laiin Israel rama awm hmeichhiate erawh chuan thawmhnaw a var lam pang an ngaina thung tiin a sawi a. Ram pawna awm, Babulon hmeichhiate chuan rawng chi hrang hrang inchawhpawlh hmanga inchei chu an duh a. Israel ram chhunga awm vet erawh chuan thawmhnaw rawng var simple pangngai chu an thlang thung a. Helai a an duhdan a inan lohna chhan ni thei awm zel din thu a rilru alo lut mai mai ah chuan ram pawna awmte chuan ram pawna awm anni tih lantirna turin rawng chi hrang inpawlh chu an duh ang a, mahse ram chhung, P-thian in a chenchilhna ram a awm tawhte tan erawh chuan simple mawi hnai taka inchei mai chu a tawk. A chhan chu rawng var chuan eng rawng dang pawh mawi takin a milh thei zel thin si.

Chuvangin Israel rama awm hmeichhiate chuan rawng chi hrang inchawh pawlh chu an mamawh ve tawh lemlo ani ange. Mize inang lo mi hrang hrangte hi pumkhata kan awmna avang chuan P-thian chu rilru hmun khat puin kan fakin kan chawimawi thei dawn a ni.


Source: Shavei Israel Bulletin 

https://www.facebook.com/TorahKhawvel

 

Parashat Ekev - Yeladim

Posted by Shavei Mizoram on August 7, 2020 at 7:10 AM Comments comments (0)

Parashat Ekev

I ei a nga I lo tlai chuan I fak dawn nia. (Devarim 8:10)

Mirethei pakhat hian lal in-ah kal ve a duh a, "Lal han biak ve hi ka chak tak meuh a ni." tiin ni engemaw zat chu ngaihtuahna a seng tawh bawk a. "Ka hrehawm tawrh na zawng zawng te, eitur ka tlak chham thu te leh ka naupan lai pawh a harsat na ka neih te hi va hrilh ta I la, lal chuan pawisa tlem a zawng min ve in ka buaina hi min chin fel sak thei ngei ang," tiin.

Chu mirethei chuan Lal in luh chu thil awlsam a ni lo tih a hria a, Lal in chu vengtu tam tak an awm a, phalna tel lo chuan tuma luh phal a ni silo. Kulh kawngkhar pawn zawk pawh chu pal tlang theih nimahse la, chhunglamah vengtu an la awm tho si a, a tan chuan han luh theih na chi a nilo tih hre chiang hle a ni.

Engtin nge maw ka tih ang le? tiin beidawng tak chuan a awm ta a, lal in chu a lut thei dawn lo ngei a ni tih a ring nghet ta tawlh tawlh mai bawk. A rilruna chu a tap a, amah leh amah chu a inhnem hram hram ta zawk a. Chutiang a suangtuah na dang hrang hrang a han sawm khawm leh hnu chuan Lal in a luhruk dan tur chu a ngaihtuah ta tho tho mai.

Ni khat chu thuthlukna a siam ta a, Lal in chu ka lut ang a, Lal chu ka hmu tho tho teh ang, tuman min dang thei tawh lo vang, tuman min chelh in. min tibuai tur a ni lo, tiin. Lal in lam pan a, lal hmuh ngei chu a tum ta bur mai a ni.

Lal in lam chu a pan ta a, misual thil ruk tum ang mai in, ngawi reng in, a tlan zeuh zeuh a, a biru zel bawk a, vengtu te chuan an hmu a, an um zui ta a, a ni lah chu chak taka tlan in Lal awmna lam chu a pan zel a, vengtu ten an va umphak chuan lal awm na hmun chu a lo thleng ta der mai a.

"Lalpa hi ka pe duh a ni." tiin chu mi rethei pa chu ring tak in a tap ta a. "Chhuak nghal rawh heta tang hian" tiin sipai ho te chuan thu an lo pe ve mek bawk. Chung authawm ri chu lal chuan a lo hre ta a, "Ngawi teh u, hetiang a min biak duh vang hian theihtawp a rawn chhuah a, minit nga tal a duh zawng sawina hun ka pe ang e." a ti ta a.

Chu mirethei chu a lawm ta em em mai a, lal hmaah chuan a duh zawng a han sawi tan ta ,a "Lalpa zahawm……. Ka ngen che chu… pawisa ka nei lova, ka fa te tan pawh chhang lei tur ka nei hek lo…. Ngawi lawk teh aw," tiin mirethei pa chuan a thusawi a tawp ta thut mai a, lalpa luhkhum chu chiang takin a han en a, "I lal lukhum a lunghlu chu a va mawi em? khawi a in lei ngei ni le?" tiin a han zawt thut ta mai a.

Lal chuan mak ti tak mai chuan,"hetiang ngaihtuah hman I ni lo, hun tlem te I nei a, I duhzawng I dil chu sawi vat mai teh, tunah hian I tan hun ka insiam hi." a ti let a. Mirethei pa chuan, "Aw a dik e, thil ka dil duh che a ni ka fa te tan tunah hian a dam lo bawk a……(a hawi kuala, in chhung a thil mawi tak tak te a han hmuh chuan) I in chhung bungrua te chu a va mawi em em ve le aw… sawng sava tukverh bul awm te pawh saw enge ni an tih ni he hmun han ropui zia hi aw hetiang thil hi ka la hmu ngai reng reng lo!" tiin mak ti tak mai chuan a thusawi tum ber pawh chu a sawi hlei thei lo leh zel a.

Lal chuan chu mirethei pa in a hun hlutak a hman tangkai loh leh thil dang a ngaihtuah zel mai tih a hriat chuan a sipai te hnenah chuan a dil na pawh chhan sak lo chuan a lak chhuah tir ta zawk a ni.

Birkhat HaMazon-ah. Minit rei lo te chhung Hashem kan mamawh hrang hrang dilna- chhungkaw chawmnaah te, eizawnnaah te, malsawmnaah te, tlanaah te leh thil dang hrang hrang chipchiar takah dilna hun kan nei a, lawmthu te nen. Mahse he hun hlu tak chhung te pawh hi mi thenkhat chuan hmang tangkai lo vin, Birkhat hamazon sawi lai te hian thil dang hrang hrang ngaihtuah a rilru pe miah lovin kan suangtawhna te chu kan lenkual tir in chutiang chuan kan sawi ta thin a ni. Hetiang a han tih chu a mak in a hlawkna a awm lo a ni.

L-LPA P-thian he khawvel Lalber hnenah thil kan dil anih chuan theih pa tawp a rilru pe a, thinlung zawng zawng a ril a, kan dil lai pawh a rilru pek hi kan tih tur a ni a, chutiang a kan tih chuan kan dilna te a lo ngaithla thin a ni.

Itzkhak Kawlni

Source: Shavei Israel Bulletin

 

https://www.facebook.com/TorahKhawvel ;

 

Parashat Nashim Ekev

Posted by Shavei Mizoram on August 7, 2020 at 6:55 AM Comments comments (0)

Ekev

Harel Kingbol

Parashat Eikev-ah chuan Juda mipuite’n Mitzvot te kan zawm chuan malsawmna kan dawn tur thu kan hmu a. Chung malsawmna zinga a hmasaber chu fanau malsawmna niin: “Tin, heti hi ani ang a, heng rorelte hi inngaihthlak a, in zawm a, in tih avangin L-LPA in P-thianin in pi leh pute khawngaihna chu in chungah a nghat ang a; a hmangaih ang che u a, mal a sawm ang che u a, a tipung ang che u; pek tura in pi leh pute hnena chhia a chham ramah chuan in rila rah leh in lei rah pawh mal a sawm ang, in buh te, in uain te, in hriak e, in bawng no leh in beram note pawh.” (Devarim7:12-13)

Israel fate’n malsawmna a nihdan tur ang taka kan dawn theihna tur chuan chhungkaw tin te’n Torah pawmpui tu leh a zawmtu kan nihna kan tarlan a ngai a, chutiang anih chuan grape rahbawr tha tak ang main malsawmna chuan min hual reng dawn a ni. Torah chuan malsawmna chungchang sawi chhunzawm zelin, “Hnam dang zawng zawnga malsawmna dawng nasa ber in ni ang a; in zingah a hmei apa ching reng reng an awm lovang, in ran zingah pawh.” (Devarim7:14)

Ti chuan kan tunlai khawvel lo en ta ila, khawvel thiamna leh finna kawng hrang hrangah P-thian in a sawi malsawmna te chu kan chungah alo thleng mek zel ani tih a taka hmu tu kan ni a. Mahse chung malsawmna te chu bo mai lo tur leh dawn chhunzawm zela, a aia ropui leh tha zawka chung malsawmna te chu kan dawn reng theih nan Mitzvot reng rengte chu tha leh zuala kan zawm zel a pawimawh bawk a ni, achhan chu kawng hrang hrangah malsawmna tamtak kan dawn rualin nupa fa nei theilo te, buaina chi hrang hrangte kan la nei ve reng tho a ni.

Heng khawvel thiamna leh finna te chuan sang em em pawh ni ila, chung malsawmna kan dawnna hnar leh a bulpui ber chu Mitzvot tha taka kan zawmna te leh kan tawngtaina te hi a ni tih kan theihnghilh tur a ni lo a, chung thilte chu tun aia tha leh zuala kan zawm anih chuan malsawmna hlu ber mai fanau malsawmna pawh anihdan ang takin kan dawng thei dawn a ni. Amaherawh chu tawngtaina leh mitzvot thlahthlam lo a kan tih rengna piah lamah chuan hlawhtlinna chang thei tur chuan mihringte tumna leh beihna a ngai vetho ani tih ka hre tel bawk tur a ni. Tichuan kan tawngtaina te leh keimahni mihringin kan tumna chu thawk rualin kan thiltihna kawng engkimah chuan malsawmna chu tha leh hnianghnar takin kan dawng thei dawn a ni.

Ching (fa nei thei lo) tih chu Hebrew chuan Akar ( עקר) tih a ni a, chumi awmze dang chu pawt phawi emaw nuai bo tihna ani leh bawk a. Chumi awmzia chu a hmei apa (tawngtaina) nuai bo an awm lo ang a, in ran zingah pawh. Enge ni Akar (ching) leh In rante tih chu a inkungkaihna?

Shach chuan ti hian a hrilhfiah a, mihring chu ran ang leka in ngai a, inngaitlawm taka, a awm a, P-thian-ah a innghat tak meuh anih chuan a tawngtaina te chu engmah nuaibo leh theihnghilh awm lo vin P-thian hmaah chuan a awm kumkhua reng ang. He khawvel hnam dangte’n hlawhtlinna an chan dan leh keini Judate’n hlawhtlinna kan neih theih dan hi thil danglam a ni, tiin Malbim chuan a ziak a.

Ni e, tunlai khawvel thiamna hmang pawhin fanau chu a hrin theih tawh alawm, chuti anih chuan enge P-thian in ruahmanna a siamte chu kan mamawh tawh kher em ni? Tunlai science thiamna hmanga (In-Vitro Fertilization) nau a nei thei tawh anih si chuan P-thian thilmak ropui tih thinte chu engmah ani ta lo em ni? P-thian tanpuina leh awmpuina tello pawhin fanau kan siam thei tawh anih chuan mihringte chu P-thian ang deuh thaw kan ni tawh mai lo em ni?

Chung zawng zawng chu thil dik lo a ni. Khawvel thiamna hmangin in rai tir theih pawh ni mahse, chung thiamna hmuchhuak tu hote ngei pawh chuan eng chi ber hian nge note chu siam chhuak tu tih emaw enga ti nge hmeichhia chu rai tir chawp a ngaih, a a pasal atanga direct a chi a dawn chuan a rai thei silo a, indirect a tih rai chawp a ngaihna chhan chung zawng zawng te chu achhanna an pe thei chuang lo a ni. Chu hmeichhe lo rai theihna tur stage tinah chuan hlawhtlinna chang tur chuan P-thian malsawmna ala ngai tho tho a ni.

Tunlai khawvel thiamna thangchho zelah thil engkim deuh thaw tih thei alo ni ve ta zel a, chumi avang chuan P-thian mamawhna leh a tanpuina a ngai tawh kherlo tiin mi chuan ngaihdan leh rindan pawh a nei thei ang. Mahse chu khawvel thiamna leh finna zir chhuak thei tura finna pawh chu khawi atanga lochhuak nge tih te uluk taka ngaihtuah zelin, atir a kan sawi tawh ang khan kan rinna zawng zawng P-thianah nghatin P-thian chauh chu thilmak thlen tir theitu anih tih kan hrereng ang a, chumi P-thian kan rinna leh kan tawngtaina te mai bakah chuan keini mihringte pawhin hlawhtlin na hmu turin keimahni ngei theihtawp in kan thawh ve a ngai bawk a ni. Tichuan chung kan tawngtaina leh kan thiltha tih zawng zawngte chu P-thian chuan lo hria in min lo ngaihthlak sak sela Israel hmeichia fanau nei thei lo zawng zawng te hnenah chuan thilmak lo thlen tirin fanau tamtak malsawmna lo dawng rawh se.

Source: Shavei Israel Bulletin 

https://www.facebook.com/TorahKhawvel ;


 

Ṭhian chhan thih ngam mi tlawmngai Menashe hnam pasaltha te

Posted by hakhokhma on August 2, 2020 at 9:05 PM Comments comments (0)

India hmarchhak kilkhawra awm Zofa te inchhuan pui fona leh hnam dang tawng pawha leh chhuah fak a harsa kan tih thin, thu mawi leh hlu tak "Tlawmngaihna" kan tih chu a thu mai ni lo atak ngeia kan pi leh pu Menashe hnam ten an ram luah tur Kanaan ram an sah laia an lo changchawi dim diam tawh dan chungchang thu tun tumah chuan chhui kan tum dawn a ni.


Tlawmngaihna hi eng tihna nge tiin in zawt ta ila, kan chhan dan a hran nual maithei a ni, a thenin ei tur kan inpek ten kan duh reng pawh duh lo ang taka langa a ngai lo e, tia tan der ang te, a thenin, thlan laih nikhua a a lai tam tu, a thleng hmasa tu, emaw, chhiat ni that ni a, lang tam emaw, khawi lo vah chhuah nia Bus chuanna ah te tar leh upa, hmeichhia te seat ken ching te hi mi tlawmngai chu an ni e, an ti maithei a ni. Mahse, chung chu kan hmuh phak, kan tawn hriat te anih maitheih vang ani a, tin a bik takin thangthar zingah phei chuan Thian chhan thih ngam te hi mi tlawmngai te chu an ni pawh ti se, chung chu tunlaiah ataka hmuh tur zen zen a awm tak meuh loh avangin an tan chuan a awmzia hriatthiam pawh ahar lu deuh maithei a, mahse an mawh hran lo ve.


Torah (Bible) ah Number bung 32 na kan chhiar chuan Reubena leh Gada thlah hnam hnih te chuan Puithiam lal Elazara te, pungkhawm ho puipa te hmaah an hruaitu Moshe hnenah Ran rual an ngah chu chhuanlamin Kanaan ram chu lut lova Jordan ral ran vulh nana hmun tha tak chu an ram chanpual tur atan dilin Jordan ral chu kai lo mai turin an va dil thu kan hmu a, Chu an dilna thu zet chuan an hruaitu Moshea lung a ti awi lo tak zet a, ani chuan, "In unau te indonaah an kal ang a, nangni chu hetah hian in lo awm mai ang maw?" tiin, a zawt let ta khauh mai a.


Chu veleh an ni chuan inthiam lov takin chutiang ani love, kan unau ten an ram chanpual tur an neih kim hma chuan kan mipa ralkal chin zawng zawng te chu inralthuam vekin an hma kan hruai sak zawk ang, tiin an sawi ta a, Chutianga an sawi ang chuan Moshe chuan Puithiam Elazara leh Yehoshua hnenah chuan ram in va thlen hunah chuan Heng hnam hnih Reubena leh Gada thlah te hian in hma hruai sakin an inralthuam loh chuan an dil ang Jordan ral ram hi in pe tur ani lo tiin thu a pe ta a ni.


Chutiang ang chuan heng hnam hnih te hian Jordan ral ram an dawn theihna tur hian kum 7 chhung zet an mipa ralkai chin zawng zawng te chuan an unau Israel hnam dang hote ral an dopui hmasa dawn ta tihna a ni.


Amaherawhchu, thil mak deuh chu hemi bungah tho hian bung 32 na chang 33 na ah hian hetilai Jordan ral ram pawh dil ve lem lo tu Menashe hnam zatve te tana Moshea hian ram a pek ve thu kan hmu tel tlat a ni.


Heti lai Number bung 32 na bung tluan kan chhiar chhuah pawhin Joshua bung 17na chang 1na a kan hmuh angin Menashe hnam te chu indo mi ni mah sela, heti lai ram an neih tel ve na tur hian Reuben leh Gad hnam mipa te angin heti lai Jordan rala ram pek Menashe hnam zatve mipa te hi indona a tel tura phut an ni ve miah lo a ni.


Amaherawhchu, kan pu te Menashe hnam pasaltha te chuan chutianga an unaute ral dova kum 7 ngawt ram mua an thangbo hlana mahni in lum tapchhak lai zawla nupuite bai chhuan kianga thingpui sen no dawm chunga in lama lo thangchhuah ve ringawt chu an tum bik awzawng lo mai.


Joshua bung 22 na kan chhiar chuan, an ral do te an zawh fel hnu chuan Reuben hnam pasaltha te, Gad hnam pasaltha te leh Menashe hnam zatve pasaltha te hnenah an intiam ang takin an hlenchhuah tak avangin an ram lam Jordan rala an nupui fanau te hnena kir leh tawh turin thu a pe a ni. Hetah hian Menashe hnam zatve pasaltha te an tel ve ta chiang a, chumi awmzia chu indona a telve tura intiamkam leh phut an ni ve lo nachungin lu chhum ban chhum huama Israel hnam pasaltha te ral hmatawng atan an mahni Pasaltha tlawmngaihna liau liau avanga an tel ve thu ka hrethiam thei ta a ni.


Tin, chumai ani lo, he bung hi kan chhiar chhunzawm zel chuan a chang 7 na chhovah chuan Joshua chuan Reuben leh Gad hnam tel lova a hranpaa abiak thu leh mal tha bik a sawm thu kan hmu tel bawk a ni.


Amaherawhchu, he a malsawmna kharna ah hian thu mak deuh mai a zep tel a, chu chu, "In hmelmate laka in rallak te kha in unaute nen insem tlang rawh u" tiin a sawi tel kher a, hei hi a mak khawp mai, in unaute a tih hi tute nge ni ta ang le? Menashe hnam zatve dang ram chhunga ram nei te kha em ni ang le? Mahse , an ni te chu an ram sah kuak na turin indona ah an tel ve tho si a, an nite kha ni ta ang se chuan rallak chu chan hnih an dawng bik dawn tihna ani a, chuvangin an ni kha chu an nih a rinawm loh a ni.


Ni e, Deuteronomy bung 3na chang 18 na a kan hmuh angin, Jordan rala ram nei ho hnam hnih leh a chanve te zingah a hnam hnih Reuben leh Gad ho te chuan an lo intiamkam tawh leh phut an nih angin an mihuaisen zawng zawng ralkai chinte chu indona ah hian an tel ve vek a, chuvangin an ram lama an in leh lo ran rual te, an nupui fanau te venghim tur pawhin an pasaltha te tumah an inhnut chhiah thiang ta lo a ni. Chuavangin, heti lai rama ram nei ve Menashe hnam pasaltha te ho chu Menashe hnam zinga a zatve chauh pawh ni mahse, intiamkam leh phut an nih ve miau loh avangin an ral do dan turah an mahni tlawmngaihna liau liau hmangin a zatve te chu lu chhum ban chhum huama ral do hmatawng tura feh chhuakin, a zatve dang leh te chuan heti lai Jordan rala hnam hnih leh a chanve te ram venhim hna chu an lo thawk ve thung a ni.


Tichuan, chung Menashe hnam pasaltha zatve zahve lehte chuan venhim lam hna in lamah an thawk ta a, ral dova chhuak an nih ve miau loh avangin rallak engmah khawm tur an nei ve ta lo va, chuvangin Joshua chuan an unau ral ram Kanaan rama cham mek haw mai tur te hnenah chuan in lam an thlen huna an unau venhim hna thawk tu Pasaltha te hnenah chuan lungrual taka an rallak te sem ve turin a ti ta tihna a ni.


 

Tin, Zawlnei Shmuela bu 1na bung 30 na ah pawh , heng hnu daih Israel ten Lal an neih hmasak ber Lal Shaula leh afapa te ruang chu Beit Shean kulh bangah an hmelma Philistia ho ten mualpho takin an khai thu an hriat ve leh, Yavesh Gilad hmuna cheng an pi leh pu te chen atanga thian chhan thih ngam Menashe hnam pasaltha te chuan a zan a zanin an awmna hmun hla tak atang chuan zu la in, an unau an mi leh sa te ruang chu ral ram hmun hlauhawm leh an nunna hial tana hlauhthawn awm ah pawh ni se, riah lovin an zuk senghawi thu kan hmu bawk a ni.


Hetiang taka thian chhan nana thih ngam mi tlawmngai hnam pasaltha te thlah kan lo nih vang hi nge, keini Menashe hnama inchhui zofa te hian kan pi leh pu te chen atanga kan lo inchhuan pui em em thin "Thian chhan thih ngam mi huaisen tlawmngai" tih thu te hi kan lo vawn ve khauh mai le.

 


Rss_feed