HAKHOKHMA Post Post New Entry

Mirethei te tanpuina pek

Posted by Moshe Ilan on September 9, 2011 at 2:15 AM

הלכות צדקה  Hilkhot Tsedaka


1.Israel mirethei te hnena ṭanpuina pek (Tsedaka) hi tihtura thupek (Mitsvat ase) zing ami ani a, chuvangin, miretheiin ṭanpuina pe tura a dil reng renga pek tur nei reng si a, hmu lo der leh pe duh lo tu chuan Torah thupek dan a bawhchhia a ni.


2.Tsedaka pek hi thilhlan hlan dang zawng aiin a ropuiin a lian zawk a ni.


3.Tumah Tsedaka a pek avanga retheih phah an awm lova, Tsedaka a pek avangin chunglam aṭangin khawngaihna a dawng zawk a ni.


4.Mirethei ṭawngṭaina chu Lalpan a ngaithla a, chuvangin, mirethei te tihlungnatna lak ah fimkhur rawh.


5.Tsedaka pek hian kan chungthu aṭha zawngin a reltir thei a, tin, kan dam hun chhung a pawtsei thei bawk.


6.Tsedaka pek hi mitin, ama phak tawka ti tura  a chunga innghat a ni a, chuti anih avangin, mirethei, Tsedaka ringa nung pawhin a pe ve ngei tur a ni.


7.Miin a fapa leh a fanu a chawm kher ngai tawh lo te pawh, Torah an zir theih nan leh nunkawng ṭha an zir theih nana ṭanpuina a pek te chu Mitsvat Tsedaka a tling a, chutiangin, a fapa, in hrang chang tawh pawh in, a nu leh a pa hnena an mamawh a pek te chu Mitsvat Tsedaka a ni.


8.Mi chuan a chhung hnaite hnena an mamawh a pek te chu Mitsvat Tsedaka a ni a, chutiangin, mi chuan ṭanpuina tur thil pakhat chiah neita ang se, midang a ṭanpui hma chuan a chhung hnaite mamawh an awm si chuan a ṭanpui hmasa zawk tur a ni, amaherawhchu, a chhung hnai te chuan an mamawh lem kher loh chuan midang, ṭanpui ngai a pe zawk tur a ni. a ṭhenawm te aiin a chhung hnai te, a khua mite aiin a ṭhenawm te, khaw dang mi aiin a khua mi te, chutiang zelin, tin, mirethei te ṭanpuina tur hrim hrima Tsedaka khawntu (entirnan; Gabai Tsedaka) chuan, a chhung hnai te a duhsak bik tur a ni lo thung.


9.Tsedaka petu chuan, phal hmel pu tak, hmel hlim tak hmuh chungin a pe tur a ni a, ui hmel hmuh chung leh hmel ner khum chunga petu chuan Torah dan a bawhchhia a ni.


10.Miretheiin i hnena thil a rawn dil hun chein kut ruakin kal tir suh, pek tur i neih remchan loh pawhin i ṭawngkam hmang talin hnem ang che.


11.Miretheiin i hnena Tsedaka a rawn dilin i pek hmain lo tikhawtlai suh, Torah dan bawhchhiatna a ni.


12.Tsedaka pe tura midang thlem hlawhtlingtu chu a petu aiin a Mitsvah tih a ropui zawk.


קש"ע השלם , סימן לד

Categories: Halakhot, Juda dan, Judaism

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments