Oops! This site has expired. If you are the site owner, please renew your premium subscription or contact support.

Forum

Post Reply
Forum Home > Mipuite zawhna hrang hrang > Kut sil dan

hakhokhma
Site Owner
Posts: 40

Isaka Reuben: hakhohma.org ah hian kut sil dan chung chang hi ziah lan a ni em. ziah a nih chuan khawngaih in a link min lo hrilh theih chuan ka lawm ngawt ang, he tia, ka han zawhna chhan che chu kut sil dan hi kan lo hriat dangin shabbat leh ni pangaia kan kut sil dan hi a in ang lo in kan lo hre thin a, tunlai hian a in ang vek a lawm ti an awm bawk a then in inthiar zawh leh zing thawh kut sil dan hi a in ang a, chhang ei dawn hi a danglam ti an awm bawk a, a dik ber ka hrethiam tawh chiah silo a, ziak a dah chhuah a awm takin ka ti a, ka hmu mai lo nen ka rawn zawt tawp che.. khawngaih a min chhan theih chuan ka lawm ngawt ang.


HK: Website ah hian kan lo la ziak lo anih hi, i zar ah kan han ziak nghal ang e, Kut sil chungchang ah hian ni pangai leh Shabat a tih dan a hrang chuang lo va, amaherawhchu, Kut sil dan hrang hrang a awm thung a ni.

(1)Chhang thawp/Matsa ei dawn ah: No chu kut vei lama ken tur ani a, tichuan kut ding lam chu vawi 3 leih huh tur ani a, chumi hnuah no chu kut ding lama hlan chhawn a, kut vei lam chu vawi thum leih leh tur a ni. Tichuan, la hruk hul hmain "Netilat Yedaim" brakha chu sawi tur a ni a, tichuan, hruk hul a, chumi hnu ah Chhang ei hma chhung chuan chhang eina brakha sawi bak chu eng mah sawi chhuah a thiang lo.

(2)Inthiar zawh / inthiarna in a luh zawh ah: No in kut ding lam vawih 1 leih huh hmasak a, chumi hnu ah kut ding lama no chu kengin kut veilam vawi 1, chutiang chuan vawi 6 thleng, chumi awmzia chu kut lehlam lehlam chu vawi 3 ve ve a inkar thlaka leih huh tur a ni.
Mahse, inthiar zawh ah hi chuan no kher hman a ngai lem lo a, tui herh hawnin chutah chuan kut chu sil pangai pawhin a sil mai theih a ni, mahse, no ngeia sil chu a tha zawk.

(3)Zing thawh hunin: No hmang kherin a inkar thlakin vawi 3 sil tur, ding lam sil hmasa in.

(4)Inthiar na in atanga chhuah ve leh in, Chhang kan ei nghal dawn a nih chuan: Inthiar zawha kut sil dan pangaiin sil tur ani a, tichuan, brakha "Asher Yetsar" sawi a, chumi hnu ah kan pheikhawk bunlai chu khawih phawt a, chumi hnu ah chhang ei dawna kut sil dan pangai a sil tur a ni.

(5)Yom Kipur, Tisha Beav ni ah: a dan pangai veka sil tur a ni a, mahse, kut zungtang chin chauh leih huh tur a ni.

(6)Thil ei dawn ah: Kut a keng chunga ei chi reng reng, thei, Cake, etc' ang te chu ei dawn ah kut sil pangaiin sil tur ani a, no hman kher a ngai chuang lova, tin, a brakha "Netilat Yedaim" pawh sawi kher a ngai lo.


(7)Thlan mual tlawh hun in: Thlan mual kan kal hunin kan chhuah dawn ah kut chu sil tur a ni a, no in ding lam leih huh hmasain, a inkar thlakin kut lehlam lehlam chu vawi 3 leih huh tur ani a, Brakha sawi angai lo a, tin, kan kut chu kan hru hul tur ani lo a, tin, kan no hman chu mi dang te hnen ah hlan chhawn thiang ani lo bawk. Tin, thlanmual luh dawn ah hian kut sil thin pawh an awm.

May 20, 2014 at 5:53 PM Flag Quote & Reply

You must login to post.