HAKHOKHMA Post Post New Entry

Tisha Beav

Posted by hakhokhma on August 4, 2011 at 9:40 PM

תשעה באב  Av ni 9


   He ni hi hnam pum chhiat tawh lusun ni a ni. 'Mishna' chuan he niah hian thil thalo chi 5 a thleng ati a, chungte chu chiang lehzual zawkin 'Masekhet Taanit' ah zir chian theih a ni.


1.Hemi ni hi ram enthla tute avangin thlaler ah thi tura kan pi leh pute chungthu rel ni a ni.


2.Beit Hamikdash (Temple) 1na chhiat ni a ni a, Temple 1na hun laiin Bavel ho chuan Av ni 9 thlen dawn tlai 'Bein Haarbaim' ah Temple chu hal tannin zan khuaa alhin, atuk Av ni 9 nileng leh, atuk leh Av ni10 tlai lam thleng chuan a kang ani. Av ni 10 chhun lai tak  thleng hian Sa ei leh Wine in chu ala thiang lova, hetiang hian Ashkenazim ho chuan chhun thleng hian an serh a, tin, Sefardim ho chuan Av ni 10 ni pumhlum pawh chu Sa lei leh Wine in chungchangah hian an in serh bawk ani. Tin, Sa ei leh Wine in chungchang hi Shulkhan Arukh chuan a ziahlan ni mahse, a thianglo dang ho pawh kha tih tur ani chuang lo a ni.


     Tin, Tisha Beav chu Shabat nia a tlak chuan atuk Yom Rishon ( Av ni 10 ) ah sawn ani a, chuti alo nih chuan atuk leh Yom Sheni ( Av ni 11 ) ah chuan engmah serh a ngai tawh lo ani, amaherawhchu, a zan (Av ni 10 zan ) chuan serh tho tur niin, Sa ei leh Wine in te leh Tisha Beav nia thianglo ho te chu la tih loh tur a ni.


    Tisha Beav chu Yom Rishon a a tlak chuan, a hma Shabat ni chuan Shabat dang ang thova hman tur a ni a, mahse, Harama (Rabi Moshe Iserlish) (תקנא, א ) chuan Tisha Beav dawn Shabat ni (Shabat Khazon) chuan ni pangaia kan hak thawmhnaw chu thlak chuang tur ani lo a ti a, mahse, Ashkenaz Rabi lian hote chuan he thu hi an kalh a, achhanchu, Shabat ni chuan lusunna dan a awm loh avangin, Shabat thawmhnaw hak tur an ti a ni.


    Tichuan, he Shabat ni hian wine in te sa ei te pawh chu thiang a ni a, mahse, Shabat chhuah hun pangai chu arsi 3 lan hun ni mahse, chaw nghei chu ni tlak atanga a intan avangin, ni tlak hma hian Seuda Shlishit chu ei kham hman tur a ni a, tichuan, hemi zan (Motsaei Shabat) hian Tefilat Arvit chu tlema sawn tlai hret thin a ni a, hei hi mipui te chaun Tisha Beav atana an lo inbuatsaih hman theihna tur atana tih a ni.


   Ni tlak hnu atang chuan ei leh in thiang ani tawh lova, mahse, chuti chung pawhin lusunna thil lam chu ngaihtuah leh chumi atan chuan lo inbuatsaih lawk thiang ani chuang lo.


     Shabat zawh zan chuan arsi 3 lan hnuah 'Barukh ata Ad-nai elokeinu melekh haolam hamavdil bein kodesh lekhol' tih sawi vat tur a ni a, chumi hnuah chuan kan thawmhnaw hak balh sa te chu hak leh tur a ni a, (thawmhnaw suk fai sa hak thiang a ni lo), tichuan, Tisha Beav nia kan pheikhawk bun tur Savun atanga siam nilo chu kan bun tawh bawk ang a, chumi zawhah chuan Beit Kneset ah Arvit hmang tur leh 'Megilat Eikha' ngaithla turin kan kal tawh dawn a ni.


    HAVDALA: Chawnghei anih tawh avangin Havdala chu wine nen tih thiang alo ni tawh dawn lo va, Arvit kan hman naa 'Shmone Esre' ah 'Ata khonantanu' kan sawi tel khan hemi zan atana kan Havdala hman chu a huam tawh a,  chuvangin, Arvit atanga kan haw thlen veleh kan in ah theuh Bati (Ner) chu chhiin 'Bore Meorei Haesh' chu kan sawi ang a, tichuan, atuk (Tisha Beav) Chawnghei chu a zawh hunah chaw kan ei hmain Wine nen Havdala kan hmang thung ang, hetah hian rimtui leh Bati hman tel angai tawh lova, Brakhot pahnih kan sawi angai a, chu chu, 'Bore peri hagafen' leh 'Barukh.... Hamavdil bein kodeh lekhol' te an ni.


3.Beit Hamikdash (Temple) 2na hi Av ni 9 ah Rom Lal Titus misuala'n a tichhe bawk a ni.


4.Hemi ni hian Bar Kokhva hun laiin Beitar khawpui chu Rom Sipai ten an hual bet a, chutih hunlai chuan Beitar khua chu Juda te chen hnem berna leh Torah khaw hmunpui ber a ni a. Hetia an hual behna avang  hian Juda te chu an thlarau lam leh an taksa ah namen lohvin an tuar phah a ni.


5.Khawpui rih khawh ni . Bar Kokhva chu tukdawl anih hnu hian Rom ho chuan Juda te hriatrengna chu Israel te rama pakhat te mah a awm lohna turin Jerusalem khawpui chu a dung leh vang zawingin an rit khawk vek a, Jerusalem pawh chu 'Ilia Kapitolina' tiin a hming an thlak bawk a, tin, Israel ram pawh chu a ram chhim lama hnam tlem te 'Plishti' hnam hming chawi tirin 'Palestina' ti a thlak sak ani bawk a, tin, heng hnam 'Plishtim' ho hi tun laiah an ralthum tawh a ni.


        Tisha Beav chawnghei chu a ni hma tlai ni tlak atanga intanin, atuk Tisha Beav zawh tlai Arsi lan thlengin chaw nghei tur a ni.


    Chaw nghei tan hma hian 'Seuda Hamafseket' ei tur a ni a, hetah hian Thil chhum/kan ( Tavshil ) chu chi khat aia tam ei athiang lova, hetah hian Lusun te ei thin ang, Artui pum chhum chu ei tel tur ani a, tin, Lekhem ( Chhangthawp ) chu Lehkha hal vap ah tulh tur a ni, hei hian a entir chu, Beit Hamikdash halna vap chu kan tan pawh ala awm vein kan tem ve a ni tih a entir a ni.


   Tisha Beav ni hian thianglo hrang hrang a awm a, chungte chu; Ei leh in te, Inbual leh insil te, Cream leh hriak lam inhnawih te, Savun pheikhawk bun te, Nupatna hman te, Torah zir te chu thiang lo a ni.


   Tisha Beav zan chuan Beit Kneset ah Arvit hman zawh ah 'Megilat Eikha' (Jeremia tah hla) ngaihthlak tur a ni a, hetih lai hian chhuat ah emaw, sum 3 aia hniam thuthleng ah thut thin a ni a, tin, a tuk chawhhma chhung zawng pawh chuan thutna hniam ah la thut tur a ni, hemi ni hian in Shalom pawh thianglo a ni.


    Tisha Beav zing Shakharit na ah Tsittsit sin leh Tefilin zem tur a ni lova, Minkha chawhnu tawngtaina ah erawh chuan Tsittsit leh Tefilin hi hman tur a ni thung. Tichuan, a zawh tlai Arvit zawh chuan 'Kidush Levana' (Thla thar malsawmna) chu hman tur a ni a, chumi zawh ah chauh chuan chaw chu a ei theih tawh a ni. Tah hian Bawnghnute lam chaw ei thin a ni a, a chhanchu, a tuk chawhnu her thleng chuan Sa leh Wine lam ei ala thian loh vang a ni.


  Enge maw chhan dang (raipuar, nau nei hlim, damlo, sipaia awm etc..) vang emawa chawnghei chungchanga  harsatna nei te chuan a ni (Av ni 9)  hmain Rav te zawh hmasak tur.


                               Tsom Moil lekulam  !!!

Categories: Taaniot, Chawnghei, Judaism

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments