HAKHOKHMA Post Post New Entry

Yemei Bein Hametsarim

Posted by Moshe Ilan on July 14, 2011 at 7:50 PM

Yemei Bein Hametsarim  (Hreawm tawrhna inkar nite) ימי בין המצרים

 

       Jerusalem kulh bang sutkeh anih Tamuz ni 17 atanga Temple tihchhiat tan ni thleng Av ni 9 inkar chhung ni 21 chhung hi 'Yemei Bein Hametsarim' (Hreawmna hun chhung) tih ani a,  hemi hun chhung hi Lusun ang maia Lungngaihna hun anga hman tur ani a, chuvangin hemi hun kar 3 chhunga hman tur dan leh dun engemaw zat a awm a, chung zinga thenkhatte chu i han zir chiang dawn teh ang. [קש"ע השלם סימן קכב]

 

1. P-thian tih/hlau tu apiangte chuan he hun chhung hian nitin 'Tikun Khatsot' chu chhiar atha ani.

 

2. He hun chhung hian Inneihna tih awih ani lova, amaerawh chu, inhualna chu Rosh Khodesh Av thlengin atih theih a, Shidukh erawh chu ruai tel lovin Rosh Khodesh hnuah pawh atih theih a ni.

 

3. Tamuz ni 17 atang hian Music lam tum leh ngaihthlak thiang ani lova, amaherawh chu, Music tuma eizawng chuan Rosh Khodesh thlengin Jentel hnenah chuan rimawi ala tum thiang a. Tin, chawnghei niah chuan atum thiang chuang lo ani.

 

4. Tamuz ni 17 atanga Av ni 9 zawh thleng chuan Sa leh Wine lam ei leh in chu Shabat ni leh Mitsvah ruai tih chauh lovah chuan thiang ani lova, amaherawh chu Rosh Khodesh Av atang chauhva Sa ei lo tan pawh an awm, tin Gmara ah chuan Tisha Beav dawn 'Seuda Mafseket' atang chuahvin Sa ei loh tur tih ani a, chutiang ang chuan tunlaiah pawh Teimanim ho chuan an ti a ni.

 

5. 'Shehekhiyanu' sawi thiang anih loh avangin thawmhnaw thar hak awih ani lova, 'Pidion Haben' ah erawh chuan a sawi theih a, tin, Theirah ah pawh Shabat niah a sawi theih a, tin, Shabat ni leh Av ni 9 hnuah a awm tawh dawn loh chuan ni pangaiah pawh a sawi theih tho bawk.

 

6. Hemi hun lai hian Lu meh leh hmul meh thiang lo ani a (mipa tan), chutiangin naupang leh mi dangte sam pawh meh sak thiang lo ani.

 

7. Hmui hmul chunglam chu thil eina a dal chuan Av ni 9 thlenna kar dawn thleng chuan ameh theih ani.

 

8. Tin hleh chu Av ni 9 thlen dawn kar thleng chuan a hleh theih a, amaherawh chu, Nu Mikveh kal ngai tan chuan Av ni 9 thleng pawh chuan a hlep thei a ni.

 

9. Thlathar malsawmna pawh Av ni 9 zawh thleng chuan tih loh tur a ni.


10. Hemi hun chhung hian Havdala na wine chu puitlingin a in tur ani lova, naupang kum 6 chin chunglam Bar Mitsvah la ni si lo chu tlem in tir tur ani a, an awm si loh chuan Havdala hmang tu chuan no hmun 1/4 (Reva kos) a in mai tur a ni, hetianga a in dawn anih chuan wine pangai nilo 'Mits Anavim' a in chu a tha ani.

 

11. Rosh Khodesh Av atang hian insuk thiang lo ani a, (kekawrte leh Moza vel chu a suk theih) tin, inbual pawh dam lo tan chauh lo chuan thiang lo ani.

 

12. Lusun ni 30 na chu Tamuz ni 18 atang Rosh Khodesh Av inkar a atlak chuan a sam leh hmul chu a met thiang a, amaherawh chu, ameh zawh atang chuan Av ni 9 zawh thleng chuan a met thiang tawh lo ani.  


Categories: Taaniot, Chawnghei, Judaism

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments