Forum

Post Reply
Forum Home > Mipuite zawhna hrang hrang > P-thian engzat nge kan neih?

hakhokhma
Site Owner
Posts: 40

Q - Lalreuvena Darngawn:- Mi nen kan inhnial a, isua chungchang ah,kei ni Juda te hian P-thian pakhat chauh a awm kan ti si a, an mani Kristian te hian isua hi pathian ani ve tho an ti si a, eng tin nge kan chhang let dawn?


Ans - HAKHOKHMA :- Exodus 20;3 - Keimah lo chu P-thian dang reng reng i nei tur a ni lo. tih inziak atang hian, amah Lalpa P-thian chuan P-thian dang kan biak tel a phal loh thu kan hmu thei a, he thu hi ,Thupek sawm, number 2 na ami ani e,, an mahni pawh chu an dik tho a lawm, achhanchu, Kristian chuan Pathian pathum (3) an nei.. keimahni Judate chuan pakhat (1) chauh kan nei .


   Tin, Chirstian ten Isua hi Pathian ve tho an tih thin nachhan chu,, mi nung pakhat chhunga mi 3 awm ani e tiin Trinity an ring a , chu chu "Pa leh Fapa leh Thlarau thianghlim" an ti a, mahse, Isua khan a dam laiin Lei atang khan P-thian hnenah a tawngtai an ti si a, chuti alo nih chuan, Isua (Fapa an tih a chu) Van a P-thian hnena a tawngtai chuan, an darh ta nuaih tihna niin, mi nung pakhat chhunga tawm khawm an ni lo tihna niin, Isua (Fapa) an tih a pawh chu, Pathian anga an ngaih chuan,, Chirstian te chuan Pathian pathum (3) lai an nei tihna ani a, tin, Deuteronomy 4;15 "Pathian siam chawp a pa ang emaw, a nu ang emaw  te siamin in intichhe dah rual ange" tih thu kan hmu bawk a, chuti anih chuan, Chirstian te chuan Isua chu Pathian ani a, fapa angin a inlar mai chauh zawk alawm an ti a, chuti anih chuan an Pathian (Isua) a pa (gender) angin an ngai tihna aniin, amah Lalpa P-thian thupek dan kalhin an Pathian an siamchawp tihna ani a, chuchuti anih si chuan, an tan chhan ve fo Juda te Bible nen chuan a inkalh ta tlat tihna ani , chuvangin, Chirstianna chu Juda te chuan 'Avoda Zara' (phuah chawp pathian mak / milem) be tu ah kan ngai a, chuvangin, inhnial pui nachhan tur a tam vak lo.


   I inhnial pui pa nen chuan, inhnial mah ula,, in thu rin dan leh in Sakhua a inang loh avangin, in inhriatthiam tawn a ngai , chuvangin, nang chu Kristian i ni a, Pathian pathum i nei (Pa leh Fapa leh Thlarau thianghlim) ti la, mehse kei mahni (Judate ) chuan Bible hi a takin , a ziak anga kan rin avangin, Bible a a inziah angin P-thian pakhat (1) chauh kan nei ti rawh..

Lalreuvena Darngawn:- ok , toda.

 

NB:  Tin, P-thian chu Siamtu / Engkim ti thei a, kan ti si a, chumi awmzia chu, P-thian chu Pakhat chauh ani tih a chiang ani, achhanchu, Pakhat aia tam anih erawh chuan, Engkim titheia emaw, Siamtu ani kan tihna chuan awmzia a nei thei dawn lo tihna a ni.

     Hetiangin; Siamtu chu 2 lo nita ang se, khawvel leh a pawna thil zawng zawngte hi lo siam dun ta se, khawvel leh a pawna awm siamtu ti chuah emaw chuan a dik thei maithei, mahse, engkim siamtu anih theihna tur chuan, an pahnih zinga a pakhat zawk zawka kha a pakhat zawkin a siam a ngai dawn tihna ani a, chuvangin, pakhat zawk chuan pakhat zawka chu a siam chuan, Engkim Siamtu (P-thian) chu pahnih emaw a aia tam 3 emaw an nih theih ngaihna a awm lo hrim hrim a ni.


   Tin, Engkim ti theia ani kan tih bawk chuan, pakhat aia tam lo nita ang se, a chunga mi ang chiah khian khawvel leh a chhung leh pawna awm zawng zawngte hi an pahniha an tih vek ni ta ang se, khawvel leh a pawna awm te hi an pahniha an tih ani e, tiin kan sawi thei ngei ang, mahse, Engkim ti theia a nihna tur chuan, pakhat chuah anih a ngai dawn ani, chuti lo chuan, a pakhat zawka khan a pakhat dang zawka kha ama tih a nih chuan , a pakhat zawka kha engkim tithei ani lo tihna anih chu.  Chuvangin, a chunga kan hmuh ang khian Bible ah P-thian chuan "Keimah lo chu P-thian dang reng reng i nei tur a ni lo" atih atang khian , P-thian chuan amah chuah lo thil dang reng reng chu an famkim loh avangin, Pathian dik lo an nih avangin amah leh amah chu inpuangin, "Keimah lo chu P-thian dang reng reng i nei tur a ni lo" tiin, chiang takin a lo sawita a ni.

July 10, 2011 at 3:24 PM Flag Quote & Reply

Lalchhanhima Varte
Limited Member
Posts: 1

Keini Christian te chuan P-thian engzatmah kan nei lo. PATHIAN erawh pakhat chauh kan nei. Mahse, nangni Judate chuan anarana a hming sawi in duh loh avangin a hming puma ziah aiin P-thian tiin in ziak thin, in titha e.

--

Arsenal

September 8, 2011 at 6:24 AM Flag Quote & Reply

Hmingtea
Member
Posts: 1

"Tin, Chirstian ten Isua hi Pathian ve tho an tih thin nachhan chu,, mi nung pakhat chhunga mi 3 awm ani e tiin Trinity an ring a.."  he thil in hriat dan hi a dik lo deuh, "Pathian pakhat ah mi nung pathum" tih ani zawk 'Trinity' rin dan ah chuan. 

Isaia 48:12 kan chhiar chuan "Aw Jakob-ho leh ka koh Israel-hote u, ka thu ngaithla rawh u: kei hi amaha chu ka ni; a hmasa ber chu ka ni a, a hnuhnûng ber pawh ka ni bawk." tih kan hmu a hei hi tu sawi nge tih chu kan hriat vek ka ring... He bung tho kan chhiar thlak leh zel chuan a hma chang 12 thu lo sawi tu tho khan chang 16 na ah "... tûnah hian LALPA Pathian chuan keimah leh a thlarau chu min tîr ta a." ti in alo sawi leh bawk si lai tak hi eng tin nge kan sawi fiah tak ang le? Trinitarian tan chuan engmah buaina tur a awm lem lo. Mahse 'Trinity' ring lo te hian engtin nge an sawi fiah le?

 

 


 

 


September 8, 2012 at 8:14 AM Flag Quote & Reply

You must login to post.