Forum

Post Reply
Forum Home > Mipuite zawhna hrang hrang > Leil Seder ah Jentel mi hmanpui a thiang em?

hakhokhma
Site Owner
Posts: 40

Avidan Ehynpzx Israel: Pesakh kut chhung hian mikhual jentail mi neih phal anilo tiin ka lo hria a, mahse, entir nan.... kan chhungte, kan cousin ang te (a bikin hmeichhia) judaism ni ve silo kan lo awmpui ta a, Pesakh chhungin kan kal bo tir dawn nge? kan la awmpui reng tho dawn? Hemi chungchang hi a ranglam in min hrilh thei ang em?

 

Jevulun David: Leil Seder dawhkankil tur chuan serh tan a ngai ani lawm ni? he kut Pesakh hi israel fate tan chauh a hmang tura thu pek ani em?


 

HAKHOKHMA : In zawhna hi zawhna tha tak a ni e, engpawh nise, hetiang zawhna hi Harav Yuval Sherlo hnena zawhna an zawh naa a chhan dan ang chuan, "Leil Seder zanah Jentel mi mikhual emaw, kan thiante (jentel mi) chaw ei pui hi Halakha danah thian lohna a awm lo, a ti a, tin, Rabbi lian thenkhat chuan Juda te thil tihdan mawi chu lanchhuah tir nan hemi zan hian Jentel mite chaw eiah an sawm kher thin bawk.

 

   Tin, mi thenkhat chuan Leil Seder chu Juda te thil bik anih avangin Jentel mite Leil Seder dawhkan ah thutpui an duh lem lo a, mahse hei hi Halakha ani lo a ni.

 

    Engpawh nise, Harav Barukh Belizinski chhanna ah chuan, mimal in angah chuan a theih hram chuan Jentel mi chaw eia sawm loh a tha a, mahse HaRebi Miliobavits-a thupek angin ram pawnah emaw, a huhova hmanna ang hmunah chuan he Leil Seder a lo tel duh apiang chu tumah eng sakhua nge an nih tih lo zawh buai angai lova, chuvangin a lo tel duh apiang chu lo welcome tur a ti a, mahse, chutiang anga Jentel mi kan Leil Seder naa an lo tel dawn chuan, 'Arba Kosot' (wine no 4) ami tur Wine kan hman tur chu wine chhum ang chi (Mits Anavim) a percent awm lo ani tur a ni a, hei hi 'Yain Nesekh' (milem be wine) chungchang dana kan filhlim theih na tur atana tih a ni.

 

    Hnam dang leh Serh tan lo ten an ei ve theih loh chu 'Korban Sa' ani a, chu chu Temple awmlaia 'Mitsvah' zawm theih chauh ani a, chuvangin, tunlaiah he dan hi a zawm thei tawh rih loh avangin, Tunlai ah chuan Leil Seder kan tihnaah Jentel mite an tel ve thei a ni. He thu hi Shmot 12:46 naah a inziak a ni.

 

   Tin, He 'Korban sa' hi a rual/huho ten an ei khawm thin a, hetia eikhawm naah hian inGiur ten an mahni chuahvin a hlangin an ei thiang lova, chuvangin, tunlai thleng hian he Halakha avang hian mi inGiur ten a hrangin an mahni pual bik chuah inkhawmna Kavua tur atan Beit Kneset bik an nei hrang thiang lo a ni.

April 5, 2012 at 11:25 PM Flag Quote & Reply

You must login to post.