HAKHOKHMA Post Post New Entry

Ledavid Hashem ori veishi

Posted by Moshe Ilan on September 15, 2011 at 7:40 PM

לדוד ה' אורי וישעי  (Lalpa chu ka eng leh mi chhandamtu a ni.)  Sam-27


   Elul thla thar ni 'Rosh Khodesh' aṭanga 'Shmini Atseret' thleng chuan Shakharit (zing ṭawngṭaina) leh 'Arvit' (zan ṭawngṭaina) zawhah Tehilim (Sam) 27 "Ledavid Hashem ori veishi..." chu chhiar ṭhin a ni a, he Tehilim thu hian 'Yamim Noraim' (ni ropui leh rapthlak - Rosh Hashana, Yom Kipur, Shmini Atseret) leh Tishrei thla hun chhung vel chu a huam vang a ni.


   'Ledavid Hashem ori' (Lalpa chu ka eng a ni a) tih  hian a sawi tum chu Rosh Hashana chu niin, Lalpa chuan a hmel eng chu kan lamah hawitir se tia kan beiseina ni a ni a, tin, 'Veishi' (min chhandam tu ani) tih hian Yom Kipur chu a sawina ani ,  hemi ni hian Lalpa chuan min chhandam kan beiseina ni a ni a. Tin, a chhunzawm zelnaah 'Ki itspneni besuko...' (a bawk teah mi dah ru dawn si a..) tih hian a sawi tum chu 'Sukot' (Bawkte kut) chu a ni bawk a ni.


    Ashkenazim te chuan Shakharit zing ṭawngṭaina zawhah he Tehilim 27 na hi chhiarin chumi zawhah 'Shofar' (Berampa ki) chu an ham ṭhin a, tunlaiah chuan he tihdan hi Israel zawng zawng ten an ti ṭhin tawh a ni. Tin, hetia Elul thlatir aṭanga Shakharit zawha Shofar ham ṭhin hi Elul thla tawpna, a ni 29 na ni, chu chu Erev Rosh Hashana (Rosh Hashana dawn ni) ah chuan an ham ngai lova, hei hi Elul thla puma hamna 'Tkiot Reshut' leh Rosh Hashana ni a ham, chu chu Torah aṭanga thupek 'Mitsvat Tkiot Khova' nena dai danna atana tih vang a ni.


    Hetia Elul thla puma Shofar hmana hi mipuite thinlung chau tawh tak tih harhna leh kum tluanna nundan pangaia kan nunna ata 'Yamim Noraim' (ni ropui rapthlak) kan chungthu relna ni lo thleng tura mipuite thinlung tihpuahchah tirna tura ham ṭhin a ni. Hei hi Zawlnei Amos-a ziak aṭanga zirchhuah niin, "Im itaka Shofar beir, veam lo yekhradu?" (Khawpuiah te chuan Shofar ham anihin mipui te chuan an hlau lovang em ni?) tih aṭangin a ni.

 

Categories: None

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments