HAKHOKHMA Post Post New Entry

Rosh Hashana ruai a chhawp thin te

Posted by Moshe Ilan on September 25, 2011 at 5:20 PM

סימנים בשולחן ראש השנה

    Rosh Hashana tlai inkhawm (Arvit) zawh chuan mahni in lamah kalin, chhungkaw nu ber chuan 'Kidush' hmain 'Ner Neshama' atanga mei la kaiin kut mei (Bati) chu a a 'Brakha' nen chhi ang a, tichuan, 'Shehekheyanu' chu a sawi bawk ang a, chumi hnuah chhungkaw pa ber chuan 'Kidush' chu a hmang ang a, 'Shehekheyanu' chu a sawi veleh bawk ang a, tichuan, 'Kidush' hman zawh chuan mitin te chuan kut silin 'Brakha' (Netilat Yedaiim) chu an sawi ang a, kut chhang (Lekhem) chu Shabat ni anga chi a chiah lovin, khawizu ah a chiah thung ang a, chumi hnuah 'Simanim' (entirna) hrang hrang te chu an ei tan ang. Heng 'Simanim' te hi dawhkanah chuan mawi takin chhawp nghal thin a ni a, chung 'Simanim' te chu;


*Tamar (Khazur)

*Rubia / Lubia (Bean chi khat)

*Karti (Purun kuang ang tak)

*Silka (a Hnah ei chi chi khat tur a ni a, mahse, a hming inan vangin Selek Adom pawh an hmang thei bawk)

*Kra (Umei)

*Gezer (Carrot)

*Rimon (Theibuhfai)

*Tapuakh bidvash (Apple khawizu a chiah)

*Beram lu / Sangha lu.


    Heng te hi dan tlangpuia hman thin a ni a, Edot (hnam) thenkhat te chuan eng eng emaw pawh telh thin an awm bawk.


    Heng te ei dawnah hian a tlangpuiin Brakha (malsawmna) chu sawi ngai ti an awm a, tin, 'Lekhem' kan ei tawh khan a kep vek ti an awm bawk.


    Tin, heng 'Simanim' te ei pah hian thu sawi tel thin bawk a ni a, chung te chu;

*Apple khawizu a chiah ei lai hian, "Yehi ratson, Shetekhadesh aleinu Shana tova umetuka" (Kan tana Kum tha leh thlum tak lo inherchhuah hi a duh zawng lo ni rawh se) tiin.


*Tamar - "Yehi ratson, She'itamu oiveinu vesoneinu vekol mevakshei raateinu" (Kan hmelma te leh min haw tute leh kan tana chhiatna ngen tute tawpna chu a duh zawng lo ni rawh se) tiin.


*Rubia / Lubia - "Yehi ratson, Sheirbu zkhuioteinu" (kan thiltha tih rah Right lo tam chu a duh zawng lo ni rawh se) tiin.


*Karti - "Yehi ratson, Sheikartu oiveinu vesoneinu vekol mevakshei raateinu" (Kan hmelma te leh min haw tute leh kan tana chhiatna ngen tute chu sah chhum vek an nih theihna chu a duh zawng lo ni rawh se) tiin.


*Silka - "Yehi ratson, Shetikara roa gzar dineinu, veikaru lefaneikha zkhuioteinu" (Kan chungthu a chhe zawnga relna chu pawhthler lo nise, i hmaa kan thiltha tih rah te chhiarlan nih hi i duh zawng lo ni rawh se) tiin.


*Gezer - "Yehi ratson, Shetigzor aleinu gzerot tovot" (Kan chunga a tha zawnga ro i rel hi i duh zawng lo ni rawh se) tiin.


*Sangha lu - "Yehi ratson, She nihie lerosh velo lezanav" (A mei lam nilova, a lu lam kan nih hi i duh zawng lo ni rawh se) tiin.


    Heng 'Simanim' hote hi tui kan tihdan zawng zawngin a siam theih a, mahse a thlum lam zawnga siam chu uar thin a ni a, tin, hetiang ang chiah hian a zan hnihna ah pawh chhawp tur a ni, zing 'Kidush' naah chuan a ngai lo. (Rosh Hashana hian thil kha, thur leh khawkherh lam ei loh tur a ni.)

 

Categories: None

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments