HAKHOKHMA Post Post New Entry

Seuda Hamafseket - Tisha Beav dawn niin

Posted by Moshe Ilan on August 5, 2011 at 1:30 AM

סעודה המפסקת לפני תשעה באב

 

   Tisha Beav chawnghei dawn nia chaw ei hnuhnung ber chu 'Seuda Hamafseket' tia koh a ni a, hetah hian tawngkaa "hei hi chawnghei hun thlen hmaa ka chaw ei hnuhnung ber ani ang", tia a sawi chhuah kher loh chuan ahnu lamah pawh thil dang ala ei thiang a ni.


   Ni tlak hmain a ei kham hman tur a ni a, ni tlak hnu arsi lan hma si 'Bein Hashmashot' ah chuan engmah a eiin a in thiang tawh lo a ni, hetih hunlai hian Savun pheikhawk nilo chu lo bun tan tawh tur a ni.


    He chaw einaah hian Sa, Wine, Sangha leh bul bawk (צנון ) leh thil al lutuk lam a ei tur ani lova, tin, thil chhum hmin (Tavshil ) chu chi khat aia tam ei thiang ani lo bawk a ni, amaherawhchu, thil chi khat aia tam chu bel pakhat chhunga chhum hmin rual anih chuan ei theih ani a, hetiangin; dailuah chhum chhunga artui thlak hming ang te, bai ang te, chutiangin, Lusun te ei thin ang dailuah chu a chhunga artui chhum hmin bawkin an ei thin a ni.

 

   Chhum tih hian kan pawh a huam a, amaherawhchu, chhang ur hmin leh hel ei theih rah angte a huam ve lova, chutiang ang hel rah ei theih ang chi chu chi hran hran pawh a ei tel thiang a ni.  


    Seuda tih anih avangin hetah hian chhang (Khameshet minei Dagan- buh lam chi chi 5 te atanga siam) chu ei tel ngei ngei tur a ni a, chuti anih chuan Chhang, dailuah leh a chhunga chhum hmin artui leh hel rah ei ang chi leh intur chi khat chauh kan ei leh in thiang tihna anih chu, intur chi pawh hi (ni pangaia kan in thin ang chi) chi khat , dan narana ka in thin ang chuah kan in tel thiang ani. ( Chhang chu Ur hmin anih avangin Chhum hmin (Tavshil) tih hian a huam ve lo a ni. )


   Orez (Buhfai) kan ei tel duh anih chuan buaina a awm ta tihna a, a chhanchu, chaw (buh) chu chhum hmin (Tavshil) anih vangin ani a, mahse, chaw chhum chhunga Artui kan chhum tel anih chuan, artui chauh chu kan hmeh thei tihna anih chu, mahse, he 'Seuda Mafseket' hma deuh hian chaw pangaiin kan lo inhnawhpuar lawk thei tho bawk.  Tichuan, a huna he Seuda hi ei leh main, anih dan tur ang taka tiin 'Seuda Hamafseket Mitsvah'  chu tiin, 'Kezait' ( gram 26 )  lek pawh kan ei anih chuan kan fihlim et thei dawn tho tihna anih chu.


Seuda Mafseket a ei dan tur:-  *Chhang gram 26 aia rit. + Dailuah chhum leh a chhunga Artui chhum hmin, + Lehkha hal vap chu chhang ah kan hnawm bawk tur ani . (Salat ang chi chu hel ei theih chia siamin kan duh duh kan ei tel thei bawk. ) + Tui emaw, thei tui ni narana kan in fo thin ang. Te chu kan ei tur ani.

 

   He 'Seuda' ah hian puar lutuka ei tur a ni lova, 'Beit Hamikdash' (Temple) chhia chu sunin, tuna chaw kan ei hi Lusunna chaw ani tih hre rengin, puar lutuka ei tur a ni lova, kan taksain chaw a nghei pui theih tawk tur ang chu kan ei thiam tur a ni.


   Hemi ni hi Lusn ni, mahni intihhreawm ni anih avangin, kan chak zawng ang te pawh chu lem tur mah ni lose, kan hmuam thiang lo a ni.


    Hetia thil chhum hmin ang 'Tavshil' hi chi khat chauh ei tur kan tih angin, thil inang a siam dan pawh thuhmun anih chuan, bel dang ami pawh chu kan ei thiang a, mahse, tlema tihdanglam bel 1na ami chu a tui neiin, bel dang ami chu thil thuhmin si,  a rova (tui tlem te a ) chhum emaw anih chuan, chutiang anga a siam dan danglam ang te chu  kan kan ei thiang lo  ani.


   Tin, he Seuda Hamafseket kan ei lai hian chhuat ah emaw, sum 3 aia hniam thuthlengah emaw kan thu tur a ni.

Categories: Taaniot, Chawnghei, Judaism

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments