Oops! This site has expired. If you are the site owner, please renew your premium subscription or contact support.

Forum

Post Reply
Forum Home > Mipuite zawhna hrang hrang > Ar thin kosher dan chungchang

hakhokhma
Site Owner
Posts: 40

Itzkhak Hmar (Afula): Hei vawiin (Shabat Naso) ah kan inhnial a, Ar thin kosher dan chungchang ah a nia. Heti laia an lo hriat dan ah hian Ar thin chu tuiso a chhumin a thisen a ti khang vek a, tichuan meia rawh kher lohvin a ei theih an ti a, ka hriat thin danah khan meia rawh hmang chauha kosher theih tih kha ani a, hemi chungchang hi min hrilh fiah thei em?

 

HK: Sa thin hrim hrim hi kosher dan dang a awm lova, meia rawh hmang chauhvin a kosher theih a ni, chu chu 'Tsli' tia koh a ni a, i zawhna bik ah chuan Ar thin a nia, rawh hma hian a mit (mara) chu hleh thlak tur a ni a, tichuan, tui daiah darkar chanve vel dah tur a ni a, chumi hnuah chuan Sefardim te chuan a ngil zawngin an thai thler kher thin a hei hi 'Shti' tia koh a ni.

 

Tichuan, meia rawh anih lai hian chi tlem phul tur a ni a, tichuan, meia kan rawh lai hian a mei hliau lam zawng chu a hmin tawh awm velah leh tur a ni a, tichuan, i hliau thar lam pawh chu a hmin hun ah a lakchhuah theih tawh ang.

 

Chumi hnuah chuan vawi thum sil fai tur. (thil danga kan siam dawn chuan kan/chhum/rawt... vawi 3 sil ngei ngei tur a ni a, mahse, siam danglam tum lem lovin hetia rawh hmin maia kan ei dawn chuan Sefardi dan ah chuan sil kher a ngai chuang lo. Ashkenazi danah chuan vawi 3 sil hrim hrim tur.)

 

Hetia meia kan rawh hian Reshet (thir len) hmang emaw, tulthir hmang emawin a tih theih a, mahse, hei hi Ashkenazi chuan - rawh zawh hunah hian a thirlen emaw, a tulthir hi 'Libun' hmanga kosher leh tur.

 

*Sa thin hi thil dang nen kosher rual thiang a ni lova, thlai lam emaw, sa ti dang emaw ruala kosher loh tur a ni.

 

*Mei tih hian meiling pawh a kawk a, tin, Tanur (thil ur hminna) ah leh Plata hmang pawhin a Kosher theih. Tin, kan kosher lai reng reng hian a inthuahin dah loh tur a ni.

-----------------------

*Tanur a kan kosher dawn a nih chuan, thil chi 3 hriat tel angai a, chungte chu;

(1) a thisen far thlak na tur Tavnit (ur thleng) bik a hnuaiah kan dah tur, chu chu thil dang atan hman thiang ani tawh lo, kosher (Libun) leh loh chuan.

(2) Tanur chu sa tak, a lo berah 150 degree a saa lo on sa tur.

(3) Sa thin dahluh anih atang hian a chhin (kawngka) chu tlem hawn tel tur.

----------------------

*Plata (thir phek sa) hmanga kosher dan- Plata han tih hian Shabat nia kan hman thin ang Plata hi a ni lova, he Plata hi 150 degree aia sa thei ang chi a ni.  Hetiang Plata hmanga kan kosher anih chuan kan kosher lai hian a awna dah tur a ni, hei hi a thisen chhuak chu a luan chhuah theihna tur atana tih a ni.

---------------------------------------------------------------

 

*I zawhna ang khi 'Khalita' Tuiso hmanga tih khi 'Lekatkhila' (a pangai hrim hrima) tih thianglo a ni a, khitiang a kan lo ti palh anih chuan, 'Bediavad' ah chuan, kan lo ti palh taa kan siamthat leh dan tur chu, Ashkenazim- rawh tur ani a, mahse a bel chu 'Hagala' hmanga kosher tur. Beit Yosef- A thin chu ei theih ani a, mahse a bel chu Hagala tur.  Geonim ho chuan - a thin chu paih tur, a bel chu 'Hagala' tur.

 

Chuvangin, hetiang tuiso hmanga in lo ti palh tawh a nih chuan in tihna bel kha 'Hagala' hmangin kosher vat rawh u.


Read more - click here

 

 

June 2, 2012 at 6:55 PM Flag Quote & Reply

You must login to post.