HAKHOKHMA Post Post New Entry

Juda ten Lal an neih loh nachhan.

Posted by Emuna on July 11, 2011 at 9:05 AM

            Greek Church-te leh Roman(c) leh Protestant te'n min titipui thin dang leh chu heti hian : Judaten'n nangmahnia lal in neih tak lohna chhan chu in hre reng lawm ni? Isua Krista leh a lalram hi ring duh lovin in hnawl vei a nih kha, ani chu Israelte lal a ni si a. Hei vang hian alawm Israel lalram (empire) chu tihchhiata a awm tak ni, tiin.


 

            Heti hian ka chhang thin : "Zawneite thu sawi atangin hriat leh hmuhin a awm tawh a, kan bawhchhiatna tam tak sawhkhawk chuan kan ram chu Nebukadnezara hun lai khan, tihtiauvin a awm a, he lal hian Judah ram lal Jedekiah pawh Babulon salah a hruai tel ve nghe nghe a ni.


 

            "He thil thleng hi Isua lo awm hma kum zali aia tam daiha lo awm a ni. Judate chu inzui zatin Babulon, Medes leh Greek ram ho chhiahkhua an lo chang zo tawh a ni. Isua pian hma daih atang tawhin Rome-ho bawihah kan lo awm tawh a ni. In chanchintha (Luka ziak 3:1) ah a proof-na chu in hmu thei ang, ‘Tiberius Caesar, Pontius Pilate  a chu Jude-a ram Governor-ah kum sawm leh pali a thutna a lo ni ta, etc. Johana 19:15 pawh hi en teh, Pilata'n an hnenah thu a sawi a, In lal hi ka lo khengbet mai dawn em ni? tiin. Puithiam lal berin a chhang a, Kaisara lo chu lal dang kan nei lo? tiin. Tunah hian Isua chu in lo hmeh bel ang a Israelte Governor a lo nih chuan, lalah tuinnge siam a, engtikahnge Israel ramah ro a rel a, Israelte chungah khaw laiah nge lalna leh thuneihna a chan? Kan bangbo a ni e. Heng Greek Kohhran member te hi in Messiah lalram chhunga amah hriatpuitu hmasa ber ber party te in ni a, Amah in rinna pawh in la chhunzawm zel a, tin, amaherawh chu, in sawrkar chu tihchhiatin a awm a, nangmahni mi ngei lal pawh in nei tawh lo anih hi : Mohammedan roreltu, Turkish Sultan, tuna Holy Land ram neitu ni ta khanin Greek ram thlengin a rawn inzarpharh ta a nih kha," tiin.


 

            Tun hmaa mahni ram lal turte thlang thin Kristian State dang tam tak an awm thin a, tunah chuan Ottoman chakna hnuaiah an intulut hlawm ta a nih hi. Kawng dang leh ah chuan, Mohamedan-te hian Isua Doctrine chu an ring lo mai ni lovin, nangni pawhin in hmu vek a, Isua thurin zawmtu tam tak zahngaihna tel hauh lovin an nghaisa chiam chiam a nih kha. Tin, heti chung pawh hian Turks ho lalram chuan an hausakna leh hlawhtlinna te tuma tihbuai lohvin an chen hlim thei reng a nih hi. 


*Source; http://www.kashrut.fav.co.il/index.php?dir=app_sites&page=content&id=180798 ;

* Judaism Vrs Kristianity - click here

 


 

Categories: Emuna, Rinna lam, Judaism

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments