HAKHOKHMA Post Post New Entry

Jentel chhang siam

Posted by Moshe Ilan on August 23, 2011 at 10:15 AM

דיני פת עכו"ם  Pat Akum (Jentel Chhang siam)


1.'Pat' (Chhang) chu 'Khamesht Minei Dagan' (Buh lam chi chi 5 te) atanga siam chu, a chhangphut leh a hmanrua te chu 'Kasher' (Thianghlim) vek pawh nise, Jentel mi siam anih chuan ei thiang ani lova, hei hi inneih pawlhna emaw, inhnaihna lak atanga fimkhur thuhla avanga thianglo ani a, tin, Rashi chuan Jentel mi chu rin ngam tur ani lova, achhanchu, ei thianglo an lo pawlh theih vang ani ati bawk. 'Khameshet Minei Dagan' hi Khitim, Seorim, Kusmim, Shifon leh Shibolet Shual te an ni. שו"ע יו"ד קיב

 


*Thil dang atanga chhang siam (Buh, vaimim, Alu, etc…;) te chu, 'Pat Akum' hian a huam lova, amaherawhchu, chungte chu Jentel eitur siam chungchang dan in a huam leh thung ani.

 


*Balaka'n Bilaam-a Israel te anchhe lawh tura a sawm khan mal a sawm hlauh ta si a, chuvangin, Balaka chuan Moav nula te chu Israel mipa te nen a inkawmngaih tira, tichuan, nupui pasal a inneiin Avoda Zara (milem biakna) ah an tluk phah.

 


     Amaherawhchu, Jentel chhang siam ah chuan Juda miin engemaw thiltih aneih tel ve chuan thiang ani a, chung chu;

 (1) A urna mei tihsan.

 (2) A urna chhunga chhang ur tura chu dah luh.

 (3) A meiling chu tuah that.

 (4) A mei chhunga hmawlh te paih luh.

    – hetiang hi Juda miin a tih tel ve chuan Jentel chhang ur chu ei thiang a ni. שו"ע ורמ"א יו"ד קיב, ט

 


2.Mahni in atang chuan Juda mi chhang siam chu Mil khat kal (18 minute) ang vel a zawng tur a ni a, tin, zin kawnga kal mek chuan Juda  mi chhang siam chu 4 Mil kal (72 minute) a kal zelna lam kawng hawi zawngin a zawng tur ani.


    Tin, chutianga a kal zelna lama a hmuh zawh loh chuan, a kir na lam hawi zawngin Reva Parsa (1200 meter) thleng a zawng thei bawk. שו"ע שם , עפ"י ערוה"ש ליו"ד קיב

   

 

     Chutiang ang huam chhunga a hmuh zawh loh chuan 'Khaiei Nefesh' (a nunna turin) ni 3 chhung Juda chhang a zawng anga, tin, ni thum chhung kher lo pawhin Shabat luh dawn thlengin a zawng thei bawk, chutianga  Juda chhang siam a hmuh zawh loh chuan, Jentel mi chhang siam Kasher (ei thianglo tel lo, a chhangphut hrikfai bawk)  chu a ei thei ang.

 


3.Israel chhang siam chu a hmuh zawh ngang loh chuan (Aseret yemei tshuva tih chauh lovah chuan – he mi hun lai hi chuan Juda mi chuan chhang siamna ah chuan thiltih a nei ve ngei tur a ni) Jentel chhang urna bik in atanga chhang siam chu a ei thei ang, chu chu "Pat Palter" tih ani a, 'Nakhtom Goi' tih ani bawk, amaherawhchu, Jentel mi chuan ama ei tur bikin (zawrh atana a tih lem loh) a in a a siam chhang chu a hmanrua engkim Kasher vek pawh nise ei a thiang chuang lo. Enge maw loh theih loh hun tihah chauh lo chuan.  שו"ע שם, ט"ז וש"ך

 


4.Juda mi chuan Jentel awmpui lo neiin, chu chuan Juda inah chuan chhang lo ur ta ang se,  a chhang siam chu kan ei thiang lova, tin, a ur hmin ang rau rau pawh chuan Jentel te hnena zawrh chhawn thiang lo ani, amaherawhchu, chu chhang chu zai phel anih hnuah chuan jentel mite hnena zawrh chhawn thiang a ni, hei hi Juda mi hnena a hralh chhawn leh lohna tura chhinchhiahna siam a ni.

Categories: Kashrut, Halakhot, Juda dan

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments