Oops! This site has expired. If you are the site owner, please renew your premium subscription or contact support.

Forum

Post Reply
Forum Home > Mipuite zawhna hrang hrang > Shabat nia thingpui leh Coffee siam dan.

hakhokhma
Site Owner
Posts: 40

Zvulun David: Engtin nge Shabat ni ah thingpui emaw, Coffee siam dan?


CHHANNA (Harav Efi Kitsis): (1) Thingpui hi a fe hi hetiang laiah chuan lehkha ip a intuam ang hi kan hmang tlangpui a, heng thingpui fe ang hi hnah hel tihro mai an ni a, chuvangin, hei hi Shabat ni ah thingpui siam nana tui so a kan dah luh vaih chuan, Shabat ni ah thil kan chhum tihna ani a ASUR kan lo ti dawn tihna a ni.


Chuvangin fimkhur a tha hle mai, Shabat luh hmain Ketli (Thinpui bel) te ah emaw thingpui fe pocket te 4 vel kha tuiso ah kan chiah ang a, tichuan, Shabat luh hmain PLATA ah kan chhuang kai ve ang a, tichuan, Shabat ni ah thingpui kan in duh hunah khan Meikham (Tui dah lumna) atang khan no ah tui so chu kan chhung thla ang a, tichuan, thingpuife (Tamtsit) tui kan neih sa Plata ami kha kan leihlut tawh mai ang, tichuan kan in thei tawh ang.


Ngaihdan dang a awm leh a, chu chu Shabat ni ah hetianga kan ti lo anih chuan Kli Shlishi hmangin thingpui kan siam thei bawk a, chu chu hetiang hi a ni. A hmasa ber ah Meikham kha Kli Rishon ani a, chuta tang chuan no ah tui so chu kan chhung lut ang a, chu chu Kli Sheni ani a, hetah hian engmah la tih thiang lo a ni. A tawp berah Kli sheni atang chuan no dangah tuiso chu kan chhung lut leh ang a, tichuan chu chu Kli Shlishi alo ni tawh dawn a ni, chu no ah chuan Chini te, thingpuife pocket te chu kan dah lut thei tawh ang. (Mahse, hei hi Shabat Halakha hre chiang tak tak ho chuan hetianga tih hi a theih loh, an ti a ni.) .


*Kli Rishon (Meikham) > Kli Sheni (no1 na) > Kli Shlishi (no2 na / no dang leh) > Chini, thingpui fe.


(2) Coffee ah hian chi hnih a awm a, chung te chu Kafe Shakhor (Black Coffee) leh Kafe Names te an ni a, Kafe Names hi Names anihna tura an siam lai hian chhum hmin na a pal tlang tawh a, chuvangin, Shabat Hlalakha ah thil hmin sa chu tih hmin belh theih tawh chuang ani lo tih anih angin, 'Kli Sheni' ah siam theih tih ani. Chumi awmzia chu, 'Meikham' atangin no ah tuiso chu i chhung lut ang a, chumi hnu ah chuan Kafe Names chu i dah lut thei tawh. (Theihnghilh loh tur:- Tuiso chhun luh hmain coffee chu dah hmasak thiang lo. Tin, Meikham tia kan sawi hian Meikham hmang kher lo tan pawh Ketli a tuiso Plata a dah pawh thuhmun a ni.)


Black Coffee hi a factory a an siam lai hian Kalui (engmah tel lova bela kan ro) a pal tlang tawh a, hei hi Sefardi Halakha ah chuan chhum hmin tawh ang, tih ani a, chuvangin, Kafe Names ang tho khan Kli Sheni ah siam theih. Tui dah hmasa in.


Ashakenazi dan ah chuan Thingpui siam dan ang khian Kli Shlishi ah chauh a siam theih a ni.


______________


*Meikham kan sawi tak ah chuan sawi belh leh hlek ang.. Meikham chung lum hi Plata angin a lum var mai a, hei hi mi tam tak ten Chhangthawp dahlum nan kan hmang thin, mahse, hetianga Chhangthawp dahlum nana kan hmang tawh anih chuan Pesakh ah a buaithlak ta rap mai a ni.

Chumi awmzia chu Meikham chhin ah hian Dawidim i ur tawh tihna ani a, tichuan, a sat laia thil tih anih avangin a Meikham pum chu Dawidim alo ni ta tihna a ni. Hei hi tui hmanga chhum mai anih loh avangin, a ur a ur sat ani a, chuvangin Pesakh kut dawn ah Hagala hmangiin a Kasher mai theih ta lo a, Libun (Meia rawh sat) tih alo ngai ta a ni. Chuvangin, Libun i tih chuan i ti chhe mai dawn si a, a chinfel dan awlsam ber chu, Pesakh laia hman loh tura dah bo rih ani ta mai a ni. Fimkhur a ngai khop mai.

February 8, 2014 at 2:22 PM Flag Quote & Reply

You must login to post.