HAKHOKHMA Post Post New Entry

Israel te leh Hnam dangte inkar

Posted by Moshe Ilan on September 13, 2011 at 8:35 AM

בין ישראל לעמים  -  מפסקי מרן הראשל"צ הרה"ג  מרדכי אליהו זצוק"ל


1.    Mi (Juda) chuan Christian tawngtai na hla angte chu a sa ve tur a ni lova, tiin  Rambam chuan a lehkhabu 'Peer Hador' (סי' סח') ah a ziak a.  tin, Rambam ziah 'Maase Rokeakh' bu ah pawh  hetiang hla lampang hi Thianglo hul hual tiin a ziak a ni.  Tin, hetiang Christian ten an pathian biak na hla leh,  thil siam ang reng reng  hi puitling ten an tih loh natura thehdarh leh tlangzarh leh,  nau zawk nun zir rual tena an tih ve palh lohna tura  zirtir nana hrilhhriat chu Mitsvah ani.           (שו"ת הרב הראשי עמ'25)

 

 2.  Gmara 'Masekhet Shabat' (קמט ) ah chuan heti hian a sawi a, ' An milim (milem) te chu en pawh en loh tur', tiin, achhanchu, 'An pathiante lam ah chuan hawi (peng) suh u', tih a nih angin. Chutiang a nih avang chuan, Sakhuana lama peng theih na,  an sakhuana lam lehkhabu chhung thuziak te, an sakhuana lama milem/thlalak te chu en leh keu vel te chu  Halakha (Juda dan) chuan a lo phal ta lova ni . (ביאור הלכה הלכות שבת סי' שז' ) (שם עמ' 203)

   

 3. Gmara 'Masekhet Sanhedrin' (נט' ע"א ) chuan heti hian a sawi a, 'Jentel mi Torah zir chu a thi ngei tur a ni ', tiin,  tin, Hatosfot (חגיגה יג' ע"א ) ah chuan heti hian an ziak a, 'Jentel miin Torah a zir thiang lo ang bawk in, Jentel mi chu Torah va zirtir thiang lo a ni', tiin , achhanchu, 'Mitdel hma ah a tlukna tur thil i dah tur a ni lo', tih ziak a nih a vangin,  tin, (תהילים קמז ) 'A thu chu  Yakov ho hnen ah a lantir a, ………  Ani chuan eng hnam  chungah mah  chutiang chuan ati ngai lo. A rorelte lah chu an hre hek lo, Halelu-ah', tih ziak ang bawk in.  Hetiang ang zul hian Hnam dang  (נוכרים ) te chu Juda thil zirna Course ang  Tanakh (Bible) shiur ah te, Makheshevet Israel  leh Talmud zirna ah te chuan an zir ve chu phal sak tur a ni lova.  Amaherawhchu , Jentel chuan ama duhna avangin Judate Shiur (zirna) neihna hmunah te chuan a lo lut a nih chuan kan hnawt chhuak kher tur a ni lo a ni. (שם עמ' 263)

 

 4.  Mi chu lo thi in a nu chu Jentel mi ani tih hriatchhuah a nih chuan , Serh tan pawh nise Juda ho Thlan zingah lo , a sir deuhvah phum tur a ni a.  chutiangin, mitthi chu Juda anih leh nih loh hriat a nih loh chuan , a phumna hmun chungchang tur thu avang chuan a theih ang chen chen chhui fiah zet tur a ni a, chutah, Serh lola tan lo pawh nise, Juda a lo nih si chuan phum a nih hmain tan sak phawt tur a ni.  Tin, mitthi chu Juda anih leh nih loh chu hriat chhuah zawh ni lo ta ang se, apangaiin a phum mai theih a, amaherawh chu, Juda thlan dang te nen chuan  an inkarah daidanna siam tur a ni. (שם, עמ' 169)

Categories: Judaism, Halakhot, Juda dan

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments