HAKHOKHMA Post Post New Entry

In pumkhat na (parashat bekhukotai)

Posted by icolney2 on May 21, 2019 at 4:55 PM

In pumkhat na (parashat bekhukotai)

Harel Kingbol


Tun kar kan Parasha hi inzilhhauhna (awmdan tur inhrilhna) tih pawhin sawi thin a ni a, Juda mipuite chu an awmdan tur ni loin mawi lo takin lo awm ni tase, chumi avanga hremna lo thleng thei tur chungchang kim chang takin kan Parasha-ah hian klan hmu a ni. "kei pawhin in chungah ka hmai ka thuar anga, in hmelmate hmaah in tlawm ang, nangmahni hawtute'n in chungah ro an rel ang a…"(Vayikra 26:17).


Heti lai chang hian min zirtir pawimawh tak a nei tel a. Chu chu, hmelma te chu pawn lam atang chauh ni lo; chhunglam (keimahni/Am Israel atang ngei pawh hian) pawhin lo piang chhuak thei a ni. Miin a Juda nihna ngainep in chumi avang chuan Juda midangte tih chhiat tumin hma ala a, chu chu thil hlauhawm ber pawh a ni reng a ni. Chutianga mahni Juda puite ngei pawh tih chhiat duhna rilru pu thin mite chu bumtu tenawm leh rapthlak ber an ni.


Kan hun liam tawh kan en let chuan a chunga kan sawi ang ngei khi a takin hmuh tur a awm leh zauh thin. Chutiang thil chu a thlen leh tawh lohna turin englai pawhin inralringin kan rilru kan ti harhvang reng tur a ni. Entirna tamtak a awm thei ang: Maicham-ah vawksa hlan anih avangin Maccabi si[paite chuan anmahni Juda nihna phatsan a mahni tanghma hai a phatsantu chu an tihhlum a tul a. Middle ages hunlaiin hamthatna duhna avangin Juda nihna kalsan Christian(catholic) ho be tha in chung hote chuan Judate tan buaina leh harsatna an thlen avangin tihhlum an lo ni leh bawk a. Heng zawng zawng aia rapthlak ber chu Nazi ho hunlaiin (Kapo hmunah) Nazi ho laka tlaktlum duhna avangin Juda mite ngei chuan an Juda puite phatsanin mi engemaw zatin an nunna an chan phah kha a ni.


A chunga kan sawi letling thawk khian, Judate inlungrual taka tum pakhat nei a kan thawh ho phawt chuan hlawhtlinna kan nei zel thin. Mahse, mahni hma chauh ngaihtuah a, phakar taka thil kan tih hunah chuan Judate chuan hlawhtlinna kan chang thei lo. David HaMelekh leh Shlomo HaMelekh hunlaiin Juda lalram chu pakhat a ni a, Juda lalram hausakna chu khawvel zawng zawng hriat niin Temple pawh din hial a ni. Mahse chu lalram chu pahnih ah alo inthen tak hnu chuan ram chu a chak thei tawh loin an ropuina zawng zawngte pawh tihchhiat alo ni ta a ni.


Beit HaMikdash pahnihna chu sak that anih leh hnuah pawh Juda mipuite chuan chu inpumkhatna pawimawh zia chu an la hrethiam chuang lo a ni. Lanu Shlomit thih hnu ah chuan a fapate pahnih (Hyrcanus leh aristobulos) te chuan lal thutthlengah thu chungin Roman emperor tanpuina chu an beisei ve ve a. A tawpah chuan Roman emperor pawh chuan chu thil chu emchang-ah lain awlsam takin Juda te ram chu an thuhnuai-ah an dah leh mai a ni. (Sotah 49b, Bava Kama82b, Menachot 64b) Unau pahnih inkarah hotu nih inchuhna avang buaina/induna alo thlen chiah hunah chuan hnam/ram chu tlusawpin Roman emperor chuan alo awp ta a ni. (Avodah Zara 9a), chumi avang chuan Temple pahnihna chu tihchhiat hlen alo awmin Juda mipui te pawh ram pawnah hnawhdarh in kan lo awm ta a ni. Thil hote avanga innghirnghona hian Juda mipui zawng zawngte tana hrehawmna namen lo a thlen thei a ni.


Anih chuan vawiin a kan dinhmun hi a tha viau taw hem? Ni e, chhan harsa tak a ni ang. Ni e, buaina leh manganna te alo thlen chuan Judate chu inpumkhat takin kan awm thin. Mahse chu manganna leh buain te a reh fel hnu chuan in itsik tawnna emaw, a ni aiin keimah zawk, mahni tanghma ringawt kan ngaihtuah leh si thin, chu chu politics thil pawhin a ni thei a, mimal thil pawhin a ni thei bawk.


Pa’in a thih dawn tep ah a fapa te ko khawmin, a fapa te chu hmawl lo la theuh turin a ti hlawm a, tichuan a fapate chu an hmawlh ken theuh chu ulh bung turin a ti a, awlsam takin an ti bung thei a. A fapate hnenah chuan an hmawl ken theuh chu ama hnenah pe turin a ti leh a, tichuan apa chuan hmawl ho zawng zawng chu tawnkhawmin a fapte hnenah chuan ulh bung/ti tliak turin a ti leh a, mahse tumah chuan an ti tliak thei ta lo. Hemi tehkhinna ang chiah hian, inpumkhatna hian chakna a siam a ni. Kan hmaa lawman ropui tak awm zawng zawngte kan neih a, kan dawn thuai thuai theihna turin inpumkhatna/in unauna hi a pawimawh zia leh hlutzia kan zir a, a taka kan nunpui hi a hun tawh tak meuh a ni. Midrash (Vayikra rabbah) in a sawi angin, Beram rual zinga pakhat chuan na/hrehawm tuar ta se, Beram dang ho zawng zawng pawhin chu hrehawm chu an tuar ve thin. Chutiang chiah chu keini Israel fate pawh hi kan ni. Kan Juda pui pakhat in harsatna a tawh chuan kan vaiin chu na chu kan tuar vek a ni.

Categories: Torah

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments