Oops! This site has expired. If you are the site owner, please renew your premium subscription or contact support.

HAKHOKHMA Post Post New Entry

Parshat Masei

Posted by hakhokhma on July 28, 2011 at 9:15 PM

פרשת מסעי  (Number - 33 - 36;13)

    Parshat 'Masei' ah chuan kan pi leh pute Mitsraim (Aigupta) ram ata Ramses atanga an chhuah atangin, ramtiam an luh dawn thleng Moav ruama Avel Hashitim a an kal dan leh vawi 42 lai an inkulh lailawkna hmun te chu, Parshiot hmalam hotea kan hmuh fo tawh te chu chiang tak takin a sawi nawn vek ani.


    Torah ah hian awmze nei lova thil ziah a awm lo tih anih angin, kan mithiam te chuan engvanga a hma lamtea sawi tawh nisi hi, he Parashaah hian a sawi nawn leh kher tih chu an lo chhut a.


    Rambam chuan "Lalpa P' chuan hun lola kal zel tura thangthar ten, kan pi leh pute chu Thlalerah rei tak an awm theih nachhan chu thlaler hmuna an tangkhang lai khan a hmuna khaw awmte bulah te, hnim tamna hmunah te an inkulh zelin rei tak an awm theih phah ani, tiin ngaihna a lo la awm theih phah anga , chuchuan thlalera kan pi leh pute chunga Lalpa P' thiltih mak thleng te chu a theihnghilh tir phah theih dawn avang ani," ati a.


    Rabi Avraham Menakhem Rapa chuan "Heng thil te hi Torah a ziahlan anih nachhan chu, heng hmun velah te hian Israel mi chu a kal remchan huna Brakha (malsawmna) "Barukh Sheasa laavoteinu nes bamakom haze" tih a sawi theih nan chiang tak takin Torah chuan a ziak lang ani," ati ve bawk.


    Israel mifingte chuan Parshat 'Masei' hi 'Bein Hametsarim' (Temple tihchhiat anih dawnlai vel hun) a chhiar tur chiahin alo tla thin a, hei hian a tum chu , Israel mite thinlung na tur hnem nan leh tihchak sauh nan niin, parasha chhunga kan hmuh angin, 'Israel hnam ten ram an insem dan chungchang vel' thu kan hmu a, hei hian hun lola kal tura Beit Hamikdash (Temple) te sak anih leh hnuah chuan Israel mi zawng zawngte  chu an pi leh pute ramah ngei chuan thlamuang taka an la awm dawn zia ahril ani, an lo ti ani.


Categories: Judaism

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments