Oops! This site has expired. If you are the site owner, please renew your premium subscription or contact support.

HAKHOKHMA Post Post New Entry

Parshat Shoftim

Posted by Moshe Ilan on September 1, 2011 at 4:15 PM

פרשת שפטים  Parshat Shoftim


   "Rorel tute leh, Hotute i insiam ang a..." tiin, kan Parasha chu a inhawng a, he chang hi kan Khakhamimte (Rabi mifing te) chuan zir chiang in, he thu ah hian 'i' tiin, mimal sawina in, ṭawngkam a rawn hmang a, chumi awmzia chu, ahmasaberin mahni leh mahni chu Roreltuah leh Hotuah kan insiam ṭhin phawt tur a ni a, chutianga mahni leh mahni ro kan inrel sak ṭhin chuan keima dinhmuna ding ve, ka mihring puite tan rorel tlak leh, mi dangte chungchang ngaihtuah a sawi theitu ka ni reng em? an dinhmun angah khan ding veta ila, hetiang, ka ngaihdan leh duhdan hian an chungchang thu ka sawi thei reng em? tih kan inhre fo dawn a ni.


    Chuvangin, he thu chang tawite hmang hian, mi chanchin a chhe zawng leh, an awmdan diklo leh an ṭhatlohna leh tlinlohna te chu ka dinhmun leh nihnaa an mahni ang ka han inhmehbel ṭhin ang a, chutichuan, mi chanchin 'relchhiatna' (Leshon Hara) pawh sawi ka tum chang pawh in, ka chunga ro ka inrel ṭhinna kha ka hrechhuak leh ṭhin ang a, tichuan, midang, a tu a te pawh an chanchin ka sawi chhawng mai mai ngam ngai lo ngei ang.


    Tin, (Deut' 17;2) ah chuan Torah thuthlung bawhchhiaa hnam dangte tihdan anga an pathian biakdan anga tihve chu, Judate tan a thian loh dan thu kan hmu leh a, hemi chang atang hian, keini hnam dang ten an pathian an biak ṭhin kar atanga rawn seilian leh, Juda rinawm ni tura Israela awmhmun bengbel tate tan hian a bikin fimkhur theihtawpa kan fimkhur lehzual angai hle a ni.   

   

   (17;11) "Torah dan an kawhhmuh che leh a rorelte an hrilh ang che chu i ti tur a ni a, chumi an hrilh che chu ding lamah leh veilamah i pensan tur a ni lo." tih kan hmuh aṭang hian, Torah zirtu Rabi lian kan tih 'Posek halakha' hoten min hrilh ang  chu ihe lovin kan zawm tur tihna ani a, dinglam leh veilamah i pensan tur a ni lo, tih ziak anih ang hian, 'kan dinglam chu i veilam ani, tiin, min lo hrilh pawh nise, ihe buai lovin kan pawm mai tur ani,' tiin, Halakha chu tihthluk a ni a, hei hi a hrilhfiahna chu,  kan lo hriatdan a kan dinglam ngei nia kan hriat tluk pawha kan chian pawh nise, an ni Posek Halakha te chuan Torah thu aṭang chauhvin min hrilh dawn avangin, an thu chu zawm mai tur tihna ani a, heta ṭang hian keimahni ngaihdan aiin Torah chu kan laltir zawk dawn tihna anih chu.

 

   Tin, hethu zulzui hian, Kan Khakhamim te chuan Brakha te pawh chu an lo siam a, "Asher kideshanu Bemitsvotav ..." (hmang tura thu min pek avangin...) tiin, Torah a 'tihtur thupek' zinga kan hmuh bak chuangliam in, hetiangin; Shabat leh Kut ni meichhit Brakha te, Khanuka mei chhitna brakha te, Purim a Megila chhiar brakha angah te, kan Khakhamim ten ti tura min kawhhmuh ang chuan kan ti ta ṭhin a ni.

 

  Gmaraah 'Masekhet Shabat' (כ"ג, ע"א) ah chuan Khanuka meichhit dawna brakha kan sawiah hian 'a thupek avangin' tih laia hi khawi laia a thupekna atangin nge ni? tiin, an lo zawt a, he Khanuka meichhit hi 'Derabanan' (Rabi te dan siam) chauh ani lawm ni? Engtia P'  thupek anga sawi nge anih nachhan? tiin, Hamora Rav Ivi chuan , he chang "An hrilh ang che chu dinglamah leh veilamah i pensan tur ani lo." tih chang aṭang hian mawle tiin a chhang a ni.

 

    Tin, (17;15) "Ram dang mi chu i chungah Lalah i siam tur ani lo" tih inziak chang aṭang hian, hnam dang nihna emaw, Juda nihnaa rinhlelh avanga Giur te chu Israel Lal atan siam thiang ani lova, hei hi Giur ngai lo, Juda ni reng sate nena ingiurte danglamna a ni a, he thu atang hian, kei nina kan lo sawi ve fo , 'Ger Tsedek'  mi emaw, 'Ger Khumra' mi emaw pawh ni se, ingiur ngai lote nena danglamna awmchhun chu hei chuah hi a ni.

     (Ger te chu i hmangaih tur a ni, tih nen pawh hian ti an awm bawk. Mahse, hei hi 'nangmah i inhmangaih angin i thiante hmangaih rawh' tih nen khan thuhmun aniin, Ger an nih vangin, Israel dangte aia hmangaih bik tur tih a ni lo,an ti bawk ani.)

 


Categories: None

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments