HAKHOKHMA Post Post New Entry

Chirstianity hi milem biakna chi khat ani em?

Posted by Emuna on July 11, 2011 at 9:20 AM

Zawhna 1na : Juda history kan thlir hian juda sakhaw dan (in relbawn dan) hi mosia'n sinai tlang a trang a a lak a ni a, tuna dan tarlanah hian a bikin wine hralh chungchangah hian muslim leh christiante an lang nawlh mai a, hei hi enge maw a awmzia chiah le? Tin, muslim pa ta chu jentailte hnena hralh a thian lai a christian ta chu a thianglo te hi? milem belo theuh theuh?


Chhanna : Christian chuan Juda te P-thian hi a ring ve a, mahse, a rin danah tlem belhchhah a nei a, chu chu, P-thian pakhata mi nung 3 awm anga a rinna hi a ni, chu mi awmzia chu, Thu sawm pek ah (Ex- 20;4) "Mi lem siam chawp leh , a an pui reng reng i tan i siam tur a ni lo, an rawng i bawl tur a ni hek lo" ati a, tin, a chang 3 naah , "Keimah lo chu P-thian dang i nei tur ani lo" tih kan hmu bawk a, chuti a lo nih chuan, amah P-thian ngei chuan, amah chuah, be turin min phut a, tin, Deuteronamy 12;32 "Tih tura thu ka pek cheu apiang chu in ti tur ani, in belhchhah tur a ni lova, in tikiam tur ani hek lo." tih ziak kan hmuh ang hian,  ama an pui ang, anihna ama insawi dan pela "mi 1 a mi 3 awm ang' tih vel belhchhah hian, Milem biaknaah leh, P-thian thupek dodalnaah Juda te chuan an thlir ani. Tin, (Deut 12;31 " Hnam dangte Pathian chungah chuan Lalpa ngaiha thil tenawm tinreng , a huat tak mai te chu an ti thin ani." tih kan hmuh atang pawh hian, chutiang anga, Pathian siam chawp leh phuah chawp be tute chu kan P-thian ngaiha thil tenawm ani ani.


 

     Chutiang ang lovin, Muslim hote erawh chuan, Juda te P-thian tho, an pu Avrahama (Ishmaela pa, an mahni Muslim ho te hi Ismaela thlah te an ni a) P-thian chu an ring a, mahse, engmah thil danglama sawi kawi lovin, amaherawhchu, an mahni chu P-thian hnam thlan an ni lova, tin, P-thian pawhin an lak atangin Nova fate dan 7 bak a phut lo a, chuvangin,  P-thian an rin dan kawng chu an siksawi ve loh avangin, Milem an bia kan ti thei lo va, chuvangin, milem biaah kan ngai lo a ni.


 

    Chuvangin, Wine chungchangah hian, Muslim chuan a pakhatnaah Wine an in ngai lova, tin, Milem biakna hmaa keng turin milem an biak loh avangin rinhlelhna an kai lova, chuvangin Muslim Wine chu Juda ni lo hnam dang Jentel te hnenah Juda miin a hralh thei a ni.

---------------------------------------------------------------------------------------------------------------------------------------------


Zawhna 2na: Hmanlai judate khan an hmelmate (rome sawrkar lak) lak a tang a chhanchhuaktu tur an beisei thin a, an beisei ang an la nghak chhuaklo chu a ni phawt a, tun a israel, independent country a nih hnu hian enge an beisei dan la ni zel?


Chhanna : Nia, hmanlaia Juda ten tihduhdahna an tawrh lai chuan, an beiseina avangin, P-thian hun ruat ni a Mashiakh lo kal tur chu naktuk maia lo kal turin an beisei thin, mahse, a thil tihtheihna te hmangin tanpuina dang a thlentir thin , a hun ruat a thlen hma chuan, pa pawhin a fate an sual chang chuan a hrem ve deuh thin a, mahse, a chhiat rak thleng chu a en thei bik lo, chutiang ang deuh chuan, hun tiam a thlen hma pawhin, Lalpa P-thian chuan a fate tawrhna chu an that vang ni lo pawhin a fate (Ex-4;22) an nih miau avangin a tanpui leh tho thin, chuvangin, Malakia 4;4 "Ka chhiahhlawh Mosia dan (Torah) , Horeb tlanga a hnena ka thupek , Israel mi zawng zawng tana thu ruat te leh, Rorelna te kha hre reng rawh u. Ngai teh u, Lalpa ni ropui leh rapthlak tak a lo thlen hmain Zawlnei Elijah chu ka rawn tirh ang che u. ani chuan pa leh fate inkarah inrem lehna a thlentir ang..." tih ziak kan hmuh ang hian, tunah State neiin mahniin ro in relmah ila, P-thian thu ruat ni chu Rapthlak takin a lo la thleng dawn a, chu chu Harmagadon (Gog Umagog War) kan tih kha a ni a, tichuan, chumi hunah chuan Zawlnei Elijah chu a lo kal a nga , ani chuan Mashiakh chu hriak a rawn thih dawn a ni, (Lal tur chu Zawlnei chauhin hriak athih angai si a, chuvangin, Elijah chu hemi hun tur atan hian P-thian in a nung chungin a la bo a nih kha) , tin, he thu atang hian, Thuthlunghlui in tih hi a hlui loh zia, amah kan biak Lalpa P-thian ngei ang hian, hlui ni nei lo anih kan hrethiam awm e, Mosia dan kha hre reng rawh u a tih atang khian, hei hian,, Chatuan a daih a, chuvangin, Juda te tan chuan Thuthlung thar an mamawh ve lo reng a ni.


 

    Tin, a tawpa, pa leh fate inkarah inrem lehna a thlentir ang, tih anih ang hian, Pa (P-thian) leh a fate (Israel te) inkarah in kungkaihna leh in hmangaihna a lo lang chhuak dawn ani.


 

    Chumi hun chu, ania hman laia kan mi hmasa te leh tun thleng a Juda te beisei leh nghah chu, tichuan, tun lai a khawvela thil thleng tam tak te hi Zawlnei ten hun tawp huna lo thleng tur an hrilhfiahna kha a indawtin a thleng zut zut maia hei, chuvangin, kan thleng tep chu a ang , chu kan beisei chu.


*Source ; http://www.hakhokhma.org/apps/profile/77527882/

Categories: Emuna, Rinna lam, Judaism

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments