HAKHOKHMA Post Post New Entry

Parshat Nitsavim - Vayelekh

Posted by Moshe Ilan on September 20, 2011 at 9:00 AM

פרשת ניצבים  - וילך  Parshat Nitsavin-Vayelekh


   Parshat 'Nitsavim' chu kumtin Rosh Hashana hma Shabat hnuhnung berah a tlain chhiar ani ṭhin a, kan hriat ṭheuh angin Rosh Hashana hma Elul thla chu 'INLAMLETNA' hun ṭha a ni a, chuvangin, kan Parasha ah pawh hian Dvarim (Deut' 30;2) naah chuan tihian a inziak a, "I P' Hashem hnena i kir leh a, tuna thu ka pek cheu ang hian nang leh i fate nen in thinlung zawng zawng leh in rilru zawng zawnga a awka in zawm hun ah chuan,... Hashem chuan a khawngaih ang che u...." tiin, kan hmu a, tin, chuchang ni lovin, a Parasha hawnna phat ah "Vawiin ah hian in zain Lalpa in P' hmaah in ding a,..." tiin, a inhawng bawk a, hei hian a entir chu, kan hma lawka rorel ni lo thleng tur Rosh Hashana leh Yom Kipur chu a entir bawk a, chuvangin, kan Parasha hi ngun taka he hun hnuhnung leh chance ṭha ah hian kan chhiar hi a pawimawhin kan tan a ṭha em em a, kan Parasha chhung ah hian Lalpa lama kan inlamleta a thupek te a thara kan zawm leh chuan kan tana a ṭhatna leh kan lawmman tur a lo sawi lawk te chu chiang takin kan hmu thei dawn a ni.


    Chuvangin, tun hun ṭha hi hmaih tum lo ila, he Parasha hi kan chunga rorel ni hmaa min vaukhanna leh kan tana a ṭha tur zawnga min hrilh thawina ah ngai a, hman ṭheuh tumin, a pawimawhna leh a ṭhatna manchhuah ngei tumin i chhiar ṭheuh ang u.


    Sawi tak angin, he Shabat hi Rosh Hashana hma chiaha chhiar ṭhin a ni a, tin, kan hriat ṭheuh angin Rosh Hashana chu Thla thar (Rosh Khodesh) ani bawk a, amaherawhchu, Rosh Hashana hma Shabat dang ang lovin he Shabat hi 'Shabat Mevarkhim' ani lo thung a ni.


   Hei hi Satan-a bum nana tih ani a, achhanchu, he mihring chunga rorelna ni Rosh Hashana hian Satan-a chuan Israel te chhiatna tur zawn leh rorelna hmaa sawichhuah sak chu a chak zek zek a, chuvangin, Israel te chuan hemi rorelna ni hi Satan-a hriat lohna turin, amah bum theihna chu siam ani ta a ni, hei hi Tehilim (Sam 81;4) naah kan hmu ani, hetiangin, "Tiku bakhodesh Shofar, bakese leyom khagenu", (Chumi Thla ah chuan berampa ki chu ham u la, kan kut khuh bo niah chuan..) tiin, he thu hian a sawi tum chu, Thla lan loh zan, chu chu Rosh Khodesh (thla thar) ani a, chumi a kut awm bawk chu Rosh Hashana (kum thar) ni chu a ni, heta Rosh Hashana hming sawichhuak si lova a inziah dan leh, 'bakese' (khuh bo) tih khera a ziah nachhan hi, he Rosh Hashana ni hi rorelna ni anih avangin, Satan-a hriat lohna tura puanzar loh tur tihna a ni.

_______________________________________________________________________________


Shabat Shuva  שבת שובה

 

   Shabat 'Bein kese leasor' chu a Haftara hmingin "Shabat Shuva" tia koh a ni a, he Shabat hian Haftara chu Zawlnei Hoshea ziak chhiar ṭhin a ni a, chu chu, "Shuva Israel ad Hashem Elokeikha, ki Khashalta baavonekha" tih a ni. Tin, he Shabat hi "Shabat Tshuva" tia ko an awm bawk.


 

 

    Minhag (tih ṭhin dan) ah chuan hemi ni hian Beit Kneset Rav chu Shiur pektir ṭhin a ni a, Israel mipuite hmaah chuan inlamletna thu lam a sawi ṭhin a ni.


 

 

   'Tshuva' (inlamlet lehna) chuan step hrang hrang a nei a, chungtechu; 'Hakara' (hriatna) , 'Kharata' (inchhirna) , 'Aziva' (kal sanna) , 'Vidui' (inpuanna) , 'Kabala' (kir leh tawh lo tura intiamkamna) te an ni. Heng step indawt dan hi P-thian hnena inlamlet duh tur chuan hetiang hmang hian a inlamletna TSHUVA chu a siam tur a ni.

 


Categories: None

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments