HAKHOKHMA Post Post New Entry

Parshat Behaalotkha

Posted by Moshe Ilan on May 17, 2011 at 9:45 AM

פרשת בהעלותך

      Parshat Behaalotkha-ah chuan P'thianin Aharona Khawnvar chhit dan tur a hrilh thuin aintana, tin ahnuah Levi hote chu P'thian chuan Israel hnam 12 te zing ata thlang chhuaka ata ni tura a serh hran thu kan hmu leha, amaherawh chu P'thian chuan Levi hote chu awmze nei lovin a thlang chhuakin Israel hnam dangte aiin a dah sang bik ngawt lova, Tehilim 11:5 ah chuan 'Lalpa chuan mifelte chu a fiah thina', tih ziak ang hian afa a hnam thlan Israel angainat em emte zingah an ni Levi hote chiah chuan Lalpa fiahna chu hlen chhuakin Mitsraim a an awm lai khan P'thian thu an zir char char bik anih kha, chuvangin alawm Lalpa P'thian chuan ahnam thlan Israelte zingah pawh chuan ata bik ni turin a lo thlan tak ni, amaherawhchu Levi hote chu Lalpan thlang bik mahse afa a hnam thlan Israelte pawh chu hlamchhiah bik lovin a ngainat zia leh aduat zia kan Parasha Bung 8:19 ah chuan Torah chang khat chhung lekah tum 5 lai Israel hming chu alo lam rik zia kan hmu leh bawk a, hetiangin; Israela thlahte zinga fa tir zong zong aiah Levi hote hi ka nei tawh a. Israela thlahte aia inbiakna puan ina rawngbawl tur leh Israela thlahten hmun kodesh an rawn hnaih poha Israela thlahte zinga hri a len lohna tura remna siam turin Israela thlahte zing ata Levite hi Aharon leh afate ka pe e.


    Parshat Behaaotkha ah chuan a parasha tawp lamah Lalpan Miriam-i a hrem thu kan hmu a, Aharona leh Miriami chuan hetianga Moshe Rabeinu chu Torah dan lo anga awm a, a nupui Tsipora-i kianga a awm loh hi thil tha ani love tiin, Moshe Rabeinu chu a nupui kianga a awm theihna tur kawng zawngin, Miriami chuan keini chungah pawh hian Lalpa chuan a zawlneihna thu a thlen ve thin lovem ni? A nupui kiangah chuan awm se, chutia a awm lai chuan Lalpa zawlneihna thu a lo thleng dawn anih chuan kan hnenah Lalpan min hrilh mai dawn a lawm ati a.


     Bamidbar 12;6 "in zingah hian zawlnei in awm chuan, chumi hnenah chuan a mumang lamah ka zawlneihna chu ka thlen mai ang," ati a, Amarawhchu, Ka chhiahhlawh Moshe hi zawng chutiang ang mi , zawlnei dangina zawlneihna an chan ang thina ka biak thin a ni ve lova, ani nen chuan tawngka ngeiin tlang takin kan inbe thin ani, chuvangin engti ziaa sawichhe ngam nge in nih? Tiin, Aharona leh Miriami te chu P' chuan a hauva.


     Zawlnei dang tena zawlneihna mumang lama an chan anga chang ve thin anih loh avang tak hian, Moshe Rabeinu chu engtik lai pawha thianghlima a awm angai a, chuvang chuan Moshe Rabeinu chu a mihring pui dangte ang lovin, a nupui kiangah chuan a awm ve thei lo ani. He chungchangah hian Torah (P' thu) ngei chuan nupui te kianga awm turin Mitsvah (thupek) min pe ani lawm ni? Engvangin nge amah , a ziak tupa Moshe ngei chu a ziah loh dan angin a awm leh si le, kan ti ani mai thei, amaherawhchu, (Shmot 19;15) P' in Sinai tlanga a Torah min pek dawn pawh khan, amah ngei Sinai tlanga a lo chhuk dawn khan, mipuite kha ahma ni thum chhung atanga lo intithianghlima tumah hmeichhe kianga kal lo turin thu a pek ang khan, mipuite khan amah Lalpa P' an hmachhawn dawn avangin an inti thianghlima an nupuite kiang ata an inti hrang anih kha, khatiang ang chiah khan, Moshe Rabeinu pawh Lalpa P' nen an inbiak reng thin avangin, zawlnei dangte ang lovin thianghlim taka a awm reng angai a, chuvangin, a nupui Tsipora-i kiang ata a inti hrang zawk ani.

 

_________________________________________________________________________________

 

Parshat Behaalotkha by Pinchas Boitlung

    Kan Parasha chu Kohen Gadol Aharon'an Menorah chhit (Hatavat Nerot) thupekin a intan a. helai thu hi khawi atangin nge kan hmuh kan tih chuan, Khanukat Habait a Israel hnam 12 ten n Korban (inthawi na) an rawn hlan hnu a thil thleng a ni a, he Korban hi Levi hnamte kha hlan ve tura tih an ni ve lova, chuvang chuan Aharona chuan Sebawng no lem vanga a bawhchhiatnaah amah avanga ngaiin a chipui Levi hnamte chuan Khanukat Bait ah chanvo neita lovah angai a, arilru ana em em a, khami arilru na hnem nan khan Lalpa Pathianin kan pu Moshe hnenah chuan a rilru tinain pawi ti lutuk suh se, khami Korban aia ropui zawk chu atan kala khek sak a ni tiin, Hadlakat Nerot chu he kan Parasha Behaalotkha-ah hian chu Mitsvah chu alo pe ta a ni, Behaalotkha tih thumal hi Oleh tih atangin niin , hemi Parashaah hi chuan Bati Menorah chhit eng alh tak kha akawk a ni, kan Parasha ah chuan Pesach (Kalhlen kut) sheni chungchang kan hmu lehin miin a hun laiin bawlhhlawhna 'Tuma' vang emaw, ram hla taka a zin bo vang emaw a Pesach a hman ve theih loh vang emaw anihin Lalpa Pathinin a thlaleh ni 14 naah chuan Pesach ruai chu hmang ve leh turin a hmang hman ve lo te tan pawh hman ve theihna hun alo pe ve leh ta a ni.

     Heta tang hian enge kan zir ve theih kan tih chuan Mitsvah emaw , mahni insiamthatna (Tikun HaMidot) emaw thil tha ti turin duhthusam angin kan lo awm tawh lo anih pawhin, insiamthat lehna atan Lalpan kan dam chhungchance min pein mitin tan insiam that lehnan hun min siam sak theuh a ni.

 

      Bamidbar 11:4-7 ah hian Erev Rav (Aigupta atnga mipui inpawlhsawp kara lo tel vete) te chu tisa chakna lo neiin, an tap a, tichuan israel fate ho pawh chu an lo tap ve ta a, tunge Sa eitur min pe ang, Aigupta ramah chuan Sanghate, Maite dawnfawhte, Purun Varte Runbalte athlawnin kan ei thin, nimahsela tunah chuan kan thlarau a ro zo tain, Mana chauh lo chu engmah kan hmu si lova, tunah hian Erev Ravte atang bawkin sualna lo chhuak chu Israel faten an lo zawm veleh ta tih kan hmu a, aw... Aigupta ramahte heng thil Sanghate Dawnfawhte Purunte ...... a thlawnin kan eithin an tih pawh hi Rashiin ahrilhfiah dan chuan 'Khinam' (thlawn) atih chu Mitsvah tel lo a duh duh a nunga, an ei leh in thin kha ani, tunah chuan Mitsvah tihtur Asur leh Sur lo tam tak a lo awm tawh si a, Sinai tlang atang a, (Ol Torah) Torah nghawngkawl an lo bah kha an lo ningin an lo phunnawi ta a ni, Parashat Bekhukotai a kan zir tawh ang khan Lalpa date zira zawm tlat peih loh na chuan Lalpa dona leh alaka lungawi lohna lo rahchhuah tirin chuchuan Pathian laka helna hial a lo thlen thei a ni, helai dinhmunah hian an awm dan tur dik tak chu Lalpa Pathinin an eitur an mamawh tinreng leh Nisa lakahte leh Ransa hlauhawm lakahte darkar tin leh Minute tinin a enkawl a, chutah chuan Lalpa pathian fak leh chawimawi a awm mai tur an nih laiin hetianga phunnawina a lo chhuah nachhan hi Lalpa dante an duh lova, an nin vang leh an peih loh vang a ni.

 

   

Categories: Judaism

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments

Oops! This site has expired.

If you are the site owner, please renew your premium subscription or contact support.