HAKHOKHMA Post Post New Entry

Lai hrui tangkaina.

Posted by hakhokhma on July 27, 2011 at 12:05 PM

   Naute hi nu pum chhunga a awm lai hian Lai hrui hian hna pawimawh tak a thawk a, he lai hrui atang hian naute chuan Oxygen leh amahmawh tur a chaw te chu dawng sawngin lakluh nan a hmang a, tichuan, naute chu alo pianchhuah hnu chuan a lai hrui chu hlehchhum sak niin, a ka atanga chawte a lo lakluh theih chinah chuan, a lai pawh chu lo rovin, a lo phui ta a, tichuan, doctor te leh biology lama mithiam te chuan, hetia lai a phui chiah atang hian lai chuan a tihtur (duty) chu a tizo tain, tangkaina a awm tawh lo niin an ngai ani.

 

   Amaherawhchu, Judate lehkhabu "Taamei haminhagim umekorei hadinim" ah chuan, mihring lai hian kan dam chhung, kan  thih hma zawngin tihtur (duty) pawimawh tak ala nei a, chu chu kan damloh nikhuaa kan taksa atanga engemaw natnahrik (infection) thenkhat hip chhuah nan ahman theih ani tiin a ziak a. Hetiangin; "Mitliam (Jaundice) nei chuan, mipa anih chuan Parva pa, hmeichhia anih chuan Parva nu ala anga, chu parva chu a lai zawnah chuan a thut tir anga, tichuan, Parva chu a thih thlengin a laiah chuan thuttir ang," tiin.

 

   Hetianga Sakhaw lam miten Mitliam natna neite an enkawl thin chu doctor te chuan nasa taka sawiselin, tawngkau chhe tak takte an phuhchhuah khum bawk a, an zinga tlema anchhia phuh chhuak lo pawl zinga Israel Medical Ministry zinga doctor thiam tak pakhat Dr.Stark  chuan "Mitliam natna hi parva mai maiin a tih dam theih loh tur zia hi thil chiang ani" tiin a sawi ve bawk.  

 

    Amaherawhchu, Chanchinbu lamin hetianga Mitliam enkawl dan mak tak , parva hmanga mihring kawchhunga Mitliam natna hrik awm an chu hlawhtling taka an hip chhuah dan chu an tarlan tak chuai chuai avang chuan, medical lam mithiam te pawh chuan ngaihven rilruk a hlawh ta hial a.

 

   Tichuan, kum 1987 khan Israel doctor thiam rual te chuan Research an bei ta a, he research beitu team leader hi Dr.Y.Goldstein , Netanya khua ami ani a, an ni hian Mitliam natna nei engemaw zat te chu hetiang hian Parva hmang hian an enkawl chhin ta a, tichuan, an thisen an test zui reng bawk a, an thisen test naa an en ber chu an thisenah chuan Bilurobin awm chu engtiangin nge a danglam tih ani a, hei hian an thisena Mitliam hrik tlak hniam dan a hril ani.

 

  An team zingah hian Dr. Yekutiel Sharabi pawh an telh ve a, ani hi Israel rama ran doctor (Veterinary) thiam ber te zinga mi leh Tel Aviv hmar lama ran damdawiin neitu a ni bawk ani. Ani tihtur chu hetianga parva te hi damlo laia an thuttir avanga hun rei lotea an thihna chhan chhui tura tih niin, para thite chu lo zaiin a lo endik thin a ni.

 

  Hetianga an chhuina Result hian a chhuitu doctor rualte mak tih a hlawh kher mai a, hetianga parva pakhat hmanga Mitliam hrik an hipchhuah hnu huan damlo thisen atang chuan a thisena Biurobin awm chu 25% in atla hniam zel tih an hmuchhuak a ni. Chutiangin, chhum lo chat lova hetianga damlo an enkawl te hi a ni thum tukah dam tha pialin an dam vah zel bawk a ni. Hetiang enkawlna dan mak nilo, damdawi hmanga a hun taka doctor ten an enkawl thin te hi dan naranin an enkawl atanga ani 28 na bawr velah an dam chauh thin a ni.

 

   Dr. Sharabi-a Research beih zelnaah, mi dam tha pangai (Mitliam natna nei lo) te laia parva thuttirin engmah parvaah danglamna a awm ngai lo tih hmuchhuah ani bawk.

 

  Tin, Dr, Stark-a sawidan kalhin hetianga damlo hnena parva awmtir hian damlo hnenah natna dang leh bawlhhlawh a pek phah thei a tih chu, engmah a awm lo tih hmuhchhuah ani bawkin, thil danglam awm chhun erawh chu, parva thite an zainaa an hmuhchhuah chu hetianga natna hrik hiptu parva te thin hi parva dang pangai thin aiin a lian hret zel tih hmuhchhuah ani bawk a ni. He Mitliam natna hi dam lo taksaa a awmna ber chu a thinah ani bawk a ni.

Categories: Judaism, Article, Khinukh, Education

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

1 Comment

Reply hakhokhma
6:01 AM on July 31, 2011 
Nichanpa: Laihrui tangkaina tih hi a tha khop mai.Hetiang an hman lai ngei a practical in in hmu ve toh ngai em le? Kei chu ka hmu toh asin,interesting tak ani.


Nichanpa: Rav Avichaila fanute nupa chu kum1992 kum vl khan Mitliam an vei ve2 a,tichuan Khasid papakhat hian Parva engemo zat ron kengin a han songbol vel ta a,reilo te hnuah Parva chu a thle lep2 a,a thi der mai ani.Ticuan nireilo te hnuah tunthleng hian an damtha ta zel a ni.