HAKHOKHMA Post Post New Entry

Engkim ti theia'n Israel te hnawlin Kristian te a thlang reng em?

Posted by Emuna on July 11, 2011 at 8:40 AM


        Kristian hovin heng inhnialna thila an sawi chhawn thlak zen chu Engkimtitheia'n Israelte a hnawlna chhan chu, a palai tirh Messiah zirtirna an ngaihthlak duh loh vang leh amah chu ro an rel khum tak avang kha  a ni. Tichuan, Lalpan an ni Kristian hnamte chu a thlang ta a,  anmahni tan leh an thlarau chhandam nan Krista chuan martar-na thlenga a tawrh a phalsak ta zawk a, a chhan chu amah kha an hriatpuiin an pawm a, an rin bawk avangin, tiin.

 

          He inhnialna (argument) hi hmuh loh a ni, Kristiante chu anmahniin an inpuang a, Isua lo kal hmate khan, anni (Jentail) te chuan Engkimtitheia an phatsan a, tichuan milem be mai an lo ni ta a. Isua lo kal hnu thleng pawh khan, amah chu Pathian angin an dawngsawng chuang lo va, a lo awm ve hnu lam kum za fe a liam thleng khan an la ring duh lo a nih kha. Ni e, anni (Jentail) te khan anmahni kut zal ngeiin amah leh, a zirtir apostle te leh zuitu dangte dodalin an nghaisa a, tichimit reng rengin an hmanhlel zawk a nih kha maw. Rome Emperor Nero khan entir nan, Petera leh Paula kha thihna pangngai lovin a thih tir a, chu chu kan hriat theuh angin Isua ring tura mipuite kha an thlem nasat em vang a ni. Mawl lai hun,kum 254 lai khan Roman Emperor Decius chuan Laurentius chu mipuite Kristianna pawm tura a thlem chiam avang khan a nung chungin an hem hmin  (roast)  a nih kha.


       Tichuan, ama hnua Emperor rawn indawt thla zelte chuan, Kristiante an tiduhdah chho ta zel a, an Pope ber pawh an thah sak a, tin Isua sakhaw din vuantute tam tak an that teuh teuh a ni, an kohhran thil chhinchhiahna bu atangin chungte chu a lawrkhawm theih vek a ni. Kristian thurin la luttu Byzantine Emperor hmasa ber a sakhaw atchilh puitute tana Isua thih hnu kum 300-a dante dinnghettu chu Constantine-a a ni. A hun lai khan Arius-a a lo ding a, Kristian dogma dodalna a phuah kual vel a, mahse Constantine-a chuan a bengkhawn sak duh lova, He Monarch (lalber) hi a thih hnuin a dawttu Constantine-a Arius pawlah hian a tel ve a, doctrines siamte chu a pawisa ta lova ni; tin, amah thlaktu a laina Julian pawh chutiang bawkin Arians sukthlekna lamah a bei ve ta a tichuan Kristian Rinna (Faith) lungphum ber chu a hnawl ta a ni. Ama tihdan (example) chu ama hnua rawn lal chho zel tamtakin an entawn ve ta zel a ni.


         Tunlai kan tun hun zelah pawh ama hming chawi hiala pawl lo dintu Arius-a thuneihna (authority) pawmpuitu mipuite an la awm nghe nghe a ni. He Christianity hnawlna bul intanna Jentailte thiltih pawh hi hmanlai Prussia-a chengte zingah pawh hriat theih leh hmuh theihin a awm tur a ni. Christian era (CE)  990 khan Bishop Adelbert of  Prague chu lokal in ama sakhua chu a rawn zirtir a, he ram mite hian a ni chu an lo chandarh vek a ni.  Kum zabi 11-na hmalam kha chuan Prussian leh Poles-ho khi chu Scandinavians ho nen khan kum 1400th vulgar era thleng khan Ecclesiastical history-in a sawi angin Kristian Sakhuaah an inlet (convert) duh lo a nih kha. Christianity zuitu tam ber te chuan rangkachak te, tangkarua te, thing leh lunga siam milim biain vawiin thleng hian an la chhunzawm zel a, an zinga tam takin, an sakramen chhang chibai bukin a hmaah an thingthi a ni.


*Source; http://www.kashrut.fav.co.il/index.php?dir=app_sites&page=content&id=180798 ;

* Judaism Vrs Kristianity - click here

Categories: Judaism, Emuna, Rinna lam

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments