Forum

Post Reply
Forum Home > Mipuite zawhna hrang hrang > Tsadikim te thlana tawngtai

hakhokhma
Site Owner
Posts: 40

Zvulun David: Engvangin nge Mi Tzadikim Thlan Makpela,Yosef Hatzadik.Rakhel Yamanu etc ah,Nupui/Pasal tha tak,Chungkua hlimna,Hriselna etc kan dil kher?


Beit HaMikdas ai ah Beit Keneset kan nei tho si a, Mi Tzadikim thlan hi kan ngaipawimawh bik kher le?


 Mi lem Pa-Thian biakna te a awm ang ti pawh ahlauhawm alom le te ka tia.



HK: A bul leh bal zawng buai lem lovin, hote in tihian chhan che ka han tum phawt teh ang.


Kawr awh zawng deuh mai i nei a, chu chu dawr pakhat ah hian an zuar a, chu kawr chu a to ropui mai si a, mahse, lei ngei chu i duh si a, tichuan, dawr ah chuan i va kal ta a, i rilru in eng tiangin nge ka dawn tlawm ang aw... i ti vang vang a, tichuan, thil pakhat i hre chhuak ta a, chu chu, Chu dawr nghak tupa fapa chu i Sipai tanna a i thiam pa a lo ni hlauh mai a, tichuan, chumi point hmangtangkai chu i tum ta ran mai a ni.


Dawr nghak tu hnenah chuan i va insawi chhuak ta a, a fapa fel thu zia te, nangmah nena thian tha tak in nih thu te chu i va hrilh ta a, chutiang zawng zawng i sawi zawh hnu ah chuan, a thil zawrh zinga kawr pakhat chu i duh zia leh a man to itih zia chu i sawi tel ta a, tichuan, tlawm i han dil tel zauh ta bawk a, a hma lama i thil sawi tawh avang khan tlawm mai chu sawi loh, manlo hialin a pe ta che a ni.


-------

Tunah entirna dang kan pe leh ang.


Kha kawr dawr kha Afula khua ami ani a, Sipaia i thian pa hnenah khan i kawr hmuh i awh zia chu i hrilh ta a, i thian pa chuan khawi dawr ami nge a? a ti a, nang chuan i han hrilh ta a, tichuan, i thianpa chuan a zuartu kha ka pa a lawm, ati a, tichuan, nang chuan, e.. ani maw? tiin, rang takin dawr kai pa chu i phone nghal a, kha kawr kha i lei duh zia i hrilh nghal  ta a, chutia phone hmanga i lei pah chuan i bul ah ngei a fapa a awm thu zia te, sipaia thian dun in nih thu te i hrilh nghal bawk a, tichuan, dawr kai pa chuan a fapa a zar ah chuan Khinam (man lo) in a lo pe ta mai che a ni.


-------------

Khitiang ang deuh khi a ni.


Beit Kneset a kan tawngtai pawhin, kan tawngtai hmain Torah chang eng eng emawni kan chhiat thin a, hetiangin; Shakharit ah te tawngtai tan hma tak takin Hashkama te, Psukei dezimra te kan chhiar a, khatiang ah khan kan pu Abrahama te, kan pu Itskhaka thu te kan chhiar thin a ni. Hetia kan chhiar hian P-thian hnena thil kan dil hma khan khang ami fel hote kha kan pu kan pa te an nih kha, chutiang kha thiang thil tha chu an lo ti thin a ni, tih kan hriat nawn tir ta thin a, tichuan, Lalpa P-thian chuan kan tawngtai naa kan thil dil man to tak tak te chu manlo hial hialin min lo pe ta thin a ni.


Chutiang ang chiah chuan, kan pi leh pute leh Tsadikim hote pawh kha an thlana kan va tawngtai khan an mahni hnenah kan tawngtai ani lo a, an mahni zar (Zkhut), an mahni leh P-thian lo inhmelhriat thatna leh lo inhnaihna zar zovin, khami avang khan Lalpa P-thian in kan tawngtai na te a lo ngaihthlak bik na tur in kan ti thin a ni.


Hei hi milem biakna ani lo a, an pawh a ang lo a ni. Sawi tawng ang khian Tsadikim te hnenah thil kan dil tur a ni lo a, mahse, an thlan hmun ah te khan kan va awm azarah khan Lalpa P-thian in min duhsak phah theihna tur atan a an thlan hmun ah ngei Lalpa P-thian hnen ah kan va tawngtai ta thin a ni.

 

February 13, 2014 at 1:24 PM Flag Quote & Reply

You must login to post.