HAKHOKHMA Post Post New Entry

Trumot Umaasrot

Posted by Moshe Ilan on October 25, 2011 at 8:50 AM

Bung 1

TRUMOT LEH MAASROT

 

 תרומות ומעשרות  (Trumot= Thil pek, Maasrot= Sawma pakhat)


1. 'Mitsvot hatluiot ba Arets' , tih niin Mitsvah (thupek) Israel ram chhung chauhva tih tur a ni.

 

2. Eitur engpawh neitu (Juda mi ta) nei, lei aṭanga ṭo thlai leh thei , Israel ram leh a chhehvel a innghat a  ni.    

(1) Eitur tih hian Ran eitur nilo, mihring eitur chi chauh a huam a.

(2) Neitu awm tih hian Thlai leh Thei Juda mi ta, a kawk a, tin, amaha ṭo tu ta mah ni lo  chu a huam lo  a ni.

(3) Lei aṭanga ṭo tih hian Sa leh Sangha lam nilo, Thlai leh Thei , Lo, Huan thlai ami ṭo  te a kawk a ni.

(4)  Israel ram leh a chhehvel tih hian kawh hrang hrang a nei a, chungte chu:-

* 'Olei Mitsraim'  Yehoshua hova Ram an lak chin kha a huam a, chu chu,  "Kedushat Mitsvot(thupek atanga thianghlimna nei) tih ani.

* 'Galut' (Ram pawna hnawhdarh) an nih khan "Kedushat mitsvot" chu a ral .

* 'Olei Bavel' (Bavel aṭanga an rawn kir leh ) khan "Kedushat Mitsvot" chu akir ve leh .

* Bait Sheni (Temple II) hunlai khan "knia ve khazaka" (suma lei leh neih nghehna) in ram chu an ti thianghlim leh a, chuta an tih thianghlim chin chu tunlai thlenga kan hman chu a ni.


3.   'Trumot leh Maasrot'  te hi pek theihna chi thum a awm a, chungte chu :-

 (1)  Onat ha Maaser. (kum)

 (2)  Gmar Melakha  (Eitura a tlak hun  /  a hna thawh zawh hun).

 (3)  Kvia le Maaser (Maaser pek ngei ngei ngaihna hun).


•1- Onat ha Maaser - Hei hi kum tiin kan sawi tawh a, a awmzia chu , ei hun atana a tlak hun emaw, a hmin hun tiin a sawifiah theih bawk a nga, entirnan; Thei emaw a no laia ei chi hrim hrim nilo ang te chu a sen lai a kan lawh emaw, ei atana ala tlak tak tak loh laia  lawh a nih chuan Maaser pek kher a ngai lova, chutiang ang chi hun hriat theihna tha ber chu , a mu chu tuh emaw chin atana ala tlak tak tak hun hma hi a ni, a mu la no lai. Amaherawhchu, a no laia ei chi Fanghma te, Maite angte ah chuan a no lai pawhin pek tho tur a ni.

 

•2- Gmar Melakha - A hna thawh zawh hun tiin kan sawi tawh a, a awmzia chu, huan aṭanga kan lawh hnu a, a thil tih 'peula' hnuhnung ber kan zawhna hi a ni a, chu mi awmzia chu zawrh theiha a tlak hun emaw, In lama hman theih huna a tlak hun ang hi a ni. Entirnan:- Alu chu lei aṭanga kan chawh chhuahin a bal a, adahna tura remfel pawh ala ni lova , chuvangin silfai phawt angai a, chumi kan silfai lai taka chu "Gmar Melakha" kan tih chu a ni. Chutiangin Thei leh Thlai fai sa ang sil ve kher pawh ngai lo angte chu, a bawm emaw, a dahna hmun tur a ruat bika kan dah luh lai tak chu a "Gmar Melakha" kan tih lai chu a ni.


        Torah dan ah chuan zawrh leh chhawn tur chauh chu a neitupa (Baal Habait) chuan, 'Akhilat Arai' (tem chhin) chu a ti thiang a, amaherawhchu, zawrh  lehchhawn tur ni lo, mahni ta chu 'Gmar Melakha' aṭang hian  'Maaser'  pek anih hma  chuan  ei thiang ani tawh lo a ni.


        'Derabanan' (Rabi te dan siam) ah chuan a pahnih hian zawrh chhawn tura tih leh mahni ta angte chu kan tem in kan ei chhin thiang tawh lo a ni an ti a, Maaser kan pek phawt hma chuan.


•3- Kvia le maaser - Pek ngei ngei ngaih tawhna hun ani a, chumi awmzia chu, Maaser kan pek theih hun hnuhnung ber a ni, heta kan pek loh chuan pekna hun dang kan nei tawh lova, tin, hemi hun 'kvia le maaser' hnu aṭang hi chuan ei chhin leh tem chhin chu thiang a ni tawh lo bawk.


      Rambam chuan hun hrang hrang chi ruk ah pek theihna hun hnuhnung te chu lo ruatin,  hetiang hun a lo ruat hun kan thlen tawh chuan sawi tawh angin ei leh tem chu thiang a ni tawh lo a ni. 


Chung hunte chu:-

(1) Khatser.

(2) Mekakh.

(3) Esh.

(4) Melakh.

(5) Truma.

(6) Shabat, te an ni a.

 

(*1) Khatser - Eitur thlai emaw thei emaw In emaw mahni huam chhunga ken luh  hun hi a niin, kan ken luh aṭang chuan Maaser kan pek hma chuan kan ei thiang tawh lo a ni, a awmzia chu; kan huang chhunga kan ken luh veleh chuan Maaser chu kan pe nghal vat tur tihna a ni.

 

(*2) Mekakh -  Kan thlai ani emaw thei ani emaw chu a ṭo lai a ni emaw , eng  hmuna a awm lai pawh ni se, tawngka hmang emaw a hring ahran emaw in  mi dang hnena kan zawrh (leitir) tawh chuan , maaser pek anih hma chu kan ei  thiang tawh lo a ni.

 

(*3) Esh -  Thei emaw thlai emaw reng reng  eitura siamin Meia chhuan kai a nih tawh  chuan, hmun thuma thena hmun khat (shlish) a a hmin hma a Maaser kan  la pe hman anih chuan kan pe tur a ni a, amaherawhchu, hmun thuma thena hmun khat  (1/3) a a hmin hman tawh chuan kan ei thiang tawh lo tihna a ni.


(*4) Melakh - Tih hminna tura chi al hnu chuan Maaser kan pek hma chuan  ei  thiang  a ni tawh lo a ni.

 

(*5) Trumot -  Trumot leh Maasrot pek kan ṭan hun aṭang chuan kan pek zawh fel  hma  chu  kan ei thiang lo a ni.


(*6) Shabat - Kan thlai emaw thei emaw chu lawh sa ani emaw, a huana la ṭo lai ani emaw, Entirnan:- Shabat ni a eitur atan chauhva ka ruat anih chuan , ka ruat hun a lo thlen hma shabat luh hma chuan ka ei thiang lo a ni.

 

 

------------------------------------------------------------------------------------------------------------------------------------

Bung 2na - MAASER PEK DAN (Bait Sheni hun laiin)

Categories: None

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments