HAKHOKHMA Post Post New Entry

Slikhot - Ngaihdam dilna

Posted by Moshe Ilan on September 15, 2011 at 6:45 PM

סליחות 


    'Edot Hamizrakh' dana kal Sfaradim te chuan Elul thla tir Rosh Khodesh aṭangin 'Slikhot' (ngaihdam dilna) hi a 'Nusakh Kavua' (a tihdan pangai) in an sawi ṭan ṭhin a, Ashkenazim te chuan Rosh Hashana (kum thar) dawn Shabat hnuhnung ber zawh (Motsaei Shabat) aṭangin an sawi ṭan ṭhin a ni.


   Amaherawhchu, Rosh Hashana thlen nan ni thum chauh a awm chuan, a Shabat hmasa leh zawk zawh zan aṭangin an sawi ṭhin a ni, chumi awmzia chu, Rosh Hashana chu Yom Sheni ah emaw, Yom Shlishi ah emaw a tlak chuan, a hma Shabat hmasa hmasa leh zawh aṭangin an sawi ṭhin a ni.


    Slikhot a pawimawh ber chu, 'Shlosh Esreh Midot' chu niin, hei hian hmahruai neiin, 'El-Melekh Yoshev' leh 'El-erekh apaim' ani a, hmanlaiah chuan hei mai bakah Tanakh (Bible) chang te belhin 'Vidui' hmaah an sawi ṭhin a ni. Slikhot a chang te hi Zawlnei Yermiahu ziak "Kumi roi balaila, lerosh ashmurot - Shifkhi kamaim libekh nokhakh pnei Hashem", tih aṭanga lakchhuah a ni.


    Slikhot thu inrem dan hi a pangai reng a, amaherawhchu, a 'Piutim' (Hla thute) te erawh hi chu nitin a danglam thung a, Slikhot a hla thute hi 'Geonim' hunlai a mite ziah a ni. Chung ziaktu te chu, Yosi bar Yosi te, Rabi Sadia te, Rabeinu Gershom meor Hagola te, Rabi Shlomo Itskhaki (Rashi) te, Harashbam te, Rabi Binyamin bar Zerakh (Slikhot Ashkenaz) te, Rabi Moshe Even Ezra (Slikhot Sfard) te an ni.    


    Slikhot sawi hun hi zanlai tak (Khatsot) aṭanga zing ni chhuah (Nets Hakhama) thleng a ni a, Ashkenazim tih ṭhin dan (Minhag) ah chuan Slikhot pathum te chu zanlai kher ah an chhiar ṭhin a, chungte chu, Slikhot hmasa ber Motsaei Shabat ami te, Erev Rosh Hashana Slikhot 'Zakhor Habrit' tia an koh te leh, 'Slikhot Bein kese leasor' a 'Shlosh Esreh Midot' an chhiar te chu niin, hemi zan zawh tukah chuan Torah an chhiar zui ṭhin a ni.


    Hetiang zanlai bika an chhiar ṭhin tih loh, ni dang ho Slikhot te hi chu zing lamah Shakharit ṭawngṭai hma ni chhuah hmain Tefilin zem hma leh Tsittsit sin hmain an chhiar ṭhin a ni.

Categories: None

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments