HAKHOKHMA Post Post New Entry

Shmini Atseret & Simkhat Torah

Posted by Moshe Ilan on October 13, 2011 at 7:10 PM

    Sukot kut aṭanga ani 8 na chu "Shmini Atseret" (a ni 8 na khawmpui thianghlim) emaw "Simkhat Torah" (Torah hlimpuina ni) tih a ni a, hei hi kut dang anih tawh avangin Simkhat Torah hian 'Sukah' (Bawk te) ah awm angai tawh lo a ni.  He kut ni hi Bamidbar (Num) 29;35 "Bayom hashmini atseret tihie lakhem kol melekhet avoda lo taasu" (a ni riat ni chu khawmpui ni atan in nei tur a ni a, hna reng reng in thawk tur a ni lo) tiin thupek hmuh a ni a. Tin, Ram pawnah chuan a ni 8 na hi 'Shmini Atseret' ah hmangin, a ni 9 na chu 'Simkhat Torah' ah hman ṭhin ani bawk a ni.


   Shmini Atseret chu Sukot nena inzawn ni mahse ama puala kut ni a ni a, hei hian a entir pakhat chu; Lalpa P' chuan a chenna hmun Jerusalem a a fate rawn kal khawm , ni sarih ngawt rawn awmchilh tute chu an han ṭin dawn meuh chuan a ui em em a, chuvangin "Ka pualin ni khat dang hlimna kut hmang leh rawh u" tiin he kut 'Shmini Atseret' kut hi a lo pe ta a, hemi ni hi Torah bu chhiar zawh na ni leh abul ṭan ṭhat leh na ni niin, 'Simkhat Torah' tia koh ani bawk a ni.


   Hemi ni hian ruahtui dila ṭawngṭaina neih ṭhin a ni a, tin, Torah chu mipa zawng zawng te chuan an chhiar vek ṭhin a ni. Hemi ni hian 'Khatan Torah' (Torah chhiar zo tu) leh 'Khatan Bereshit' (Torah chhiar ṭan leh tu) te siam ṭhin ani bawk a, tin, 'Aron Hakodesh' chhunga 'Sefer Torah' awm zawng zawng te chu pawm chhuakin 'Hakafot' tiin vawi sarih, Torah chhiarna 'Bima' chu hel kuala hlim taka zai chunga lam pui ṭhin a ni.


    He kut hi ama puala kut ni a nih avangin 'Shehekheyanu' Brakha chu sawi bawk ṭhin ani a, hemi ni aṭang hian 'Shmone esreh' (Amida) ah 'Mashiv Haruakh' chu sawi ṭan ani bawk a ni. 


   Tin, he 'Shmini Atseret' kut hi Lalpa P' in ama puala atana kut ni thianghlim atana hmang tura a fa Israel te hnena a ngen anih angin, he ni hian Lalpa P' chu a inhawng em em a, chuvangin, he ni hi kan hman zawh tak ni ṭihbaiawm (Rosh Hashana leh Yom Kipur) , kan sualna laka kan chunga rorelna ni leh ngaihdamna ni tea ngaihdamna la chang velo te tana ni ṭha anih avangin, he ni hi ngaihdam chan theihna ni a ni a, chuvangin, he ni hian tih takzeta ngaihdamna dil chunga ṭawngaṭaina ni ani bawk a ni, chuvangin, he ni hian ṭawngṭaina ah chuan Yom Kipur ni a thluk anga hman ṭhin a ni bawk a ni.

 


 

Categories: None

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

1 Comment

Reply J Uri Goldenberg
1:22 PM on October 16, 2011 
Pray for Gilad Shalit's safe return!
להתפלל לשובו של גלעד שליט בשלום