HAKHOKHMA Post Post New Entry

Parshat Haazinu

Posted by Moshe Ilan on September 26, 2011 at 5:05 PM

פרשת האזינו  Parshat Haazinu , Shabat Shuva


   Parshat 'Haazinu' chu "Shabat Shuva" Rosh Hashana leh Yom Kipur inkara chhiar ṭhin tlangpui a ni a, heta a Parasha hawnna atan 'Haazinu Hashamaim' (Van te u lo ngaithla u la..) tiin, thu hretu atan sawmin , van a awm chu a hriatchian ani tih a hriat theih a, chumi hnuah 'Vetishma Haarets' (Lei pawhin lo ngaithla rawh se...) tiin, thu hriatpuitu atan a sawm tel bawk a ni, hei hi, mihringte chu vawiin ah kan lo piang a, naktuk ah kan boral leh si ṭhin a, chuvangin, nakinah Israel aṭangin "Thuthlung chu kan dawng ve lo reng reng" tiin, an la rawn sawi hun a engtik lai pawha chhuan zawng zawng hmutu Van leh Lei te chu he Thuthlung kan dawn zia min hriat reng sak turin Moshe Rabeinu chuan a lo sawm a ni.


    Hetiang thu ang hi 'Masekhet Sanhedrin' - כ"ג, ע"א ah chuan 'Khakhmei Israel' (Israel mifingte) chuan an lo sawi tawh a, "Jerusalem a mi dikte chuan 'Shtar' (thu nemnghehna lehkha) ah chuan an sign pui turte an hriat loh chuan an sign mai ngai lova, tin, Rorelna ah chuan tunge an ṭhutpui tur tih an hriat loh chuan an ṭhu mai ngai lova, tin, Ruai thehna ah chuan tunge an ruai kil pui tur an hriat loh chuan ruai chu an ṭheh mai ngai lo a ni, chutiangin, Moshe Rabeinu pawh chuan Van chu an zinga awm angin thu hretu atan sawmin, Lei pawh chuan lo hriatpui ve turin a sawm tel bawk a ni.

---------------------------------------------------------------------------------------------------------------------

Shabat Shuva  שבת שובה

    Shabat 'Bein kese leasor' chu a Haftara hmingin "Shabat Shuva" tia koh a ni a, he Shabat hian Haftara chu Zawlnei Hoshea ziak chhiar ṭhin a ni a, chu chu, "Shuva Israel ad Hashem Elokeikha, ki Khashalta baavonekha" tih a ni. Tin, he Shabat hi "Shabat Tshuva" tia ko an awm bawk.


    Minhag (tih ṭhin dan) ah chuan hemi ni hian Beit Kneset Rav chu Shiur pektir ṭhin a ni a, Israel mipuite hmaah chuan inlamletna thu lam a sawi ṭhin a ni.


   'Tshuva' (inlamlet lehna) chuan step hrang hrang a nei a, chungtechu; 'Hakara' (hriatna) , 'Kharata' (inchhirna), 'Aziva' (kal sanna) , 'Vidui' (inpuanna), 'Kabala' (kir leh tawh lo tura intiamkamna) te an ni. Heng step indawt dan hi P-thian hnena inlamlet duh tur chuan hetiang hmang hian a inlamletna TSHUVA chu a siam tur a ni.

Categories: None

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments