HAKHOKHMA Post Post New Entry

Khag Hasukot

Posted by Moshe Ilan on October 11, 2011 at 9:40 PM

חג הסוכות  Bawkte kut

     Ngaihdamna ni Yom kipur ropui chu kan lo hmang zo ta a , Kut hlimawm  Sukot (Bawkte kut) chuan a rawn zui nghal zat a, an inkarah hian ni li lek a tlazep a, he kut hi hlim taka hman hi Mitsvah (thupek) a ni a, chu chu Torah ah hmun thum laiah hmuh a ni a, Vaikra (Lev) 23;40 "Usmakhtem lifnei Hashem..." (Lalpa in P-thian hmaah in hlim ang..) , Dvarim (Deut) 16;14 "Vesamakhta bekhagekha..." (i kut ni ah chuan hlim takin i awm tur a ni..) leh, hemi bung ah tho Dvarim (Deut)16;15 "Vehaita akh sameakh..." (Hlim tak hlirin in awm dawn nia..) tiin.


    Tin, khawi hmunah pawh a hming sawi si lova KUT (khag) tia an sawi hunah 'Sukot' (Bawkte) kut tihna hi ani bawk tih hriat tur a ni. He kut hi "Khag haasif"  tih ani bawk a, chu chu "Rah seng kut" tihna a ni. He kut hian ni sarih chhung a awh a, Tishrei thla ni 15 ah tlain, ani 8 na hi "Shmini Atseret" (a ni 8 na khawmpui thianghlim) emaw "Simkhat Torah" (Torah hlimpuina ni) tih a ni a, hei hi kut dang anih tawh avangin Simkhat Torah hian 'Sukah' (Bawk te) ah awm angai tawh lo a ni.  He kut ni hi Bamidbar (Num) 29;35 "Bayom hashmini atseret tihie lakhem kol melekhet avoda lo taasu" (a ni riat ni chu khawmpui ni atan in nei tur a ni a, hna reng reng in thawk tur a ni lo) tiin thupek hmuh a ni a. Tin, Ram pawnah chuan a ni 8 na hi 'Shmini Atseret' ah hmangin, a ni 9 na chu 'Simkhat Torah' ah hman thin ani bawk a ni.


   Sukot kut hian a Mitsvot (thupek te) bik pasarih a awm a, chungtechu; Sukah, Etrog, Lulav, Hadas, Arava, Shalmei Khagiga leh, Shalmei Simkha te an ni a, a hnuhnung pahnihte hi 'Korban' niin he kut nia kea Hmunthianghlim (Jerusalem) kea kal/lawn te hlan thin chu a ni.

 

   Khag hasukot (Bawkte kut) chu hmunthianghlim tlawh kut 'Shalosh Regalim'  pathum te zinga mi niin kea hmunthianghlim Jerusalem a lawn tura thupek kut a ni.

 

   He kut ah hian 'Minhag' (tih thin thil) pahnih tunlai thleng pawh a an la tih thin chu a awm a, chungtechu; 'Nisukh hamaim' leh 'Simkhat beit hashoeva' te an ni a, hei hi Torah a inziak nilo mahse 'Halakha leMoshe misinai' zinga mi a ni. Tin, Sukot laia Minhag pakhat awm chu 'Khavitat Aravot' a ni a, hei hi 'Hoshana Raba' niin tih thin a ni a, Arava (tuipui suthlah) chu chhuatah vawi nga vuak thin a ni, he dan hi Zawlnei te siam chhuah a ni.

 

   Sukot ni sarih chhung hian sukah chhunga thut/riah/chen chu Mitsvah a ni a, hei hi Vaikra (Lev) 23;42 naah kan hmu thei a, "Basukot teshvu shivat yamim kol haezrakh beisrael yeshvu basukot" (Chhawlbuk / Sukah ah ni sarih chhung in awm anga, Israel rama mi reng reng te chu Sukah ah in awm tur a ni) tiin,  Sukah chhunga thut dawn hian 'Brakha' (tawngtaina/malsawmna) "Barukh ata... Leyeshev basukah" sawi tur a awm a . Tin, Sukot laia kan chaw ei reng reng chu Sukah chhunga ei tur ani . Ei hma hian 'Ushpizin' (Mikhual sawmna) sawi ziah bawk tur a ni. Hetia chw kan ei hian Sukah chhungah chuan chaw leh chawhmeh bel chu ken luh loh tur a ni.

 

    Sukot chhung hian nitin "Arbat Minim" (Lulav, Hadas, Etrog, Arava) chu vei thin a ni a, mawi tak leh a tha thei ang ber kan neih theih nan Yom kipur zawh veleh atangin lei tur zawn nghal tur a ni a, a 'Kasher' (juda dana thil thianghlim) thuhla ah kan thlang thiam lo anih chuan, kan awmna hmuna a hrethiam te inleipui tir emaw, eng ang  chi nge kan thlan ang tia zawh tur a ni, he Mitsvah thil leina ah hian fapa naupang te hruai hi 'Khinukh' (zirtirna) tha tak a ni. Sukot zawh 'Havdala' hi wine nen chuah a "Hamavdil bein kodesh lekhol.... ' kha sawi tur a  ni.    

 

Arbaat Haminim;  

   Vaikra (Leveticus) 23;40 "Thingkung mawi tak rah, Tarmar hnah zik te, thing buk tak zar te leh luia tuipuisuthlah te in la anga…" tih ziak aṭang hian he thupek hi hriat a ni a, chungte chu; Lulav-1, Etrog-1, Aravot-2 leh Hadasim-3 te an ni a, heng te hi Sukot kut chhung zawng hian Shakharit (zing tawngtaina) naah vei ṭhin a ni a, heng te hian entir an nei ṭheuh va, Lulav chuan rim nei lovin tuina chauh a nei a, hei hian Torah zirna nei silova ṭha taka Mitsvah tia lanchhuah tir mi a entir a, tin, Etrog chuan tuina leh rim tui tak a nei a, hei hian Torah zir mi leh Mitsvah thilṭha ti mi a entir veleh bawk a, tin, Hadasim chuan rim tui tak nei mahse tuina a nei lova, hei hian Torah zir sia a nuna thilṭha ti lo mi a entir leh a, tin, Aravot chuan rim leh tuina a nei lova, hei hian Torah zir si lo thil ṭha pawh ti lo a entir a, heng te hi Israel mi hrang hrangte entirna an ni a, mahse, Israel te chu mi pakhat, pumkhat kan nihna lantir nan heng Arbaat Haminim te hi kan keng khawm ta a ni.


 

   A rem dan hi Etrog chu a sir veilam ber ah kan kut veilamin ken tur a ni a, chumi dawt chiahah chuan Aravot a awm anga, hei hi Hadasim aia hniam deuhva dah tur a ni. Tin, a dawt lehah Lulav chu a hnah chunglam keimahni hmachhawn zawngin ken tur ani a, hei hi a lawr sei ber tur a ni, tin, a sir dinglam berah Hadasim chu dah leh tur a ni.


 

    Halel (fakna hla te) sawi hmain Arbaat Haminim chu lakchhuah tur a ni a, tichuan, Aravot, Lulav leh Hadasim te chu kut dinglama kengin , Etrog chu kut veilam ah a hnun chu chunglam hawi zawnga kengin Brakha (malsawmna) 'Baruk ata Ad-nai Elo-einu melekh haolam asher kideshanu bemitsvotav vetsivanu al netilat Lulav' chu sawi tur a ni a, sawi zawh veleh Etrog chu a hnun hnuailam hawitir chunga vei tur a ni a, vei danah hian Edot hrang hrangte vei dan a inang lo thluah a, engpawh nise, he veina hian a tum ber chu Chhim leh Hmar, Chhak leh Thlang, Chunglam leh Hnuailam hawi zawnga vei tur a ni a, hei hian heng 'Arba Rukhot' (Lei kil li te) leh chunglam leh hnuailam ah te Lalpa P' chu kan 'Mamlikh' (Lal tir) tih a entir a ni. 

 


Categories: None

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments