HAKHOKHMA Post Post New Entry

Parshat Reeh

Posted by Moshe Ilan on August 24, 2011 at 5:20 PM

 פרשת ראה   Parshat Reeh (Deuteronomy 11;26 - 16;17)


    Hatsadik Rabi Mordekhai Milgorai chuan, Parshat Reeh inṭanna leh, a parasha hmasa Parshat 'Ekev' tawpna inlaichinna chu heti hian a sawi a, "Parasha hmasa chu 'in va luah tur ram zawng zawngah chuan nangmahni ṭihna leh hlauhna a awm tir ang,' tiin khar a ni a, chutiangin, tun Parasha chu 'En teh, vawiinah hian in hmaah malsawmna leh anchhia ka pea che u,' tiin, a inṭan a, chuti a lo nih chuan, kan va luah tur ramah chuan Lalpa malsawmna lam kan thlan loh va, a thupek leh a dante kan hawisan chuan, hnam dangte laka hlauhna chu a tiam rama Israelte chungah chuan a awm tir ang a, hnam dangte chu kan chungah an inlulingin Judate chuan hnam dangte lakah hlauna namen loh an nei dawn a, amaherawhchu, a malsawmna lam kan thlan a, a dan leh thupekte kan zawm zawk erawh chuan, hnam dangte lakah Israelte min ṭihna chu a awm tir zawk ang a, hnam dangte chuan Judate zai an ngaichangin , an hlau hliah hliah dawn a ni," a ti a.


   He thu aṭang hian tunlai Israel ram dinhmun leh, hmanlai Yehoshua hunlai te, Lal David-a hunlai te , Lal Khizkia hunlai te, Juda ten Lalpa dan leh thupek kan zawm ṭhat lai hunte han khaikhin chhin ta ila, a dik zia kan hmu chiang thei hlein a rinawm.       


     Kan Parasha hawnnaah chuan malsawmna dawn theihna leh, anchhe dawn theihna thuin a inṭan a, a sawi zawm zelnaah malsawmna dawn theihna chu a thupekte (Mitsvot) zawm ani a, tin, anchhe dawn theihna chu a thupekte hawisan a, zawm duh lova hnam dangte pathian biak anga tihve san chu a ni.


    (Deut' 12;8) Kan mit hmuha ṭha kan tihdan zawng emaw, kan duh dan leh ngaihdan zawng zawnga ama rawng kan bawlna tur chu kan insiamchawp leh kan kalpui mai chu Lalpa P' chuan a duh lova,  (Deut' 11;32) Thlalera kan pi leh pute hnena thu a lo pek , a ramtiam kan luh huna kan zawm tur dan leh rorel zawng zawngte chu fimkhur taka zawm a, vawng tlat zawk turin min duh a ni.   


     (Deut' 12;30) Heng hnamdang kan sawi Juda nilo te hian an duh duh danin an pathian rawng chu an bawl thei a, nawm hmel tak tak, hlimawm leh zalen tak, tihve chhin mai pawh chakawm tak hialin kan mit hmuhah leh kan beng hriatah an lo ti pawh ani maithei a, amaherawhchu, chung ang, an tihdante chu zawh leh mitsir chhin pawh Lalpa P' chuan a fa Israelte tan chuan a phal lova , chung, an tihdan te chu kan P' ngaihin thil tenawm tak takte leh, a huat tak takte an nih hlawm tlat avangin, kan tan chuan (Deut' 12;32) tih tura thu min pek te chuah chu, belhchhah leh paihṭhen miah lova, a chiah chiaha kan tih chu a duh ani.


   Kan Parasha hawnna hi 'Reeh" (en teh) tiin, mi pakhat biakin a hnam thlan Israel te chu a bia a, chuvangin, Israelte chu Thlarau lawngpui khatah chuang za kan ni a, kan zinga mipakhat chuan chu a lawng chuanna hnuai chu, "Ka huang chhung ani a, ka thu thu a ni mai," tiin, lo verh pawp ta se, kan zaa pil theihna anih dawn avangin, (Deut' 13;6) kan zinga mipakhat lek pawh, kan unau ani emaw, kan ṭhian anih emaw pawhin, chutianga hnam dangte tih anga ti ve chhin tura min thlem anih vaih chuan, a thurawn ang chu kan pawm tur ani lova, amah chu kan khawngaih tur a ni lova, kan thup tur ani hek lo. Ualau takin, a hre hmasa sain kan puangzar anga, tichuan, Israel mipui zawng zawngte chuan a chunga kan tihtur chu kan ti tur ani tih hi Torah a thupek (Mitsvah) ani.


   Chu mi chuan Mitsraim ram ata kan pi leh pute hruaichhuak tu Lalpa kan P' lak ata min tihpenna a zawn a avangin.  


* Parshat Reeh - by Yoel Ilan - Click here

 


Categories: None

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments