HAKHOKHMA Post Post New Entry

Rabbinate of Benei Menashe

Posted by hakhokhma on August 6, 2011 at 2:25 PM

הרבנות של בני מנשה

Bnei Menashe Unau duh tak te.

    A hmasain in zavai a chungah Shalom awm rawh se.


     Hei keini Bnei Menashe te chu kum sanghnih leh zasarih chuang kan vahvaih hnu ah Hashem hmangaihna leh ngilneihna avang in Ramthianghlim ah Thlarau tui hal em em in kan hawngkir leh ta a. Ramthianghlim kan pi leh pu ten Thlarau taka an lo hmuh dan leh an lo thlir dan leh atak a Israel ram a thil awm a in perhsan hle mai a,tam tak in nun beidawn phahnan leh rilru hnufual nan te kan hmang hial a.Tin,thenkhat in ramthianghlim ah Hashem in min hruaikir leh chhan theihnghilh in khawvel tisa thil um in kan nitin hun kan hmang thin a,kan thlarau nun ram a chau tan hle niin a lang.Tin,he lai a Juda Israeli lo awm hmasa te pawhin thlarau beiseina sang tak kan chunga an lo neih thin te pawh beidawnna ah a changzo ta a,a tir a min lohmuh tum dan leh min lo beisei dan nen pawh tun a kan awmdan leh khawsak dan chu a in persan ta emem mai a ni.


    Tumah thiam loh tur kan awm lo a,ram thianghlim kan luh tirh ata Pathian thu a inkaihhruainamumal leh felfai kan neih loh vang mai a ni a,Beram rual vengtu neilo ang mai in mahni tlat tlat a tla in mitin in mahni duh zawng leh nuam tih zawng tih nan hun kan hmang thin a,chuvang in tun kan din hmun pawh hi thleng kanni ta ani.


    Thlarau boral hlenna kan thlenhma a Insiamthatna atan a la tlai chhe lo a,Chuvangin kan Upate rawn chung leh kaihhruaina in mumal tak a kan Community Pathian thu a inkaihhruaina a lo awm theihnan “Rabbinate of Bnei Menashe” chu Hashem zar ah din a lo nita a,hemi hmang hian theih tawp in kan hnam sakhuana kawng a hmasawnna leh changkanna tur ngaihtuah in a awm dawn ani. He Rabbinate hian hleibik nei miah lo in kan hnam pumpui rawngbawlna a nei anga,Torah zirtirna shiurim bak ah sakhuana chungchang hrim hrim,leh chhiatni thatni ah theihtawp in in tawiawm in kan mamawh phuhruk nan hma a la dawn ani. Chuvangin mi tu pawh he Rabbinate hi kan zavaia tan rawngbawl tur ani tih hre reng in mahni ta ang a en a,tawiawm a,a hmalakna ah pawh thurawn fin thlak tak tak pe thin tur in ngen vek kanni bawk e.


    He Rabbinate hmalakna tur a phaltak a Sawma pakhat rawn chhunglut tute hnen ah lawmthu ka sawi mawlh mawlh a,sawm a pakhat chu Vanneihna chahbi ani kan Torah mithiam ten an tih ang in Hashem in vanneihna leh malsawmna in vur che u rawh se,Amen.


          In tan a rinawm

Chairman - Rabbi Gurion Sela

for contact - click here


Source; 'Or Menashe' 6/8/2011

Categories: Kehila, Community, Politics, News

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

2 Comments

Reply hakhokhma
3:52 PM on August 6, 2011 
Jeremy says...
Can anyone translate into English, I can not understand. Who is the leader of the rabbinate? How you are?

Hi , Jeremy you can contact by clicking on - for contact
Reply Jeremy
2:57 PM on August 6, 2011 
Can anyone translate into English, I can not understand. Who is the leader of the rabbinate? How you are?